Ադրբեջանի հոգեւոր առաջնորդի հայտարարությունը ծիծաղից բացի ոչ մի բան չի առաջացնում. Բաբայան

Ամենայն Հայոց կաթողիկոս Գարեգին Բ-ն երեկ հաստատել է, որ Մոսկվայի եւ Համայն Ռուսիո պատրիարք Կիրիլի միջնորդությամբ ծրագրվում է Հայաստանի, Ռուսաստանի եւ Ադրբեջանի հոգեւոր առաջնորդների հանդիպումը, որի ընթացքում անդրադարձ է կատարվելու նաեւ ղարաբաղյան հակամարտությանը: Թե երբ է այն տեղի ունենալու՝ Գարեգին Բ-ն չի հստակեցրել: Ի՞նչ կտա այս հանդիպումը կողմերին: Այս ամսին զրուցել ենք ԼՂՀ նախագահի մամուլի խոսնակ Դավիթ Բաբայանի հետ.

- Պարոն Բաբայան, հոգեւոր առաջնորդների նախորդ հանդիպումները հաշվի առնելով՝ այս անգամ ի՞նչ սպասելիքներ կան:

- Այսպիսի հանդիպումները կարեւոր են, բայց սպասել, որ նման հանդիպումների ժամանակ ինչ-որ դարակազմիկ հաջողություն կգրանցվի, այդպես չէ: Բայց այնուամենայնիվ, հաշվի առնելով հոգեւոր առաջնորդների ազդեցությունը, պետք է որ այդպիսի հանդիպումներ լինեն: Ադրբեջանա-ղարաբաղյան հակամարտությունը կրոնական հակամարտություն չէ, Ադրբեջանն ամեն անգամ փորձում է կրոնական երանգ հաղորդել այդ հակամարտությանը, ինչը, իհարկե չի համապատասխանում իրականությանը: Նույն Ադրբեջանի զինվորները պատերազմում են Սիրիայում մահմեդականների դեմ, խաղաղ բնակչության դեմ եւ այլն:

Նման հանդիպումները ցույց են տալիս, որ կրոնական ենթատեքստ չկա այս հակամարտության մեջ եւ կարեւոր է ցանկացած երկխոսություն: Մանավանդ որ պաշտոնական Ստեփանակերտը ԵԱՀԿ ՄԽ համանախագահներին առաջարկել է, որ տոնական, այդ թվում կրոնական օրերին զինադադարի ռեժիմը չխախտվի: Դուք տեսնում եք, որ Ադրբեջանը ոչ միայն չի ընդունել այդ գաղափարը, այդ առանձնակի ուժգնությամբ զինադադարը խախտում է հենց այդ օրերին: Հիմա, եթե այդ նույն կրոնական առաջնորդը ինչ-որ ձեւով նպաստի, որ կրոնական տոներին (լինեն դրանք  քրիստոնեական, թե մահմեդական) խաղաղությունը պահպանվի՝ դա նույնպես կլինի կարեւոր քայլ:

- Հաշվի առնելով, որ վերջին շրջանում դիվանագիտական մակարդակում գրեթե սառեցված են Ղարաբաղի հարցով բանակցությունները՝ սա կարո՞ղ է նպաստել, որ վերականգնվեն հանդիպումները:

- Դժվար է ասել, որ կնպաստեն, բայց առհասարակ երկխոսության ձեւ է: Եթե այդ երկխոսությունը տեղի է ունենում, սա արդեն դրական է, այլ բան է, որ Ադրբեջանում անհանդուրժողականություն է եւ երբեմն նաեւ կրոնի ներկայացուցիչներն են իշխանությունների ուղիով շարժվում, հայատյացություն սերմանում: Ի տարբերություն նրանց՝ Արցախում որեւէ կրոնական խտրականություն չկա: Եվ այն, որ մեր պետությունը վերանորոգում է Շուշիի մզկիթը՝ դրա վառ օրինակն է, այն դեպքում, երբ որ Ադրբեջանը ոչնչացնում է մեր խաչքարերը, ինչպես Ջուղայում, քանդում հայկական, հրեական եւ այլ ժողովուրդների կոթողները:

- Շուշիի մզկիթի վերականգնման մասին խոսելով օրերս Ադրբեջանի հոգեւոր առաջնորդ Ալլահշուքյուր Փաշազադեն ասել է, որ դա սադրիչ նպատակներ ունի, ի՞նչ նկատի ունի:

