«Վատ բաներ պիտի ասեմ». Հակոբ Հակոբյանները՝ ընտրություններում պարտվելու մասին

6-րդ գումարման Ազգային ժողովում չեն լինելու Հակոբ Հակոբյան անուն-ազգանունով երկու պատգամավորները, որոնց հասարակությունն ու լրագրողները տարբերում են Կիլիկիայի Հակոբ եւ Թունելի Հակոբ անուններով:

«Երեւանի գարեջրի գործարան» (Kilikia) ՓԲԸ նախագահ Հակոբ Հակոբյանը ապրիլի 2-ին կայացած ընտրություններում առաջադրվել էր Տավուշի մարզն ընդգրկող թիվ 13 ընտրատարածքում: Նա ստացել է 8090 ձայն: Տավուշի մարզին ռեյտինգային ընտրակարգով հասանելիք մանդատը, սակայն կստանա «Գրանդ տոբակո» ընկերության ֆինանսական տնօրեն Գրիգոր Ավալյանը:

Հակոբյանից հետաքրքրվեցինք, թե ինչո՞վ է պայմանավորում իր պարտությունը. «Ես չեմ ուզում պատասխանել, վատ բաներ պիտի ասեմ, դրա համար չեմ ուզում ասել»,- ասաց նա: Գործարարը չհստակեցրեց՝ ընտրողների մասի՞ն էր վատ բաներ ասելու, թե՞ Հանրապետական կուսակցության, որի խորհրդի անդամ է:

Ասաց, որ ոչ մեկի մասին չի ուզում որեւէ բան ասել: «Կանցնի 10-15 օր, կպատասխանեմ: Դեռ ոչ մի բան չի ավարտվել, չարժի որեւէ բան ասել»,- հավելեց նա: 

Գեղարքունիքի մարզն ընդգրկող թիվ 8 ընտրատարածքում առաջադրված Հակոբ Հակոբյանը ընտրություններում ստացել է 13 248 ձայն: Այս մարզում ռեյտինգային մանդատները բաժին են ընկնում Կարեն Բոթոյանին (14 հազար 932 քվե) եւ Ռաֆիկ Գրիգորյանին (14 հազար 430 քվե):

Ներկայացնենք Հակոբյանի հետ մեր զրույցը. վերջինս, ի դեպ, նոր էր Գեղարքունիքից Երեւան վերադարձել.

- Պարոն Հակոբյան, ինչո՞վ եք պայմանավորում ձեր պարտությունը:

- Ինչո՞ւ եք ինձ հարցնում: Ժողովրդից, ընտրողից հարցրեք:

- Փորձե՞լ եք անձամբ հասկանալ այդ հարցի պատասխանը:

- Ես շատ բան եմ հասկացել, բայց դա քիչ է: Պետք է հասկանալ ժողովուրդն ինչ է հասկացել, դրա համար հարցերն ուղղեք միայն ընտրողին: Իսկ եթե խոսքը ձայների մասին է, իմ ձայները քիչ չեն, իմ ձայները շատ-շատ լավ ձայներ են:

- Այսինքն՝ նեղացած չեք ընտրողներից:

- Բացարձակ, բացարձակ: Իմ ընտրողներին ես սիրում եմ:

- Ինչպե՞ս եք պատկերացնում ձեզ առանց Ազգային ժողովի: Ինչո՞վ եք զբաղվելու:

- Չգիտեմ, դեռ պիտի հանգստանամ մի քիչ:

- Արդյո՞ք համարում եք, որ ՀՀԿ-ն այսպես ասած «քցեց» ձեզ:

- Քցել է, հա՞: Ես իմ գործողությունների մեջ բացի ինձանից ոչ մեկին չեմ մեղադրում: Եթե ինչ-որ բան կա՝ իմն է խնդիրը, ոչ թե կուսակցությանը կամ որեւէ մեկինը:

- Համարում եք, որ վա՞տ եք աշխատել:

- Չգիտեմ, եթե ինչ-որ սխալ սխալ կա, իմն է:

Տպել
22120 դիտում

«Քաղաքացիական պայմանագիր» կուսակցության անդամները սպասում են հաշվարկի ավարտին

ԵՄ-ն իրականացնելու է ՀՀ հյուսիսային 3 մարզերում զբոսաշրջության խթանման 13 մլն եվրո արժողությամբ ծրագիր

Հանդիպել են Նիկոլ Փաշինյանն ու Սամվել Կարապետյանը (տեսանյութ)

Շիրակի մարզի Փանիկ գյուղում ներգործության է ենթարկվել 1 կարկտավտանգ ամպ

Սևանա լճում հանգիստ նախընտրողները կարող են արդեն օգտվել Ալմաստ (Երևան)–Շորժա էլեկտրագնացքից

Առաջիկա 5 օրերին կեսօրից հետո ՀՀ տարածքում սպասվում է անձրեւ, ամպրոպ, տեղ-տեղ կարկուտ

Արդարադատության նոր նախարարի թեկնածուների վերաբերյալ վերջնական որոշում չկա. Ավինյան

Հալիձոր գյուղում սողանք է եղել, փակել Որոտան գետի հունը. «Սատանի կամուրջ» այցն արգելված է

Երեկոյան ՔՊԿ համաժողովը կներկայացնի նախագահի թեկնածուին. վարչության անդամների ընտրություններն ընթանում են

Քաղաքապետարանը տրասնպորտային նոր ցանցի նախագծի վերջնական փաթեթն ուղարկել է կառավարություն

Չեմ ողջունում Ռուսաստանի դեսպանի հանդիպումը Քոչարյանի հետ. Արարատ Միրզոյան

Անձնագրային բաժանմունքում աշխատակիցն իրավունք չունի քաղաքացուն ուղարկել այլ աշխատակցի մոտ. իրազեկում

Արտեմ Դալաքյանը երրորդ անգամ պաշտպանել է WBA վարկածով աշխարհի չեմպիոնի տիտղոսը (տեսանյութ)

Վարժարանի ուսուցիչը կասկածվում է 15-ամյա աշակերտուհու նկատմամբ անառակաբարո գործողություններ կատարելու մեջ

Մենք ձեւավորում ենք գաղափարական նոր հարթություն՝ 4 սյուների վրա հիմնված. վարչապետը՝ ՔՊ համաժողովին (տեսանյութ)

Կիեւյան փողոցի շենքի մոտ ծուխ է նկատվել. փրկարարները տարհանել են բնակիչներին

Այս անգամ Ծառուկյանն էլ չի փրկի ձեզ, եթե պատերազմ եք ուզում՝ կստանաք. Տիգրան Ուրիխանյան

Այսօր «Քաղաքացիական պայմանագիր» կուսակցության համաժողովն է. ընտրվելու է վարչության նոր կազմ. ուղիղ

Արտակարգ դեպք Նուբարաշեն ՔՀԿ-ում. 57-ամյա իրանցու դին հայտնաբերվել է ճաղավանդակից կախված. Shamshyan.com

Մահացել է իտալացի ռեժիսոր Ֆրանկո Ջեֆիրելլին