Դպրոցի բակում սրճարան-բար է գործում, որը զբաղեցնում է տարածքի գրեթե 1/3-րդը. Տեսանյութ

28/04/2017 schedule20:08

Երեւանի համար 71 դպրոցի բակային տարածքի մոտավորապես 1/3-ը զբաղեցված է սրճարան-բարով: Մեր այցելության պահին ցածր դասարանների երեխաները վազվզում, խաղում էին, բայց նրանց ազատությունը հանդիպում էր սրճարանի պատնեշին:

Տնօրեն Գայանե Դեմիրյանն այս երեւույթի մասին չցանկացավ մեկնաբանություններ տալ տեսախցիկի ու ձայնագրիչի առաջ: Իսկ առանց դրանց ասաց, որ կրթօջախն ինքը այդպես է ընդունել, բայց հարեւանությանբ գործող սրճարանն իրենց նեղություն չի տալիս:

Bufalo Grill Bar-ի տնօրեն Ելենա Պետրոսյանը մեր զրույցում վստահեցրեց, որ իրենք գործում են օրենքի սահմաններում, ունեն անհրաժեշտ բոլոր փաստաթղթերը: Սակայն նշեց, որ դրանց ծանոթանալու հնարավորություն կընձեռվի միայն իրավաբանի ներկայությամբ, որն այդ պահին տեղում չէ: Նա ասաց, որ իրենք տարածքը վարձակալում են, եւ այն ունի սեփականատեր: Վերջինիս բացահայտել նույնպես չցանկացավ առանց իրավաբանի ներկայության:  

«Իհարկե քաղաքապետարանից բոլոր թույլտվություններն ունենք, գործում ենք օրենքի սահմաններում: Դրանք մենք ենք ստացել: Երբ որ նոր ՍՊԸ է բացվում, պարտադիր կերպով նորից դիմում ենք եւ ստանում ենք թույլտվությունը: Եկել են, հետազոտել են, բոլոր հիմքերը կան մեզ այդ թույլտվությունը տրամադրելու համար: Բոլոր իրավունքները` զբաղեցրած տարածքի, սննդի եւ խմիչքի վաճառք իրականացնելու, մենք ունենք»,- նշեց Ելենա Պետրոսյանը:

Նրա խոսքով, Bufalo Grill Bar-ն ինը ամիս է, ինչ գործում է, բայց ի սկզբանե մի քանի տարի շարունակ այստեղ եղել են ռեստորաններ, պիցերիաներ: «Եվ ամեն դեպքում գտնվելով, այո, դպրոցին կից, մենք ոչ մի կերպ չենք վնասում դպրոցին, աշակերտներին, այլ հակառակը, օգուտ ենք տալիս` լինելով այստեղ, որովհետեւ մենք առաջարկում ենք առողջ սնունդ, մեզ մոտ կարող են աշակերտները սնվել, երբ ցանկական: Մենք իրենց շատ լավ ընդունում ենք եւ շատ մտերիմ ենք»,- հայտարարեց տնօրենը:

Իսկ մի՞թե անվճար են կերակրում երեխաներին: «Չէ, անվճար չէ, բայց ամեն դեպքում մեզ մոտ ակցիաներ են գործում հենց աշակերտների համար, որ շատ մատչելի լինի եւ կարողանան երեխաները երբ ցանկանան՝ գալ եւ օգտվել»,- պատասխանեց նա:

ՀՀ կառավարությանն առընթեր քաղաքաշինության պետական կոմիտեից փորձեցինք պարզել.

- Հայաստանում գործող նորմատիվներով արդյոք թույլատրելի՞ է հանրակրթական հաստատությունների հարակից տարածքները կամ մասնավորապես դպրոցի բակը զբաղեցնել այլ նշանակության շինություններով, ասենք այնտեղ հիմնել սրճարան, բար եւ այլն:

- Դպրոցի հարակից տարածքում ինչ շառավղով կարող է թույլատելի լինել որեւէ այլ կառույցի առկայություն:

Սպասում ենք գրավոր հարցման պատասխանին:

Հ.Գ. Երեւանի քաղաքապետ, քաղաքապետի թեկնածու Տարոն Մարգարյանի նախընտրական քարոզարշավն այսօր երեկոյան նախատեսված էր դպրոցի բակում: Ցերեկն արդեն բեմահարթակ էր կառուցվել, ու թերեւս դա էր ոգեշնչել երեխաներին, որոնք բակում տեւական ժամանակ գոռում էին. «Սերժիկ, հեռացիր»:   

Տպել
3281 դիտում

Կենտրոնական Կիլիկիա ավտոկայանում խայտառակ հակասանիտարական վիճակ է․ Հակոբ Արշակյան (տեսանյութ)

Ամերիկան իրավունք չունի թելադրել Հայաստանին, որ մարդասիրական խումբ չուղարկի Սիրիա․ Սասունյան

Տնտեսական գործունեության դաշտ ազատ մուտքը, հասավար մրցակցությունն այլևս անշրջելի են․ նախարար

ՏԻՄ ընտրություններ. հաղթանա՞կ, թե պարտություն. խմբագրական

ԵՄ-Հայաստան առևտրաշրջանառությունն աճել է 19 տոկոսով. արտահանման դյուրացմանը նպաստել է նաև GSP+ համակարգը

Հրդեհ Սյունիքում․ փայտյա 2 տնակ ամբողջությամբ այրվել են

Վիսենտե դել Բոսկեն՝ աշխարհի ֆուտբոլային ամենատիտղոսակիր մարզիչներից մեկը, կգա Հայաստան

ԵԱՀԿ ՄԽ համանախագահները ժամանել են Երեւան․ այնուհետեւ կայցելեն Բաքու

ԱՄՆ-ի 16 նահանգներ դատական հայց են ներկայացրել Թրամփի՝ արտակարգ իրադրություն հայտարարելու որոշման

Ոստիկանությունը հայտնաբերել է որոնվող 12-ամյա Հրաչյա Բադասյանին

Աշխարհը չունի. քննություն ենք բռնելու

Օմբուդսմենը էլի նշանակվեց. Քոչարյանը չդարձավ Մանդելա

Կոմիտասի պողոտայում գտնվող դպրոցի արտաքին պատից քարերը թուլացել են, թափվել երթևեկելի հատված

Բարձր աշխատավարձ. պայքար դատական կոռուպցիայի դեմ

Երևանում թալանել են «Նաիրի» բժշկական կենտրոնի գլխավոր տնօրեն Անատոլի Գնունու տունը

Թումանյանի 150-ամյակին նվիրված միջոցառում է տեղի ունեցել նաև Սանկտ-Պետերբուրգում

Ոստիկանները բացահայտել են տրակտորի գողության 27 տարի առաջ կատարված դեպքը

Փրկարարները դուրս են բերել ձյան շերտում արգելափակված մեքենաները

Շարունակում են փակ մնալ Շիրակի ու Արագածոտնի մարզերի մի շարք միջհամայնքային ճանապարհներ

Այգեպար գյուղում այրվել է փայտյա տնակի տանիքը. տուժածներ չկան