- Դե տեսնում եք, անհասկանալի է, սադրիչ նպատակը ո՞րն է: Այսինքն, եթե մզկիթը չվերանորոգվի եւ քանդվի՝ դա՞ է լավ, թե՞ որ վերանորոգվի՝ մանավանդ որ այդ մզկիթը արցախյան պետության կոթողների շարքին է դասվում՝ անկախ նրանից, որ դա քրիստոնեական չէ: Պարոն Փաշազադեն երեւի մոռացել է որոնք են սադրիչ գործողությունները. մոռացել է Ջուղայի խաչքարերի ավերման, հայկական եկեղեցիների ոչնչացման մասին: Երբ որ հայ ֆուտբոլիստ Հենրիխ Մխիթարյանի խաղին գոհունակություն հայտնելուց հետո մեկնաբանը հետապնդվում է, այս ամենը իրականացնող պետությունը եւ հոգեւոր առաջնորդը չպետք է նման հայտարարություն անեն, որովհետեւ ծիծաղից բացի դա ոչ մի բան չի առաջացնում:

Տպել
15426 դիտում

ԹԻՄ (Տելեկոմ Արմենիա) հայտարարությունը ՎԵՈՆ Արմենիան ձեռքբերելու վերաբերյալ

Ամեն բան կարող է գլխիվայր շուռ գալ, երբ հակառակորդին թողած, ինքներս մեր մեջ թշնամի փնտրենք․ Անդրանիկ Քոչարյան

Թուրքական ամբոխը Լիոնի փողոցներում ատելության խոսքով սպառնալիքներ է հնչեցրել հայերի հասցեին (տեսանյութ)

ՊԲ-ն հրապարակել է Ադրբեջանի Գյանջա եւ Բարդա քաղաքներում տեղակայված լեգիտիմ ռազմական նշանակետերը

Ադրբեջանական զինուժը շարունակում է թիրախավորել Արցախի խաղաղ բնակավայրերը (լուսանկարներ)

Օդային տագնապի ազդանշան է միացել Ստեփանակերտում, Ասկերանում, Մարտունիում և Մարտակերտում. ԱԻՊԾ

Ղարաբաղյան հակամարտության ռիսկերն անվերահսկելի են դառնում. սարսափելի տեսարանները չպետք է շարունակվեն. ԿԽՄԿ

Ժնևում այսօր նախատեսված հանդիպումը բանակցությունների ինչ-որ սկիզբ է կամ փորձ․ Էդմոն Մարուքյան

«Սմերչ» համալիրներից հրթիռակոծվում են Ստեփանակերտ, Շուշի և Մարտակերտ քաղաքները. կան տուժածներ

1 օրում կորոնավիրուսի 2383 նոր դեպք է հաստատվել. գրանցվել է մահվան 29 նոր դեպք

Ֆրեզնոյում խաղաղ ցույցի ընթացքում հայերը ենթարկվել են հարձակման. 2 հայ դանակահարվել է (տեսանյութ)

Ավագ լեյտենանտ Մկրտչյանը թշնամու 6 ԱԹՍ է ոչնչացրել. մեդալների ներկայացված մերօրյա նոր հերոսները

Ես չեմ խնդրել հայուհի լինել, ինձ պարզապես այդպիսի բախտ է վիճակվել․ Քարդաշյանը կիսվել է ծննդյան նվերով

Հրապարակվել է հայրենիքի պաշտպանության մարտերում նահատակված եւս 51 զինծառայողի անուն

Զոհրաբ Մնացականյանը հեռախոսազրույց է ունեցել ՄԹ Եվրոպական հարևանության և Ամերիկայի հարցերով մշտական քարտուղարի հետ

Թուրքական լիրան արժեզրկման նոր ռեկորդներ է թարմացնում

«Սմերչ»-ի հարվածից Ստեփանակերտում բնակելի տուն է ավերվել. տանտերը և հարևանը վիրավորումներ են ստացել (լուսանկարներ). ԱԻՊԾ

Հատկապես թեժ մարտեր են ընթանում Ասկերանի շրջանի Ավետարանոց, Սղնախ և Ակնաղբյուր հատվածում. Վահրամ Պողոսյան

ՀՕՊ ուժերը ոչնչացրել են թշնամական հերթական «Բայրաքթար» տիպի հարվածային անօդաչուն. ՊԲ

Կեսգիշերից հետո եւ առավոտյան «Սմերչ» համալիրներից հրթիռակոծության են ենթարկվել Ստեփանակերտն ու Շուշին. ՊԲ