«Իբր չգիտեն տեղը». տոնավաճառի աշխատակիցները կառավարությանը նոր առաջարկներ կներկայացնեն

2015-ին տեւական բողոքի ակցիաների շնորհիվ «Շրջանառության հարկի մասին» օրենքում արձանագրված դրական փոփոխություններից հետո տոնավաճառների աշխատակիցները կրկին ոտքի են կանգնել: Այսօր նրանք կրկին բողոքի ակցիա էին նախաձեռնել Կառավարության շենքի մոտ եւ մի քանի ժամ շարունակ պահանջում էին հանգիստ թողնել իրենց:

2015-ին, շնորհիվ նրանց ակցիաների՝ կառավարությունը նահանջեց «Շրջանառության հարկի մասին» օրենքի նախնական առաջարկված տարբերակից եւ ընդունեց օրենքի դեմ ծավալված շարժման պահանջների մեծագույն մասը: Օրենքում արձանագրվեց, որ եթե ձեռք բերվող ապրանքները փաստաթղթավորված են, ապա տնտեսվարողը կվճարի դրա շրջանառության 1.5 տոկոսը, եթե չունենա, ապա՝ 5 տոկոսը:

Բացի այդ, եթե նախկինում շրջհարկի տիրույթում կարող էին գործել այն տնտեսվարողները, որոնց տարեկան շրջանառությունը չէր գերազանցում 58.3 միլիոն դրամը, ապա փոփոխությունների համաձայն՝ այդ շեմը հասավ 113.4 միլիոն դրամի: Հիմա կրկին հարկային մարմինների ներկայացուցիչները մտնում են տոնավաճառների տաղավարներ եւ առեւտրականներից վաճառված կամ տաղավարում առկա ապրանքի փաստաթուղթ պահանջում:

«Մենք ուզում ենք, որ հաստատագրված գումար լինի, մարդիկ իմանան՝ էսքան վճարում են ու ոչ մի խնդիր չունեն հարկային տեսչության հետ: Բոլորն էլ գիտեն, որ սահմանին ապրանքը մաքսազերծվում է, 20 տոկոս ԱԱՀ-ն գանձնվում է, դրան գումարած վճարվում է շրջանառության 5 տոկոսը: Փաստաթուղթ ունենալու դեպքում 5 տոկոսի փոխարեն 1.5 տոկոս է վճարվում: Հիմա 5 տոկոսով աշխատում ենք, ասում են` հաշիվ- ապրանքագիր բերեք: Բայց բոլորն էլ գիտեն, որ մաքսազերծելիս կարգոյում տալիս ենք հաշիվ- ապրանքագիրը: Մենք ուզում ենք հաստատագրված գումար լինի, որ մարդիկ իմանան ինչի համար են աշխատում, ինչքան են վճարում ու իրենց չանհանգստացնեն»,- մեզ հետ զրույցում ասաց այսօր կառավարության շենքի առջեւ բողոքի ակցիա անցկացնող «Առինջ մոլ» առեւտրի կենտրոնի աշխատակիցներից մեկը:

Այսօր կեսօրին կառավարությունում ընդունեցին եւ լսեցին ակցիայի մասնակիցներին: Դուրս գալով կառավարության շենքից՝ բողոքի ակցիայի մասնակիցներից Արմեն Ներսիսյանը հայտարարեց, որ հանձնախումբ են ձեւավորում՝ իրենց առաջարկները գրավոր ձեւակերպելու եւ կառավարությանը փոխանցելու համար: Այնուհետեւ բոլորին կոչ արեց գնալ իրենց աշխատանքին՝ սպասելով դրական լուծումների:

Ստորեւ ներկայացնենք մեր զրույցը բողոքի ակցիային մասնակից «Հայաստանի տոնավաճառներ» ՀԿ նախագահ Գագիկ Դանիելյանի հետ.

- Պարոն Դանիելյան, ձեզ ի՞նչ է առաջարկում կառավարությունը:

- Ավելի շուտ մենք էինք առաջարկներ ներկայացրել, իրենք էլ ընդունում են: Հիմա դադարեցնում են ժողովրդի նկատմամբ հետապնդումը: Պայմանավորվել ենք, որ թողնեն աշխատենք՝ մինչեւ տեսնենք ինչ օրենք պետք է մշակվի, որ երկուսիս համար էլ լավ լինի:

- Այսինքն՝ օրե՞նք է փոխվելու: Որո՞նք են լինելու փոփոխությունները:

- Այո: Դեռ չգիտենք, մենք էլ պետք է առաջարկներ ներկայացնենք, իրենք էլ:

- Որո՞նք են ձեր առաջարկները:

