Տարոնի աքիլեսյան գարշապարը. 21-րդ դարում երեւանցին աշխատանքից տուն գնալու խնդիր ունի

Երեւանի ավագանու ընտրություններում գործող քաղաքապետ, քաղաքապետի թեկնածու Տարոն Մարգարյանի աքիլեսյան գարշապարը քաղաքի տրանսպորտի խնդիրն է: Ասել, որ մայրաքաղաքում տրանսպորտային միջոցների ավտոպարկն ու երթուղիների կազմակերպման խնդիրը վատ վիճակում է, նշանակում է ոչինչ չասել:

Քարոզարշավի օրերին իրավիճակն ավելի է սրվում: Սովորական պայմաններում քաղաքացիների համար այդ խնդիրն այնքան առօրեական է, որ մարդիկ նույնիսկ դադարում են նկատել դա: Կատարյալ դիսկոմֆորտի պայմաններում աշխատանքի գնալն ու վերադառնալը, կամ այլ առիթով քաղաքի մի կետից մյուս կետը հասնելը, դառնում է կենսաձեւ, որի վրա այլեւս ոչ ոք ուշադրություն չի դարձնում:

Քարոզարշավի փուլում, սակայն, խնդիրը հնարավորինս վեր է հանվում: Նախ դրա մասին անհոգնել խոսում են գործող քաղաքապետի մրցակիցները: Եվ բացի այդ, երբ որ Տարոն Մարգարյանն ու նրա թիմակիցները փորձում են երեւանցիներին հրամցնել նրա կատարած մեծ գործերը, քաղաքի բնակիչները ավտոմատ կերպով հիշում են նրա չարած մեծ գործերի մասին: Տվյալ դեպքում եւ քարոզչությունը, եւ հակաքարոզչությունը աշխատում են Տարոն Մարգարյանի դեմ:

Օրեր առաջ Հանրային հեռուստաընկերության «Օրակարգից դուրս» հաղորդման հյուրն էր Երեւանի ավագանու Հանրապետական խմբակցության անդամ, «Սինոփսիս Արմենիա» ընկերության գործադիր տնօրեն Հովիկ Մուսայելյանը: Վերջինս ոչ մի կերպ չէր կարողանում հիմնավորել, թե ինչու մինչեւ այժմ լուծված չէ քաղաքային տրանսպորտի խնդիրը եւ նույնիսկ չէր կարողանում կոնկրետ ասել, թե եթե, օրինակ, Տարոն Մարգարյանը կրկին դառնա քաղաքապետ, այդ խնդիրը երբ կլուծվի:

Ավագանու անդամն ասում էր, որ վարկային միջոցներով հեղինակավոր մի միջազգային ընկերությանը պատվեր է տրվել, եւ այդ ընկերությունը ներկայում ուսումասիրություններ է կատարում, որպեսզի իր առաջարկը ներկայացնի: Որքան գումար է հատկացվել, երբ է պատվերը տրվել, երբ է վերջնաժամկետը, արդյոք այդ առաջարկն անպայման կյանքի կկոչվի, եթե այո` ինչ ժամկետներում: Այս հարցերի պատասխանը ավագանու ՀՀԿ խմբակցությունում չունեն:

Մուսայելյանը նշում էր, որ տրանսպորտի խնդրի լուծման համար լուրջ խոչընդոտ են երթուղայինների գծատերերը, որոնց հարցը պետք է լուծվի: Ապրիլի 20-ին էլ քաղաքապետարանում տեղի էր ունեցել «Երևան քաղաքի հասարակական տրանսպորտի համակարգի բարեփոխումների մասնագիտական աշխատանքային խմբի առաջին նիստը, որը վարող Երեւանի քաղաքապետի տեղակալ, աշխատանքային խմբի ղեկավար Վահե Նիկոյանը հայտարարել էր, թե «այս նոր գործընթացի մեկնարկով այսօր արդեն կարող ենք սահմանել, որ «գծատերեր» հասկացությունը պետք է վերանա»։

