Երեւանի ավագանու թեկնածուների առաջադրումները սկսվել են. ովքե՞ր կարող են լինել քաղաքապետ

Երեկվանից մեկնարկել է մայիսի 14-ին կայանալիք Երեւանի ավագանու ընտրությունների առաջադրումների փուլը: Մինչեւ ապրիլի 9-ը կուսակցությունները, կուսակցությունների դաշինքները հնարավորություն ունեն փաստաթղթերը ներկայացնել ԿԸՀ: Ըստ ժամանակացույցի՝ ապրիլի 9-ից մինչեւ 14-ը ԿԸՀ-ն կիրականացնի ներկայացված ցուցակների գրանցումը:

Երեւանի ավագանու ընտրությունների քարոզարշավը մեկնարկելու է ապրիլի 21-ից: Այս պահի դրությամբ ԿԸՀ-ում դեռ առաջադրումներ չկան: Քաղաքական ուժերը զբաղված են խորհրդարանական ընտրությունների քարոզարշավով:

Մամուլը այս ընթացքում փորձել է որոշ կուլիսային տվյալներ հաղորդել հնարավոր առաջադրումների մասին: Մասնավորապես, «ՀԺ»-ն գրել էր, որ Երեւանի քաղաքապետի  ՀՀԿ թեկնածուն  էլի  Տարոն Մարգարյանն է լինելու։  «Հայկական ժամանակ»-ի հարցին՝ արդյոք ՀՀԿ Երեւան քաղաքի տարածքային կազմակերպությունների աշխատանքները համակարգողի կարգավիճակը, որը տրվել է Տ. Մարգարյանին, նշանակո՞ւմ է, որ վերջինս 2017 թ. նորից  գլխավորելու է  Երեւանի ավագանու ՀՀԿ-ի ցուցակը, ՀՀԿ կազմակերպչական հանձնաժողովի  նախագահ  Ռուբիկ Թադեւոսյանը պատասխանել էր. «Իհարկե։ Կարող եք մտածել եւ այդպես էլ կարող է լինել»։

Տեղեկություններ էին հրապարակվել նաեւ «Ծառուկյան» դաշինքի հնարավոր թեկնածուի վերաբերյալ: Խոսքը «Միասնություն» համազգային շարժման ղեկավար Արման Վարդանյանի մասին էր: Այս կապակցությամբ ԲՀԿ նախկին ղեկավար Նաիրա Զոհրաբյանը թերթերից մեկին ասել էր. «Ես Ձեզ ասեմ, որ ե՛ւ դաշինքի ներսում, ե՛ւ անձամբ Գագիկ Ծառուկյանի հետ եղել են քննարկումներ, եւ մեր մոտեցումն այն է, որ Արման Վարդանյանը Երեւանի ավագանու ընտրություններին, լինելով մեր ֆավորիտը, գլխավորի «Ծառուկյան» դաշինքի ավագանու նախընտրական ցուցակը»:  
Երեկ, սակայն մամուլում հրապարակում եղավ, որ «Ծառուկյան» դաշինքի թեկնածուն հնարավոր է Հովիկ Աբրահամյանի որդին՝ Արգամ Աբրահամյանը լինի: Այս կապակցությամբ փորձեցինք մեկնաբանություն ստանալ Աբրահամյանից, սակայն նրա հետ խոսել չհաջողվեց: Դաշինքի մամուլի խոսնակ Իվետա Տոնոյանը խոստացավ ճշտել տեղեկությունը եւ հայտնել:

Մյուս քաղաքական ուժերի վերաբերյալ դեռ տեղեկություններ չկան: Հաշվի առնելով, որ այսօր ավարտվում է խորհրդարանական ընտրությունների քարոզարշավը, հավանաբար քաղաքական ուժերն այդ հարցին կանդրադառնան վաղվանից:

