«Չէի ասի, որ զարմացա, բայց մի քիչ ավելիի հույս ունեի». աշխարհահռչակ դիտորդներն ամփոփում են

Դիտորդական առաքելությամբ Հայաստան ժամանած կանադահայ դերասանուհի Արսինե Խանջյանը, նրա ամուսինը՝ հայտնի ռեժիսոր Ատոմ Էգոյանը, հայտնի ռեժիսոր Էրիկ Նազարյանը քիչ առաջ հանդես եկան ամփոփիչ ասուլիսով՝ ներկայացնելով ընտրական գործընթացից իրենց տպավորությունները:

Նշելով, որ այսօր հասցրել են լինել Գորիսում, Սիսիանում, Երեւանի Մալաթիա համայնքի տեղամասերում՝ Արսինե Խանջյանն ասաց, որ իր այցելած բոլոր ընտրատեղամասերում ընտրախախտումներ է արձանագրել:

«Խախտումներ բոլոր տարածքներում էլ արձանագրել ենք: Բոլոր տեղամասերում հատկապես կուտակումներ կային: Անտեղյակություն կար, շփոթմունք: Քվեարկողները չգիտեին, թե ինչպես պետք է օգտագործեին քվեաթերթիկները եւ ծրարները: Մի զինվոր կար տեղամասերից մեկում, չգիտեր ինչ անել, սխալվեց, ստիպված էր երկրորդ անգամ քվեարկել, բայց չքվեարկեց եւ դուրս եկավ տեղամասից: Շփոթումը տեղի տվեց բաց քվեարկությանը: Կար նաեւ ուղղորդում, տարեցների ոչ թե ուղեկցում, այլ ուղղորդում», - հայտարարեց նա:

Խոսելով հանձնաժողովների անդամների ու ղեկավարների վարքի մասին՝ դերասանուհին ընդգծեց, որ նրանց կողմից կողմնակալ վերաբերմունք կար: «Հրաժարվում էին դիտորդների արձանագրած խախտումները գրանցել: Նաեւ շատ հետաքրքրական է, որ դիտորդներն ընդհանրապես հուսահատ էին, որովհետեւ իրենց լիազորություններն իրականացնելու ազատություն չունեին՝ գոնե նվազագույնը գրանցումների համար: Երբ որ ես մոտենում եւ ասում էի՝ պետք է գրանցել այսինչ խախտումը, նոր մոտենում էին ու գրանցում», - վստահեցրեց դիտորդը:

Շարունակելով թվել իր արձանագրած խախտումները՝ Խանջյանն ասաց, որ տեղամասերից մեկում նկատել է ՀՅԴ թեկնածուին, որն այդ տարածքում անելիք չի ունեցել: «Ամենամտահոգիչ մասն այն էր, որ ուղորդումներ կային. նույնիսկ լրագրողների բեյջեր ունեցողները դուրս ու ներս էին անում, ինչ-որ մարդկանց բերում»,- նկատեց նա:

Դերասանուհին ի պատասխան լրագրողներից մեկի հարցի անդրադարձավ նաեւ իր սպասելիքներին. 

«Սպասում էի, որ ավելի հանդարտ ընտրությունների կմասնակցեմ, որովհետեւ ամեն մարդ ասում էր, ընտրությունների մասնակցության իմ առաջարկը իզուր է, որովհետեւ ամեն ինչ արվում է մինչեւ այդ օրը: Դրա համար մենք գիտեինք, որ մինչ ընտրության օրը արդեն բավականին խախտումներ կային: Ես ասում էի ոչինչ, ուզում եմ ընտրությունների մաքրությունը տեսնել: Բայց պետք է ասեմ, որ մաքուր չէր ամեն բան: Մենք իսկապես լուրջ գործ ունենք երկրում, եթե ուզում ենք դեմոկրատականին մոտեցնել մեր ժողովրդին եւ մեր երկրի ապագան: Եթե իսկապես ուզում ենք այս երկիրը հեղափոխություն ունենա, մարդկային, քաղաքական հեղափոխություն, մեծ գործ ունեն անելու ընդդիմադիր կուսակցությունները...Կարիք կա քաղաքացիական իրավունքների եւ պարտականությունների գիտակցություն ստեղծելու: Հարցերից մեկը ոչ թե խախտումներն են, այլ այն, որ իրենք այդ պարտավորությունը չեն զգում: Չեն գիտակցում, որ կարող են իրենց ձայնով փոփոխություն բերել երկրում: Չէի ասի, որ զարմացա, բայց մի քիչ ավելի հույսով էի, որ ավելի զորավոր քաղաքացիական գիտակցության առջեւ եմ»,- եզրափակեց Խանջյանը:

