«Ո՞նց եք մտածում՝ զինվորական չինովնիկը էնքան անսիրտ է, հաշմանդամին չի՞ տալիս հասանելիքը»

21/04/2017 schedule16:09

«Նույնիսկ կան դեպքեր, որ դպրոցականները դասերից փախնում են եւ դասարանով գալիս այդ ցուցահանդեսը դիտելու: Սա, կարծում եմ, մի կողմից լավ է, մյուս կողմից օգտվելով առիթից պետք է տնօրեններին, զինղեկներին հորդորեմ, որ իրենք ավելի կազմակերպված դա անեն, եթե պետք է՝ նույնիսկ մեկ-երկու դասաժամ ազատեն եւ դպրոցականներին բերեն մասնակցելու մրցույթներին եւ ցույց տան այն հնարավորությունները, որ այնտեղ կան»,- անդրադառնալով այսօրվանից Երեւանի Կարեն Դեմիրճյանի անվան մարզահամերգային համալիրում բացված «Ազգ-բանակ» խորագրով ցուցահանդեսին՝ այսօր հրավիրված ասուլիսի ժամանակ հայտարարեց Պաշտպանության նախարար Վիգեն Սարգսյանը:

Նախարարն անդրադարձավ երեկ իր կողմից բարձրաձայնված «Ես եմ» եւ «Պատիվ ունեմ» ծրագրերի շուրջ արձագանքներին:

«Արդեն մամուլում տեսել եմ որոշակի մեկնաբանություններ, կա եւ մեծ ոգեւորություն եւ սատարում, եւ կան մարդիկ, որոնք փորձում են անպայման գտնել այդ ծրագրի հնարավոր բացասական էլեմենտները: Ես շնորհակալ եմ ե՛ւ նրանց, ե՛ւ նրանց, որովհետեւ իրականում ես չեմ պնդում այս քաղաքականությունները, ես առաջարկել եմ դրանք հանրային քննարկման համար: Բաց եմ այդպիսի քննարկման համար եւ եթե մենք խոսենք այդ քննարկումների արդյունքով (խոսելով բոլոր շահագրգիռ խմբերի հետ, անցկացնելով որոշակի սոցհարցումներ), որ դրանք անհրաժեշտ չեն, ուրեմն կփնտրենք այլ միջոցներ, այլ եղանակներ: «Ես եմ» ծրագրի նպատակը առաջնագծում ծառայողի կարգավիճակը այլ զինծառայողների կարգավիճակներից տարբերակելն է: Իրականում մենք երիտասարդներին, ովքեր ունեն ժամկետային պարտադիր ծառայություն կատարելու պարտականություն, տալիս ենք հնարավորություն մեկ քայլ առաջ անել, մի փոքր ջանք դնելով դրա դիմաց ստանալ փոխհատուցման բավականին մրցունակ փաթեթ»,- հայտարարեց նախարարը:

Անդրադառնալով «Պատիվ ունեմ» ծրագրին՝ Սարգսյանն ընդգծեց, որ այս ծրագիրը հնարավորություն է տալիս զինվորի փոխարեն լինել հրամանատար:

«Եթե մենք բուհ ընդունում ենք 10 հազար հոգի, որոնց 50 տոկոսը արական սեռի, այդ 5000-ից 800-ին տալիս ենք տարկետում, որովհետեւ ընդհատված կրթությունը չի կարող որակյալ լինել: Ի՞նչ է տեղի ունենում այն 4200-ի հետ, որ չեն ստանում տարկետում: Ստացվում է, որ կամ մեր այս ծրագիրը ի սկզբանե անհամաչափ է կամ միջոց է՝ ինչ-որ մի խմբի արտոնություն տալու: Եթե կրթության որակի մասին ենք խոսում ՝ սա անհեթեթ մոտեցում է, որովհետեւ, եթե դու ցածր ես ստացել, այսինքն՝ քո գիտական բազան ավելի ցածր է, հավանականությունը, որ կրթության ընդհատումը քեզ կխանգարի՝ ավելի մեծ է: Եվ էդ դեպքում պարզ չէ, թե մենք ինչ ենք խթանում»,- նկատեց նախարարը եւ շարունակեց. «Եթե դու ունես բարձրագույն կրթություն, պլյուս դու ստացել ես զինվորական պատրաստություն մեր առաջարկած ծրագրով, դու կարող ես լինել տակտիկական օղակի հրամանատար: Եթե դու իրոք ուզում ես ավելի լավ կրթություն ստանալ, որ ավելի օգուտ տաս երկրին, ստացիր այդ կրթությունը, անվճար ժամկետային ծառայության փոխարեն անցիր վճարովի սպայական մասնագիտական աշխատանքի, վճարվի քո աշխատանքի համար ավելին, քան քո բոլոր այն կուրսեցիները կվարձատրվեն, որոնք բուհը ավարտելուց հետո դեռ փնտրելու են աշխատանք»:

