Ադրբեջանը հասկացել է, որ գործ ունի հայկական այն բանակի հետ, որ ժամանակին տեսել է. Բադասյան

Երկու օրից Ադրբեջանում զորավարժություններ են սկսվելու, որոնցում ներգրավվելու է մինչեւ 30 հազար զինծառայող, 250 միավոր տանկ եւ զրահատեխնիկա, մինչեւ 200 միավոր տարբեր տրամաչափի հրթիռա-հրետանային համակարգ, համազարկային կրակի ռեակտիվ համակարգեր եւ ականանետ, 25 միավոր մարտական ինքնաթիռ, ինչպես նաեւ ռադիոէլեկտրոնային հետախուզության նոր միջոցներ եւ անօդաչու թռչող սարքեր:

Մարտական խաչի ասպետ, Արցախի ԱԺ նախկին պատգամավոր Վահան Բադասյանը կարծում է, որ այդ զորավարժությունները որեւէ վտանգ չեն ներկայացնում եւ հայկական բանակի համար ընդամենը կարող են ավելի սթափեցնող նշանակություն ունենալ:

«Չեմ կարծում, որ հայկական կողմը պետք է նման զորավարժություններից ինչ-որ վտանգ սպասի: Մեր բանակը միշտ պատրաստ է. լինեն զորավարժություններ, լինի հանկարծակի հարձակում, թե նախապատրաստված՝ ես համոզված եմ, որ մեր բանակը պատրաստ է ցանկացած ոտնձգություն դիմակայելու: Այդ տեսանկյունից զորավարժությունը ավելի հզորացնող հանգամանք է եւ մեր ստորաբաժանումները առաջնագծում ավելի զգաստացած են լինելու այդ միջոցառման ժամանակ»,- ընդգծեց Բադասյանը:

Ըստ նրա՝ Ադրբեջանի վերջին շրջանի հանդարտությունը պայմանավորված է իր կողմից իրականացված սադրիչ գործողություններին Արցախի բանակի կողմից պատշաճ պատասխան ստանալով:

«Մենք տարիներ շարունակ ասել ենք, որ եթե խաղաղություն ենք ուզում՝ պետք է պատրաստ լինենք պատերազմի: Մեր բանակը պետք է հզոր լինի: Ապրիլյան դեպքերից հետո ինչ է թե մեր առաջնագիծը կահավորվեց, բանակը տեխնիկական առումով որոշակի նոր հագեցվածություն ձեռքբերեց՝ Ադրբեջանի դիվերսանտների վերջին հարձակման ժամանակ նրանց դիակները մնացին մեր դիրքերի մոտ: Նրանք զգացին, որ գործ ունեն հայկական այն բանակի հետ, որ ժամանակին տեսել են, որ հայկական բանակը թե՛ հզորացել է, թե՛ տեխնիկապես հագեցվել: Սրանով եմ պայմանավորում նրանց ավելի զգուշավոր դառնալը: Մենք եւս պետք է ուշադրության կենտրոնում պահենք հակառակորդի վարքը եւ այդ դեպքում ոչ մի վտանգ չի լինի, մենք սահմանից վատ լուր չենք լսի: Դրա համար, եթե ուզում ենք, որ մեր զավակները արյուն չթափեն, մեր մայրերը չլացեն, պետք է բանակը հզոր լինի, երկիրը հզոր լինի»,- եզրափակեց Բադասյանը:

Տպել
17635 դիտում

Հունվարի 18-ին գրանցված երկրաշարժն ու հետցնցումներն արտառոց չեն Ջավախքի գոտու համար. ԱԻՆ

Գեորգի Կուտոյանի անժամանակ մահվան բոթը խիստ ցավալի էր և ցնցող. Էդուարդ Մարտիրոսյան

Հրդեհ է բռնկվել «Մամուլի» շենքի առաջին հարկում. հայտարարվել է հրդեհի բարդության «1-ԲԻՍ» կանչ

ՀՀ ԱԺ-ում մեկնարկել է Հայաստան-Արցախ միջխորհրդարանական հանձնաժողովի ընդլայնված նիստը

Դերասան Հովհաննես Ազոյանի միջադեպի գործով մեղադրանք է առաջադրվել 31-ամյա երիտասարդի

Ադրբեջանը խորհրդարանական արտահերթ ընտրությունների նախաշեմին է․ ընդդիմադիրները կշահարկեն Արցախյան հակամարտության թեման

Արցախում 15.2 տոկոսով աճել են ներմուծված, 19.6 տոկոսով՝ արտահանված ապրանքների թվերը

Երեւանում եւ Աշտարակում արգելափակված ավտոմեքենաները դուրս են բերվել

Կոտրել են «Իմ քայլը» խմբակցության պատգամավորի մեքենայի ապակին եւ գողացել անձնական փաստաթղթերով պայուսակը

6-ամյա Տիգրան Ամիրխանյանի բուժմանն ուղղվել է 700.000 դրամ. Տաթեւիկ Ռեւազյան

Հրազդանում «BMW X6»-ը բախվել է պատին. տուժածների թվում 3 աղջիկ կա

ՃՏՊ Երեւանում. «Mercedes E» մակնիշի ավտոմեքենայի 24-ամյա վարորդը մահացել է

Փակ է Հ-31 ավտոճանապարհի Հարթաշեն-Տաշիր հատվածը, Սյունիքի մարզի ավտոճանապարհներին առկա է մերկասառույց:

Հունվարի 18-ին 2 երկրաշարժ է գրանցվել ՀՀ-ում. ցնցումները զգացվել են Լոռիում եւ Շիրակի մարզում

Երեկ տեղացած ձյան պատճառով ավտովթարների թիվը Հայաստանում էականորեն ավելացել է. ՃՈ պետ

Զելենսկին «շանս» է տվել Գոնչարուկին. Ուկրաինայի վարչապետը կշարունակի պաշտոնավարել

Սյունիքում 2019 թվականին ամբողջովին վերանորոգվել են 49 դպրոցների ճաշարաններ, իսկ 15-ի նորոգումն ընթացքի մեջ է

Հրդեհ Դավիթաշենում. տուժածներ չկան, վնասը նյութական է

Երեւան-Սեւան մայրուղու հարեւանությամբ վեր խոյացող «Արձագանք» եւ «Անվերջության ժապավեն» քանդակները կվերականգնվեն

Քաղաքացիները կամավոր հանձնել են «Կալաշնիկով» ինքնաձիգ, հրացան, ատրճանակ և զինամթերք