Հիշեցնենք, որ Երեւանի ավագանու նախորդ ընտրությունները կայացել են 2013-ի մայիսի 5-ին: Ընտրության արդյունքներով, ՀՀԿ-ն ստացել է 521 127 ձայն, ԲՀԿ-ն՝ 214 634 ձայն, «Բարեւ Երեւան» դաշինքը՝ 78 119, ՀԱԿ-ը՝ 40 660 ձայն, ՀՅԴ-ն՝ 35 067, ՕԵԿ-ը՝ 34 702, «Առաքելություն» կուսակցությունը՝ 5 892 ձայն:

Երեւանի ավագանու կազմում ընդգրկվել են ՀՀԿ ընտրական ցուցակից՝ 42, ԲՀԿ-ից՝ 17 անդամ, «Բարեւ Երեւան» դաշինքի ցուցակից` 6 անդամ: Ընտրապայքարի մասնակից քաղաքական ուժերից 4-ը՝ ՀԱԿ-ը, ՀՅԴ-ն, ՕԵԿ-ը եւ «Առաքելություն»-ը, չեն հաղթահարել սահմանված 6 տոկոս շեմը:

Տպել
10894 դիտում

Արագած լեռան վրա արջի հարձակումից տուժած Լեհաստանի քաղաքացին մահացել է

Վարչապետն ընտանիքի հետ ներկա է գտնվել Սեւանի թերակղզում կազմակերպված ձկան փառատոնի բացմանը (լուսանկարներ)

Փաշինյանն ընդդեմ նախկինների. հաշիվն այսօր 10:3 է՝ հօգուտ Փաշինյանի․ Կարեն Անդրեասյան

ԱԺ նախագահն ընդունել է Ֆրանսիա-Հայաստան բարեկամական խմբի փոխնախագահի գլխավորած պատվիրակությանը

Երեւանում Ջերմուկի բնակիչների հետ համատեղ քայլերթ է իրականացվելու՝ ընդդեմ Ամուլսարի հանքի շահագործման

Թրամփը հայտնել է, որ ամերիկացի ուժայինները ոչնչացրել են «Ալ-Քաիդայի» հիմնադիր Բեն Լադենի որդուն

Սփյուռքի գլխավոր հանձնակատարը հանդիպել է «Էրմիտաժ» թանգարանի տնօրենի հետ

«Սեքյուրիթի դրիմ» ընկերության հիմնադիրը գրավի դիմաց ազատ է արձակվել

Արագած լեռան վրա Լեհաստանի Հանրապետության երկու քաղաքացի ենթարկվել է արջի հարձակման

ՀՀ ԱԳ նախարար Զոհրաբ Մնացականյանն ընդունել է Ֆրանսիայի Ազգային Ժողովի պատգամավորներին

Հենրիկ Նավասարդյանն ազատվել է Երեւանի քաղաքապետարանի տրանսպորտի վարչության պետի պաշտոնից

Մեր ժառանգությունը չի ճանաչում ժամանակային սահմաններ. ՀՀ ԱԳ նախարար

Նախարարությունը մշակել է ծայրահեղ աղքատ ընտանիքներին աջակցող որոշման նախագիծ

Բելգիայի փոխվարչապետ, արտաքին գործերի նախարար Դիդյե Ռեյնդերսը կասկածվում է կոռուպցիայի համար

Սեւանի զարգացման հետաքրքիր եւ լուրջ նախագծեր կան. Նիկոլ Փաշինյանը մասնակցում է Eco fish fest-ին՝ ձկան փառատոնին

Իջեւանում նախարար Սուրեն Պապիկյանը ներկայացրել է համայնքի ղեկավարի պաշտոնակատարին

Շուշիում «Օպել»-ի վարորդը վրաերթի է ենթարկել 6-ամյա երեխայի

Ի՞նչ պետք է իմանա ֆիզիկական անձը ԵԱՏՄ անդամ չհանդիսացող երկրից ավտոմեքենա ներկրելիս (տեսանյութ)

Անցնող շաբաթ ադրբեջանական կողմը հայ դիրքապահների ուղղությամբ արձակել է շուրջ 650 կրակոց

Շենքի 6-րդ հարկից ընկած 2.5 տարեկան տղայի մոտ դրական տեղաշարժ կա․ բժիշկները վիճակը գնահատում են միջին ծանրության