Տեսախցիկներ տեղադրող ընկերությունը գոհ է. արդարացվա՞ծ էր 2 մլն 332 հազար եվրո ներդրումը

Ինչպես տեղեկացրել ենք՝ այսօր առավոտից բավականին մեծ թվով դժգոհություններ են հնչեցվել ընտրատեղամասերի օնլայն դիտարկման սարքավորումների չգործելու վերաբերյալ: Դեռ առավոտյան մեր թղթակցի հետ զրույցում ՀՀ ԿԸՀ նախագահ Տիգրան Մուկուչյանն ասել էր, որ դա պայմանավորված է այցելությունների մեծ թվով, հեռարձակումն ապահովող կայքի ծանրաբեռնվածությամբ:

Օրվա ընթացքում դժգոհություններն այնքան մեծացան, որ պարզաբանմամբ հանդես եկավ «Յուքոմ» ընկերությունը՝ նշելով, որ վերջին մեկ ամսվա ընթացքում կապի տեխնոլոգիայի նորագույն միջոցներն օգտագործելով ընկերությունն իրականացրել է կապի ապահովման հսկայածավալ աշխատանքներ, ինչի արդյունքում ցանցն անխափան կերպով աշխատում է: Տեսախցիկների քանակի, տեղադրման, գործարկման, դրանց հետևելու կայքի աշխատանքի, տեղամասերի հասցեների ընտրության հետ կապված, ինչպես և այլ տեխնիկական հարցերով «Յուքոմ» ընկերությունը խորհուրդ էր տվել դիմել «Ի ԱՅ ՍԻ Տելեկոմ»:

«Ի ԱՅ ՍԻ Տելեկոմ» ընկերությունից փորձեցինք պարզել, թե օրվա ընթացքում քանի՞ տեսախցիկ է խնդիր ունեցել, քանիսը չեն աշխատել, ո՞րն է պատճառը:

«Աշխատում են բոլորը, էս պահին կարող է չաշխատեն, որտեղ որ խնդիր չի եղել հոսանքի հետ կապված, բոլորը աշխատում են... 1486 հատիկ այս պահին (19:30-ի սահմաններում-խմբ.) աշխատում է, մնացած 14 հատն ինչո՞ւ չի աշխատում՝ ասեմ. ռադիոկապ է, տեղեր կան գնում-գալիս է, է դա նորմալ է»,- մեզ պատասխանեց ընկերության աշխատակիցը, որ չցանկացավ ներկայանալ:

Հարցին, թե արդյո՞ք բոլոր խափանումների դեպքում հոսանքն է եղել խնդիրը՝ «Ի ԱՅ ՍԻ Տելեկոմ»-ի աշխատակիցը պատասխանեց.

«Դե կան ահազանգեր, ծանրաբեռնված է եղել, չի աշխատել»:

Անդրադառնալով ընդհանուր առմամբ խնդիր ունեցած տեսախցիկների թվի մասին մեր հարցին՝ ընկերության աշխատակիցը նշեց, որ այդպիսի թիվ չունեն, որովհետեւ. «Օրվա ընթացքում խափանվել-եկել ա, խափանվել-եկել ա, տարածքային հոսանքի անջատումներ են եղել, եղել է, որ կպել են՝ անջատվել է: Մի խսքով տարբեր բաներ են եղել: Օրվա առաջին կեսին վեբ կայքն է ծանր աշխատել: Այնպես որ թիվ չեմ կարող ասել, թե քանիսն են օրվա մեջ խնդիր ունեցել, 15 րոպե կտրվել՝ հետ է եկել, մեր մասնագետները ամբողջ օրը հետեւել են, խնդիրը վերացրել»:

Ընդ որում, ըստ նրա՝ դա չի կարող դիտարկվել իրենց վերցրած պարտավորության ոչ լիարժեք կատարում. «ՀԷՑ-ի, հոսանքի հետ կապված խնդիրը պարտավորությու՞ն է մեզ համար: Տեղամասում ինչ-որ տեխնիկական խնդրի պատճառով անջատումը խնդի՞ր է»,- զարմացավ նա:

Իսկ միգուցե հենց այդ անջատման ընթացքում խախտում լիներ եւ այն չարձանագրվեր. այս դիտարկմանն ի պատասխան ստացանք հետեւյալ պատասխանը.