Ի պատասխան լրագրողների հարցերի՝ նախարարը պարզաբանեց, որ այս ծրագրերով բանակում ծառայողների թվի մեծացում չեն ենթադրում: Խոսելով այն մասին, թե արդյոք նոր նախաձեռնությունները նշանակում են, որ Հայաստանը հրաժարվում է խաղաղությունից, նախարարն ասաց, որ դա ամենեւին էլ այդպես չէ: Նա ընդգծեց, որ մենք ոչ միայն չենք հրաժարվել խաղաղությունից, այլեւ հանդես ենք գալիս որպես խաղաղության կողմնակիցներ: «Պաշտպանության նախարարությունը միշտ պետք է ձգտի բարձրացնել երկրի պաշտպանունակությունը: Խաղաղության ձգտման ու ծրագրերի միջեւ հակասություններ չկան»,- ասաց նա:

Լրագրողներից մեկը, նախարարին փոխանցելով վիրավոր զինծառայողների դժգոհությունները, ասաց, որ շատ դեպքերում մարդիկ անտեսվում են:

«Որեւէ զոհված կամ վիրավորված զինծառայողի ընտանիք առանց ՊՆ ուշադրության չի մնացել եւ չի մնալու: Ո՞նց եք պատկերացնում, զինվորական չինովնիկը էնքան անսիրտ ու սիրտը քար է, որ նայում է հաշմանդամին, ու նրան չի՞ տալիս իրեն հասանելիքը»,- պատասխանեց նախարարը:

Տպել
2647 դիտում

Թմրանյութի տեղափոխման ամբողջական շղթան բացահայտվել է. հայ և ռուս մաքսային ծառայողները ուսումնավարժություն են անցկացրել

Թույլ չենք տալու մարդասպանների հերոսացման նոր դեպքեր. ԱԺ պատգամավորները ԵԽԽՎ-ում հակադարձում են ադրբեջանցիներին

Վաշինգտոնում առկա է լայն կոնսենսուս. հայ-ամերիկյան գործընկերությունը ռազմավարական բնույթ է ստանում

«Ոչ լեգիտիմ» նախագահի կողմից առաջադրված, ապա ընտրված Վահե Գրիգորյանը աշխարհացունց հայտարարություններով է հանդես գալիս

Ստացել է 1.2 մլն դրամի չափով կաշառք. կալանավորվել է ՀՀ սոցիալական ապահովության ծառայության պաշտոնատար անձ. ԱԱԾ

Իրանի խնդրից մինչեւ Աֆղանստան և ՌԴ. Բրյուսելում մեկնարկում են ՆԱՏՕ-ի պաշտպանության նախարարների երկօրյա բանակցությունները

ԱԺ-ն ստիպված պետք է լինի վերացնել ՍԴ շուրջ ստեղծված ճգնաժամը, հակառակ դեպքում սա հավերժական վեճի թեմա է լինելու

Հայաստանը 4-րդ մեդալն ունի Եվրոպական խաղերում

Սպանություն Երեւանում. հայտնաբերվել է սավանով եւ պոլիէթիլենով փաթաթված 25-ամյա աղջկա դի

Ոտքերով բազմաթիվ հարվածներ է հասցրել նրան. տղամարդու մահվան դեպքով ձերբակալվել է տուժողի եղբայրը

Աննա Հակոբյանը ներկա է գտնվել FASHION FORUM YEREVAN 2019 միջոցառման բացման արարողությանը

Կայացել է զորակոչի ընթացքում քաղաքացիների բողոքների քննարկման հանձնաժողովի առաջին նիստը

Սյունիքում մեքենան 60 մետր գլորվելով բախվել է էլեկտրասյանը. 12-ամյա երեխան հիվանդանոցում է, վարորդը մահացել է

1 սահնօձ, 1 չպարզված տեսակի օձ. ահազանգեր Երեւանում՝ օձերի առկայության մասին

Մինսկ-2019. բադմինտոնի միակ ներկայացուցիչ Լիլիթ Պողոսյանը հաղթեց երկրորդ խաղում

Մինսկ-2019. բռնցքամարտիկ Արթուր Հովհաննիսյանն ապահովեց առնվազն բրոնզե մեդալ

Զբոսավարների ասոցիացիան մտահոգ է՝ զբոսաշրջիկներին թալանում են. ոստիկանությունը պարզաբանում է

Սիսիանի բանկերից մեկում քաղաքացուց գողացել են հեռախոսը

«Սարուխան» պոմպակայանի հոսանքազրկման պատճառով ջրանջատումներ կլինեն

«Կոբախիձե էտա ռազ, Գախարիա էտա դվա». Վրաստանի նախկին նախագահը միացել էր ցուցարարներին