Էրիկ Նազարյանը եւս անդրադարձավ ընտրողների մեջ առկա շփոթմունքին, այն անվանեց քաոս: Խոսելով Տավուշի մարզի տեղամասեր իր այցի մասին՝ նա ընդգծեց, որ ժողովրդի դեմքից երեւում էր, թե ինչքան չարքաշ, տանջված ազգ ենք, եւ ինչքան ուրիշներն են տանջել, հիմա մեքն ենք տանջվում:

Ատոմ Էգոյանը խոսեց ընտրական պրոցեսից եւ ընդգծեց, որ այն չափազանց բարդ էր կառուցված, ամեն ինչ արված էր քվեարկության արդյունքը կանխատեսելի դարձնելու համար:

Նա տարօրինակ համարեց այն, որ օրվա առաջին մասում գրեթե երիտասարդ մարդիկ չեն քվեարկել: «Պետք է ձեւ գտնել երիտասարդներին ներգրավել այս գործընթացում, որովհետեւ ամենավատ բռնակալությունը այն է, երբ մարդ ինքն է իր վրա բռնանում, որովհետեւ դա ստեղծում է այն վիճակը, երբ ազգն այլեւս չի ուզում արտահայտել իր կարծիքը»,- հավելեց Էգոյանը:

Տպել
30013 դիտում

Վրաստան մուտքի արգելքը շարունակում է ուժի մեջ մնալ. բացառություն են բեռնափոխադրումները

Երեւանում «Toyota Camry»-ն բախվել է մայթեզրի արգելապատնեշին և շրջվել

ԵԱՏՄ անդամ բոլոր պետությունները համաձայնեցրել են հայկական կողմի առաջարկը. ի՞նչ են քննարկելու վարչապետները Երեւանում

Գաղտնի երդմնակալություն, միջազգային սպառնալիքներ, շարունակվող ցույցեր ու ձերբակալումներ. Բելառուսն այսօր (լուսանկարներ)

Քանդակները վերականգնման կարիք ունեն, բայց դրա համար հայտարարված երեք մրցույթին էլ ոչ ոք չի մասնակցել

Աշակերտների որոշ խմբերի համար դպրոցում դիմակ կրելը պարտադիր չի լինի. ուղեցույցը վերանայվել է

Մոսկվայում տեղի է ունեցել հանդիպում հուլիսյան դեպքերի հետևանքով կալանքի տակ գտնվող ՀՀ քաղաքացիների իրավապաշտպանների հետ

Լեդի Գագայի՝ փարաջանովյան դրվագներով հոլովակը փորձ է մարդկանց սթափեցնելու. Կարինե Հակոբյան

Մարմաշենում 21-ամյա երիտասարդի սպանության համար մեղադրվողը ազատ չի արձակվի. դատարանը մերժել է միջնորդությունը

Քիչ էր մնում անակնկալը փչացնեիք. ԱՆ խորհրդականը հրապարակել է պարգևատրված բուժաշխատողների ցանկը, որի մեջ է նաև «Նորք»-ը

Արգավանդ համայնքում երեք հակակարկտային կայան է տեղադրվել

Ստուգումներ մարտական հենակետերում. ՊՆ

Շիրակի մարզում կորոնավիրուս է հաստատվել 28 ուսուցչի մոտ. մեկուսացված է 186 աշակերտ

Ներկայացվել է ավիաընկերությունների ցանկը, որոնցով ճամփորդելիս պարտադիր է ՊՇՌ հետազոտության պատասխանի առկայությունը

Վանաձորի կենտրոնում խանութ է պայթեցվել (լուսանկարներ)

Տեղի է ունեցել «Հին Երևան» կառուցապատման ծրագիրը համակարգող աշխատանքային խմբի նիստը

Գործադո՞ւլ, թե՞ բողոքի ակցիա ՀՊՏՀ-ում ու ի՞նչ է սահմանում Աշխատանքային օրենսգիրքը

Երևանի վարչական շրջաններում ապօրինի շինություններ են ապամոնտաժվել

Երեք տասնամյակ շարունակ Թուրքիան մերժում է Հայաստանի՝ դեպի ծով ելք ունենալու իրավունքը. Զոհրաբ Մնացականյանի ելույթը

Էդգար Բաբայանը ցանկանում է կարիերան շարունակել Դանիայից դուրս