«Բոլորն էլ հնարավորություն ունեն նայելու. հանձնաժողովի անդամները, լրագրողներ կան, դիտորդներ կան ընտրախախտումների համար, կնայեն, կարձագանքեն: Մեր կամերաները ամեն դեպքում աշխատել են, վեբ կայքն է ծանրաբեռնված եղել»:

Ընդամենը հիշեցնենք, որ տեղամասերում տեսախցիկների տեղադրման համաձայնություն ձեռք բերվեց 4+4+4 ֆորմատով բանակցությունների ընթացքում: Պետությունը, սակայն այդ տեսախցիկների տեղադրման պարտավորությունը ոչ թե վերցրեց իր վրա, այլ մրցութային կարգով փոխանցեց մասնավոր «Ի ԱՅ ՍԻ Տելեկոմ» ընկերությանը:

Հայաստանի մոտ 2000 ընտրատեղամասերում տեսախցիկներ տեղադրելու եւ դրանց սպասարկումն ապահովելու համար հայտարարված մրցույթին մասնակցելու նպատակով միայն այս ընկերությունն էր դիմել՝ ներկայացնելով 3,8 մլն եվրոյի բյուջե: Մինչդեռ ծրագիրը ֆինանսավորող Եվրամիությունը նախապես պատրաստ էր 1,6 մլն եվրո հատկացնել: Հանձաժողովի, կառավարության եւ «Ի ԱՅ ՍԻ Տելեկոմ» ընկերության շաբաթներ տեւող բանակցության արդյունքում ի վերջո համաձայնություն ձեռք բերվեց, որ տեսանկարահանող սաքեր կտեղադրեն ընդամենը 1500 ընտրատեղամասերում, այն էլ յուրաքանչյուրում նախապես որոշված երկուականի փոխարեն ընդամենը մեկը: ԵՄ-ն ևս 400 հազար եվրո ավելացրեց՝ իր ֆինանսավորումը հասցնելով 2 մլն եվրոյի: ԵՄ հորդորով եւս մոտ 300 հազար եվրո հատկացրեց նաեւ ՀՀ կառավարությունը՝ որպես ներկրվող սարքավորումների մաքսազերծման գումար:

«Ի ԱՅ ՍԻ Տելեկոմ» ընկերությունը որևէ փոխզիջում չարեց ներկայացրած գները նվազեցնելու հարցում: Յուրաքանչյուր տեսախցիկի ձեռքբերման համար, օրինակ, այդ ընկերությունը մոտ 600 եվրոյի պահանջ էր ներկայացրել՝ նշելով, որ ավելի ցածրարժեք տեսախցիկը չի կարող տեսանկարահանման ցանկալի որակ ապահովել:

Տպել
11911 դիտում

«Քաղաքացիական պայմանագիր» կուսակցության անդամները սպասում են հաշվարկի ավարտին

ԵՄ-ն իրականացնելու է ՀՀ հյուսիսային 3 մարզերում զբոսաշրջության խթանման 13 մլն եվրո արժողությամբ ծրագիր

Հանդիպել են Նիկոլ Փաշինյանն ու Սամվել Կարապետյանը (տեսանյութ)

Շիրակի մարզի Փանիկ գյուղում ներգործության է ենթարկվել 1 կարկտավտանգ ամպ

Սևանա լճում հանգիստ նախընտրողները կարող են արդեն օգտվել Ալմաստ (Երևան)–Շորժա էլեկտրագնացքից

Առաջիկա 5 օրերին կեսօրից հետո ՀՀ տարածքում սպասվում է անձրեւ, ամպրոպ, տեղ-տեղ կարկուտ

Արդարադատության նոր նախարարի թեկնածուների վերաբերյալ վերջնական որոշում չկա. Ավինյան

Հալիձոր գյուղում սողանք է եղել, փակել Որոտան գետի հունը. «Սատանի կամուրջ» այցն արգելված է

Երեկոյան ՔՊԿ համաժողովը կներկայացնի նախագահի թեկնածուին. վարչության անդամների ընտրություններն ընթանում են

Քաղաքապետարանը տրասնպորտային նոր ցանցի նախագծի վերջնական փաթեթն ուղարկել է կառավարություն

Չեմ ողջունում Ռուսաստանի դեսպանի հանդիպումը Քոչարյանի հետ. Արարատ Միրզոյան

Անձնագրային բաժանմունքում աշխատակիցն իրավունք չունի քաղաքացուն ուղարկել այլ աշխատակցի մոտ. իրազեկում

Արտեմ Դալաքյանը երրորդ անգամ պաշտպանել է WBA վարկածով աշխարհի չեմպիոնի տիտղոսը (տեսանյութ)

Վարժարանի ուսուցիչը կասկածվում է 15-ամյա աշակերտուհու նկատմամբ անառակաբարո գործողություններ կատարելու մեջ

Մենք ձեւավորում ենք գաղափարական նոր հարթություն՝ 4 սյուների վրա հիմնված. վարչապետը՝ ՔՊ համաժողովին (տեսանյութ)

Կիեւյան փողոցի շենքի մոտ ծուխ է նկատվել. փրկարարները տարհանել են բնակիչներին

Այս անգամ Ծառուկյանն էլ չի փրկի ձեզ, եթե պատերազմ եք ուզում՝ կստանաք. Տիգրան Ուրիխանյան

Այսօր «Քաղաքացիական պայմանագիր» կուսակցության համաժողովն է. ընտրվելու է վարչության նոր կազմ. ուղիղ

Արտակարգ դեպք Նուբարաշեն ՔՀԿ-ում. 57-ամյա իրանցու դին հայտնաբերվել է ճաղավանդակից կախված. Shamshyan.com

Մահացել է իտալացի ռեժիսոր Ֆրանկո Ջեֆիրելլին