Հրաչյա Հարությունյանին կարտահանձնեն 20-60 օրվա ընթացքո՞ւմ. նրան պարբերաբար ցավազրկում են

26/04/2017 schedule18:50

Ռուսաստանում 18 մարդու կյանք խլած ողբերգական վթարից հետո 6 տարի 9 ամիս ազատազրկման դատապարտված Հրաչյա Հարությունյանը Հայաստան կփոխանցվի 20 օրից մինչեւ 2 ամսվա ընթացքում: Հրաչյա Հարությունյանի աներոջը՝ Վիկտոր Մարտիրոսյանին երեկ այս մասին հաղորդել են ՀՀ արդարադատության նախարարությունում:

Մարտիրոսյանը մեզ հետ զրույցում այսօր մանրամասներ է պատմել արդարադատության փոխնախարար Վիգեն Քոչարյանի հետ երեկվա հանդիպումից:

- Պարոն Մարտիրոսյան, դուք բավական ժամանակ է՝ պայքարում էիք, որ Հրաչյա Հարությունյանին գոնե անհրաժեշտ բուժօգնություն տրամադրեն, ինչը չէր արվում: Հիմա ինչպե՞ս է նա իրեն զգում: Հնարավո՞ր է Հայաստան տեղափոխությունը պայմանավորված է առողջական վիճակով:

- Վիճակը նույնն է մնացել, ինչպես որ կար. ողնաշարի ցավ, թեւատակի ուռուցք, սարսափելի ցավեր...մի քանի ժամով սրսկում-թուլացնում են ցավը, ուրիշ բուժում չի ստանում: Երբ որ եկավ Հայաստան՝ կզբաղվենք նրա առողջական վիճակով, վիրահատություն կանենք: Ինչ վերաբերում է տեղափոխելուն՝ չեմ կարծում դա առողջական վիճակով է պայմանավորված: Բանտերում այդպիսի բան չկա: Ուղղակի ֆինանսական հարցեր կային, որը թույլ չէր տալիս, որ դատավարություն լինի: Ոչ մեկը այդ գումարը չէր ուզում վճարել, հիմա ինչ-որ մարդիկ կան, որոնց անունները ես էլ չգիտեմ, այդ գումարը մուծել են: Դրանք բարերարներ են: Հիմա Հրաչյա Հարությունյանի ճանապարհն ազատ է, կարող են արտահանձնել Հայաստան:

- Երեկ ասացիք, որ խոսքը 18 միլիոն ռուբլու մասին է: Ամբողջ գումարը բարերարնե՞րն են վճարել:

- Դա մեզ չի հետաքրքրում, մեզ հետաքրքրում է, որ նրան թույլատրեն տեղափոխել Հայաստան: Մենք շնորհակալ ենք Սերժ Սարգսյանին՝ հետամուտ լինելու համար, Արդարադատության նախարարին, փոխնախարար Քոչարյանին, բոլորին:

- Երեկ ձեզ նախարարություն էին հրավիրել: Ո՞վ ընդունեց ձեզ, ի՞նչ քննարկեցիք:

- Փոխնախարար Քոչարյանի հետ խոսեցի, ասաց, որ սառույցը արդեն հալվել է, Հրաչյա Հարությունյանին 20 օրից մինչեւ 2 ամսվա ընթացքում հնարավոր է տեղափոխեն, փաստաթղթային գործողություններն են կատարում: Հարցրեցի՝ բայց 100 տոկոսո՞վ, ասեց՝ հա: Այս անգամ որեւէ խոչընդոտ չկա նրան տեղափոխելու համար: Ռուսաստանի Արդարադատության նախարարությունը, դատախազությունը համաձայնություն տվել են, դատարանների որոշում կա, որ արդեն Հրաչյա Հարությունյանը իր երկրում իր պատիժը կրի:

- Այսինքն՝ Հայաստանում Հարությունյանը շարունակելու է պատժի մնացած մասը (2 տարուց ավելի) կրել:

- Այո, բանտից բանտ են տեղափոխում, բայց չգիտեմ որ բանտ են տանելու: Դե դրանից հետո նախագահին կդիմենք նամակով, Ազգային ժողովին կդիմենք, որ իրեն անմիջապես ազատեն որպես արցախյան պատերազմի մասնակից մարդ:

- Հրաչյա Հարությունյանը տեղյա՞կ է այս ամենի մասին:

- Տեղյակ է ամեն ինչից, նրա մոտ փաստաթղթեր են տարել, ինքը ստորագրել է, որ կարող է տեղափոխվել Հայաստան:

- Տուժողների իրավահաջորդները նոր հայցեր չե՞ն ներկայացնելու:

- Չէ, էլ չեն ներկայացնելու, որովհետեւ իրենց պահանջած գումարը վճարված է ու հայցը փակված է:

