«Տեղերով խառնել են Տարոն Մարգարյանի եւ Ն. Փաշինյանի տվյալները». արձագանք Gallup-ի թվերին

«Տեղերով խառնել են Տարոն Մարգարյանի եւ Նիկոլ Փաշինյանի տվյալները, ինձ թվում է՝ տեխնիկական վրիպակ է եղել»,- անդրադառնալով Gallup International Association-ի հայաստանյան լիիրավ անդամ «Էմ Փի Զի» ՍՊԸ տնօրեն Արամ Նավասարդյանի կողմից հրապարակված թվերին՝ մեզ հետ զրույցում այսպիսի կարծիք հայտնեց «Ելք» դաշինքի ցուցակով ավագանու թեկնածու Ալեն Սիմոնյանը:

Ապրիլի 22-ին Gallup ընկերության ներկայացուցիչը հայտարարել էր, թե ապրիլի 12-20-ը 1044 քաղաքացիների շրջանում ավագանու ընտրությունների վերաբերյալ անցկացված սոցհարցումների արդյունքներով ավագանու առաջիկա ընտրություններում Տարոն Մարգարյանին պատրաստ է ձայն տալ 61.2 տոկոսը, Նիկոլ Փաշինյանին՝ 11.5 տոկոսը, Զարուհի Փոստանջյանին՝ 3.9 տոկոսը:

Հիմնավորելով իր դիրքորոշումը՝ Ալեն Սիմոնյանն ասաց. «Հասարակ տրամաբանություն է. ընդամենը 10 օր առաջ «Ելք»-ը Երեւանում 10 տոկոս ձայն է հավաքել, դա ֆիքսված է: Եթե հիմա 11.5 տոկոս է՝ ի՞նչ եղավ այս 10 օրվա ընթացքում, որ նվազեց: Ես վստահ եմ, որ իրենք խառնել են տվյալները եւ կոչ եմ անում հնարավորինս արագ ուղղել»:

Ինչ վերաբերում է ՀՀԿ-ին, ապա Սիմոնյանը չի կարծում, որ այդ կուսակցությունը այս ընթացքում իր հեղինակությունը բարձրացնող որեւէ քայլ է արել, եթե ոչ հակառակը. «Ձեւ անելով, որ այս ամենը կապ չունի ՀՀԿ-ի հետ, ՀՀԿ-ի լոգոն հնարավորինս փոքր տեղադրելով բոլոր պաստառների վրա՝ վարկանի՞շ են բարձրացնում: Տարոն Մարգարյանը նույնիսկ բանավեճի չի ցանկանում մասնակցել: Սա ի՞նչ է նշանակում՝ երեւանցուն ինքը ասելիք չունի՞: Ինքը ՀՀԿ ցուցակի 2-րդ համարն էր, Երեւան քաղաքի (որտեղ մեր բնակչության 1/3 մասն է ապրում) ղեկավարի պաշտոնին է հավակնում, ինքը երեւանցուն ասելիք չունի՞, թե՞ վստահ չի, որ կկարողանա իր կարծիքը ներկայացնել»,- ընդգծեց ավագանու թեկնածուն:

«Երկիր ծիրանի» կուսակցության ցուցակով ավագանու թեկնածու Կարապետ Աղաջանյանն ասաց, որ Gallup-ի հրապարակած թվերը օբյեկտիվ չի համարում:

«Վստահաբար կարելի է ասել, որ ՀՀԿ-ի դեպքում այդ թվերը ուռճացված են, «Երկիր ծիրանիի» դեպքում՝ իջեցված: Միտումն այն է, որ հասարակության մեջ սերմանեն այն միտքը, որ Տարոն Մարգարյանը հաստատ անցնելու է»,- հավելեց նա:

Տպել
5128 դիտում

Լյուքսեմբուրգի վարչապետը շնորհավորական ուղերձ է հղել Նիկոլ Փաշինյանին

Վստրեչի Ապերի նկատմամբ քրեական հետապնդումը դադարեցվեց եւ քրեական գործը կարճվեց

Ասք ճշմարտաց. ՀՀԿ-ի մասով կա՛մ լավ, կա՛մ ոչինչ

Մի հատ ինձ նայեք, ես ճնշում գործադրող մարդ կարո՞ղ եմ լինել. Արմեն Գեւորգյանը՝ ՍԴ նախկին դատավորին ճնշելու մասին

Հակահիգիենա. պարտակում են կեղտոտ սպիտակեղենը

Սենատում տապալվեց Թրամփի որոշումն արգելափակող օրինագիծը․ Արմենալի վրա ճնշումը կթուլանա

Պետական պարգեւներ. ոմանք մնացին ձեռնունայն

ՀՀ-ն հետ է կանչել իր ներկայացուցչին Ֆրանկոֆոնիայի մշտական խորհրդից եւ գործուղել ՄԱԿ․ նախագահի հրամանագրերը

Սուր բանավեճ Էդմոն Մարուքյանի եւ Ալեն Սիմոնյանի միջեւ

Ովքեր են բացակայում Ազգային ժողովի նիստից. ցանկում նաեւ ամենաերիտասարդ պատգամավորն է

Զինծառայողը խախտել է զենքի հետ վարվելու կանոնները եւ վիրավորել ծառայակցին․ մեղադրանք է առաջադրվել

Վարչապետ Նիկոլ Փաշինյանը ցավակցական հեռագիր է հղել Վրաստանի վարչապետ Մամուկա Բախտաձեին

Հայկական արվեստն անպայման պետք է ներկայացված լինի այստեղ. Սարգսյանն այցելել է Աբու Դաբիի Լուվր թանգարան

Քրեական հեղինակություն Վստրեչի Ապերի վերաբերյալ գործը կքննվի դռնփակ

Հարցազրույց տալու համար ծեծի ենթարկվեց, հետապնդվեց ու աշխատանքից ազատվեց. 30 տարվա աշխատողը զրկվում է Գառնիի խանութից

Պատանի հանդիսատեսի տնօրենի ԺՊ-ն լծվել է աշխատանքի. թատրոնի վերջին հիմնանորոգումն իրականացրել է Լինսի հիմնադրամը

Գործող չեմպիոն Կուսրովան լքել է ՀՀ շախմատի առաջնությունը վատառողջ լինելու պատճառով

Ծնողներն ամաչում են բարձրաձայնել, որ երեխան շաքարային դիաբետ ունի, երեխաներն էլ մտածում են, որ մեղավոր են

Մեծացել է ողնաշարի խնդիրներով, ալերգիայով, տեսողության խնդիրներով զորակոչիկների թիվը. Հովհաննիսյան

Առաջիկա տարիներին ԵՄ-ն ու ՀԲ-ն Հայաստանին կհատկացնեն ավելի քան 700 միլիոն եվրո