Սա, ինչ խոսք, հետաքրքիր հայտարարություն է, որովհետեւ համար առաջին գծատերը  քաղաքապետ Տարոն Մարգարյանն է: Մյուս հայտնի գծատերերից են Երեւանի քաղաքապետարանի տրանսպորտի վարչության պետ Հենրիկ Նավասարդյանը,  ռեյտինգայով ցուցակով պատգամավոր դարձած Արման Սահակյանը` Գալուստ Սահակյանի որդին: 

Ի՞նչ կարիք կար միջազգային ընկերությանը միլիոնավոր դրամների պատվեր անել, հասկանալու համար, որ գծատերերը մեծ չարիք են Երեւան քաղաքի համար:

Դժվար է ասել, թե այս բարդ խնդիրը երբ եւ ինչպես կլուծվի, բայց վերջին մեկ շաբաթվա ընթացքում մենք երեք անգամ բախվել ենք միեւնույն անլուծելի հարցին. աշխատակիցները հայտարարել են, որ իրենք կոնկրետ ժամին չեն կարողանում տուն վերադառնալ: Մի հոգի ասել է, որ ժամը 18-ից հետո Արշակունյաց պողոտայից «համալիր» հասնելու համար  2.5 ժամ է ծախսում: Երկրորդն ասել է, որ ժամը 23.30-ից հետո Մաշտոցի պողոտայից չի կարող հասնել 8-րդ մասիվ, որովհետեւ այդ ժամին արդեն նշված ուղղությամբ տրանսպորտ չի գործում: Երրորդն ասել է, որ նույն ժամին չի կարողանում Մաշտոցի պողոտայից հասնել Հալաբյան փողոց` նույն պատճառով:

21-րդ դարն է, իսկ Երեւանում մարդիկ երեկոյան 11-ին աշխատանքի վայրից քաղաքային տրասպորտով տուն  հասնելու խնդիր ունեն:

Տպել
5766 դիտում

Փայտանյութ տեղափոխող բեռնատարն ունեցել է բոլոր անհրաժեշտ փաստաթղթերը. ոստիկանություն

Նիկոլ Փաշինյանը շնորհավորել է Շառլ Միշելին` Բելգիայի Թագավորության Ազգային տոնի կապակցությամբ

ՀՀ զորամասերից մեկում հայտնաբերվել է 19-ամյա զինծառայողի դի

Արագիլների անկման կապակցությամբ Հրազդան գետի, Հովտաշենին հարող ցամաքուրդային ջրերի նմուշառման աշխատանքներ են իրականցվում

ՔԿ պարզաբանումը՝ Սամվել Կարապետյանի եղբորորդու գործի վերաբերյալ

Փոխվարչապետ Տիգրան Ավինյանը հանդիպել է ՄԱԿ-ի գլխավոր քարտուղարի հատուկ հանձնակատարին

Բացի աշխատանքից՝ բարեկեցություն ստեղծելու այլ ճանապարհ չկա․ Նիկոլ Փաշինյան

Նեթանյահուն դարձել է Իսրայելի ամենաերկար պաշտոնավարած վարչապետը

Սեւանի ոստիկանները բացահայտել են ապօրինի ծառահատման դեպքը. վարորդը չի ենթարկվել ոստիկանների պահանջին

«Իմ քայլը հանուն Շիրակի» բիզնես համաժողովի ընթացքում ներդրումային ծրագրեր ներկայացրին մոտ 50 ընկերություններ եւ անհատներ

ՍԴ ոչ լեգիտիմ նախագահ Հրայր Թովմասյանը հայտարարում է, որ ՀՀԿ-ի դատավորներին չի կարելի փոխել

Սոս Սարգսյանը ոչ միայն մեծ արվեստագետ էր, այլեւ մեծ քաղաքացի․ Արմեն Սարգսյան

Էդմոն Մարուքյանն ԱՄՆ-ում խոսել է Հայաստանում իրականացվող բարեփոխումների մասին

Հայաստանի Հանրապետությունը պետք է վերագտնի արդյունաբերական երկրի իր երբեմնի փառքը. վարչապետ

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