Հիշեցնենք, որ երեկ ՀՀ արդարադատության փոխնախարար Վիգեն Քոչարյանը մեզ հայտնել էր, որ Հրաչյա Հարությունյանի՝ Հայաստան փոխանցելու հարցում ֆինանսական պարտավորությունների առկայության խոչընդոտը վերացված է:

Ֆինանսական պարտավորություններ ասելով փոխնախարարը նկատի ուներ Հրաչյա Հարությունյանի դեմ ներկայացված 18 քաղաքացիական հայցը: Հայցերը ներկայացրել էին ավտովթարի հետեւանքով զոհված 18 քաղաքացիների իրավահաջորդները: Հրաչյա Հարությունյանի փոխանցմամբ՝ նրանք 18 միլիոն ռուբլի էին պահանջել:

Հրաչյա Հարությունյանը 2013 թվականի հուլիսի 13‐ին իր «Կամազ» մակնիշի մեքենայով ՌԴ Պոդոլսկի շրջանի մերձակայքում բախվել էր մարդատար ավտոբուսին, ինչի հետեւանքով զոհվել էր 18 մարդ: Հրաչյա Հարությունյանի գործով դատական նիստերը մեծ աղմուկ բարձրացրին, երբ ռուս իրավապահները նրան դատարան տարան կանացի խալաթով: Այդ միջադեպը որոշ ժամանակ Հայաստանում նույնիսկ հակառուսական տրամադրությունների տեղիք տվեց: 2014 թվականի օգոստոսի 4-ին Մոսկվայի Տրոիցկի դատարանի վճռով Հարությունյանը դատապարտվել է 6 տարի 9 ամիս ազատազրկման: Շուրջ 4 տարի է, ինչ ՌԴ Տամբով քաղաքի քրեակատարողական հիմնարկում Հարությունյանը կրում է պատիժը:

Տպել
3702 դիտում

Շիրակի մարզի Կամո գյուղում այսօր անշնչացած վիճակում հայտնաբերված երիտասարդն առողջական խնդիրներ ուներ

Երեւանում վրաերթի է ենթարկվել Ֆրանսիայի 73-ամյա քաղաքացուհին եւ տեղում մահացել

Թբիլիսիի Ռուսթավելի պողոտան փակ է ու կրկին մարդաշատ. ընթանում է 6-րդ բողոքի ցույցը (տեսանյութ)

ՀՀ դեսպանն Իրանի էներգետիկայի նախարարի հետ քննարկել է ոլորտում համագործակցության հարցեր

Ազգային ժողովին մատակարարվել են կեղծ ոսկյա և արծաթյա մեդալներ. զբաղվում է ոստիկանությունը

Իսպանիայում երեխաների վեճը զանգվածային անկարգությունների է վերածվել

Քոչարյանի պատկերացրած Հայաստանը՝ «կոնսենսուս մինուս ժողովուրդ». հիրավի «դուխով» մարդու պահվածք

Ողբերգական դեպք Շիրակի մարզում. 28-ամյա երիտասարդին մահացած են գտել

Մինսկ-2019. բռնցքամարտիկ Գոռ Ներսեսյանը եւս 5:0 հաշվով դուրս եկավ 1/4 եզրափակիչ

ՏՄՊՊՀ եւ ՀԾԿՀ նախագահի թեկնածու առաջադրելու իրավունքը կվերապահվի կառավարությանը. ընդդիմադիր ֆրակցիաները դեմ քվեարկեցին

Հրդեհ «Փարվանա» ռեստորանային համալիրի հարակից խոտածածկ տարածքում

Երևանում թալանել են Ազգային ժողովի նախկին պատգամավոր, ԲՀԿ-ական Նապոլեոն Ազիզյանին

Մնացականյանը և Մոլլերը բարձր են գնահատել ՄԱԿ Ժնևյան կառույցների աշխատանքներում ՀՀ ներգրավվածությունը

Կարկուտը Շիրակի մարզի 8 համայնքի բերք է ոչնչացրել

Հրդեհ Այգեկում. ծխահարվել են քաղաքացիներ

Հունվար-մայիսին միջին ամսական անվանական աշխատավարձն աճել է 5.4 տոկոսով

Շիրակի մարզի 9 գյուղերի սպառնացող կարկտավտանգ ամպեր են ներգործության ենթարկվել

Վրաստանի ցույցերի համատեքստում պատգամավորին մեղադրանք է առաջադրվել

Կարծում եմ, որ կոնֆլիկտը չի էսկալացվի այնպես, որ հարցը հասնի նաեւ ցամաքային ճանապարհ փակելուն. Փամբուխչյան

Մինսկ-2019. բռնցքամարտիկ Կարեն Տոնականյանը 5:0 հաշվով հաղթեց իսպանացի մրցակցին