- Մենք առաջարկում էինք, որ ապրանքը սահմանի վրա միանգամից մաքսազերծում անցնի, իրենց տոկոսն էլ վերցնեն: Հիմա մենք ապրանքը բերում ենք, իրենք մաքսազերծելուց իրենց տոկոսը վերցնում են՝ մեկ, 1.5 տոկոս են վերցնում նորից, 20 տոկոս էլ ԱԱՀ: Մի ժամանակ ասում էին, որ 5 տոկոսի դեպքում առանց փաստաթղթերի կարող ենք բերել, հիմա նորից էդ նույն խոսակցությունը տանում են՝ փաստաթղթեր ցույց տվեք, որտեղից է եւ այլն: Էլի նույն երգն են երգում, խոշոր ներկրողներին ուզում են մեր միջոցով ի հայտ բերել, իբր չգիտեն խոշոր ներկրողների տեղը:

- Ձեզ կառավարությունում վստահեցրե՞լ են, որ կլինի փոփոխություն:

- Դե վստահեցրել են, իրենք էլ են ճիշտ ասում. ասում են՝ մարդ կա տարեկան 20 միլիոն առեւտուր չի անում, մարդ կա 100 միլիոն է անում, երկուսն էլ հավասար հարկ են մուծում: Հարկայինն էլ չի ասում՝ ինչ է ուզում: Ասում է՝ ծագման փաստաթուղթ...

- Ինչո՞ւ է դժվար այդ փաստաթուղթը ներկայացնելը:

- Դե ներկայացնելը դժվար չի, ուղղակի քաշքշուկներ են: Պատկերացրեք, թե տաղավարում քանի տեսակ ապրանք կարող է լինել: Նախ էդքանը պիտի փաստաթղթավորվի: Մի հատ էլ ապրանք ծախեցիր՝ հաջորդ օրն էլ պիտի ապահովես, թե ինչ ունես խանութում: Այս ամենի համար ռեսուրսներ են պետք եւ ավելորդ ծախսեր: Դուք տեսաք՝ հավաքվածների 50 տոկոսը 50-60 տարեկան մարդիկ են: 60 տարեկան մարդը ո՞նց կարող է դա անել:

Տպել
2998 դիտում

Պոլսո պատրիարքարանը պարզաբանում է ներկայացրել Տ. Սահակ Բ պատրիարքի աղմկահարույց հարցազրույցի վերաբերյալ

Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում

Թրամփի իմփիչմենտի՝ Սենատ ուղարկված գործը 111 էջից է բաղկացած

Փրկարարները Ծաղկաձորում արգելափակումից դուրս են բերել ավտոմեքենան

Ովքեր եւ ինչու են դիմադրում փոփոխություններին

Երեւանում Honda-ն տապալել է էլեկտրասյունն ու բախվել կայանված Opel-ին. վիրավորներից մեկին բեռնախցիկից են գտել

Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել

Տավուշի մարզում ձյուն է տեղում, Սյունիքում տեղ-տեղ մերկասառույց է, կան փակ ճանապարհներ

Գյումրու «Մոր եւ մանկան Ավստրիական հիվանդանոց»-ում բրուցելոզով հիվանդ կովի արյուն է հետազոտվել. Տիգրան Պետրոսյան

Քարոզչական նախապատրաստման փուլն է

Մարալիկ-Լանջիկ ավտոճանապարհին մեքենա է կողաշրջվել. 29-ամյա վարորդը հոսպիտալացվել է

Արթիկում 46-ամյա էլեկտրիկը հոսանքահարումից մահացել եւ ընկել է բարձր լարման բջջի մեջ

Կուտոյանի մահը չի կարող ինքնասպանություն լինել․․․նա ինֆորմացիայի կենդանի կրող էր․ քաղաքագետ

ՀՀ ԱԺ նախագահ Արարատ Միրզոյանը զրույց է ունեցել Արցախի խորհրդարանի նախագահ Աշոտ Ղուլյանի հետ

Գեորգի Կուտոյանի հոգեհանգիստը տեղի կունենա վաղը՝ հունվարի 19-ին, ժամը 17:50-ին

Սոթք-Քարվաճառ ավտոճանապարհը դժվարանցանելի է, Հարթաշեն-Տաշիրը՝ փակ

Վարչապետը ծանոթացել է CARD հիմնադրամի գործունեությանը և հանձնարարական տվել Էկոնոմիկայի փոխնախարարին

Խոսքի ազատության ու պետական շահերի նուրբ սահմանագիծը

Արսեն Թորոսյանը հանդիպել է «Հոսփիթլ Մենեջմենթ» ծրագրի մասնակիցների հետ

Կառավարությունն ամեն ինչ կանի Գեորգի Կուտոյանի մահվան հանգամանքները լիարժեք բացահայտելու համար