Նիկոլ Փաշինյանը բացատրում է՝ ինչպես է պատկերացնում մետրոյի Աջափնյակ կայարանի բացումը

Երեւանի ավագանու ընտրություններին մասնակցող «Ելք» դաշինքի նախընտրական ծրագրի դրույթներից մեկը մինչեւ 2022 թվականը Երեւանում առնվազն մեկ մետրոկայարանի ավելացնումն է: Այս մասին բազմիցս բարձրաձայնել է նաեւ Երեւանի քաղաքապետի թեկնածու Նիկոլ Փաշինյանը:

Այսօր նա Երեւանի մետրոպոլիտենի Աջափնյակ կայարանի շինհրապարակի մերձակայքում ուղիղ միացմամբ ներկայացրեց, թե ինչպես է պատկերացնում այդ կայարանի կառուցումը: Մինչ այդ հիշեցրեց, որ Երեւանի գործող քաղաքապետ Տարոն Մարգարյանը եւ Հանրապետական կուսակցության ներկայացուցիչները Աջափնյակ կայարանի շահագործման հանձնման խոստումը համարում են ոչ իրատեսական՝ չնայած նրան, որ 2007 թվականին Սերժ Սարգսյանը Աջափնյակում առնվազն երկու կայարանի շինարարությունը համարել էր իրատեսական:

«Նախ ասեմ, որ Բարեկամություն մետրոյից մինչեւ Հրազդանի կիրճը բոլոր կոմունիկացիոն թունելները եւ երթային թունելը պատրաստ են, իսկ Աջափնյակի հատվածում բոլոր կոմունիկացիոն թունելներն են պատրաստ: Եվ այդտեղ, ըստ էության, մնում է երթային թունելի եւ կայարանի կառուցումը: Այս պրոցեսում ամենաբարդ խնդիրը կամրջի կառուցումն է, որը պիտի անցնի Հրազդան գետի վրայով եւ Աջափնյակի հատվածը միացնի Արաբկիրի հատվածին: Ֆինանսական առումով ամենաբարդ խնդիրը հենց սա է»,- ընդգծեց Փաշինյանը:

Խոսելով այն մասին, թե ֆիանսապես ինչպես է պատկերացնում այդ խնդրի լուծումը՝ քաղաքապեոտի թեկնածուն խոսեց Երեւանում գործարկվող քաղաքային զարգացման վարկային ծրագրի մասին:

«Դրանով իշխանությունները կառուցում են Նորագավիթ թաղամասը շրջանցող ճանապարհը, որ մտնում է Շիրակի փողոց: Նախատեսվում է, որ այդ ճանապարհը Շիրակի փողոցով պետք է հասնի Կարմիր բլուր եւ Կարմիր բլուրի վրայով պետք է մոտ 250-252 մետր երկարությամբ թունել կառուցվի Հրազդան գետի վրայով, որը Կարմիր բլուրի հատվածը կմիացնի Մալաթիա Սեբաստիա համայնքին: Հետո նախատեսվում է այդ ճանապարհը շարունակել մինչեւ Աշտարակի խճուղի: Ես կարծում եմ, որ ահա այդ կամուրջի կառուցումը, ըստ էության, նպատակահարմար չէ այս փուլում, որովհետեւ նույն սցենարով այդ ճանապարհը կարող է գործել հետեւյալ սցենարով. գալ հասնել Շիրակի փողոց, հետո մտնել Արտաշիսյան փողոց, հետո միանալ Երեւանյան լճի պատնեշի վրա կառուցված կամրջին, Իսկակովի պողոտայով միանալ փողոցին: Ստացվում է, որ գոյություն ունեցող կամրջից մեկ կիլոմետր ներքեւ ուզում են մեկ այլ կամուրջ կառուցել: Ես կարծում եմ, որ դա բացարձակապես նպատակահարմար չէ, մանավանդ դրա կառուցումը նախատեսվում է Երեւանի ամենակարեւոր հնավայրերից մեկի՝ Կարմիր բլուրի վրայով: Կարծում եմ, որ այդ թունելի միջոցները կարելի է ներդնել այստեղ եւ այս կամուրջը կառուցել Հրազդան գետի վրայով, Աջափնյակի եւ Արաբկիրի միջեւ ստեղծելով մետրոյի կամուրջ»,- մանրամասնեց Փաշինյանը:

Ընդ որում, ըստ նրա՝ Աջափնյակն ու Արաբկիրը միացնող կամուրջը ավելի կարճ պետք է լինի (140 մետր երկարությամբ) եւ այդտեղ հսկայական միջոցներ կխնայվեն, որոնք կարող են ներդրվել Աջափնյակի մետրոյի թունելի երկարությունը եւ կայարանի տեղը փոխելու համար: «Գիտեք, որ նախկինում նախատեսվում էր, որ մետրոյի Աջափնյակ կայարանը պետք է գտնվի Հալաբյան փողոցում՝ Արդարադատության նախարարության շենքի հարեւանությամբ: Բայց կարծում եմ հիմա երթային ուղիները մի քիչ փոխվել են, ավելի նպատակահարմար կլինի այդ կայարանը կառուցել Հանրապետական հիվանդանոցի հարեւանությամբ, ավելի բանուկ հատվածում: Սա է իմ պատկերացումը եւ ես կարծում եմ, որ սա շատ իրագործելի ծրագիր է՝ մանավանդ, որ կառուցվող կամուրջը որեւէ ձեւով արդարացված չի, ընդամենը ճոխություն է»,- նկատեց Երեւանի քաղաքապետի թեկնածուն:

Հիշեցնելով տրանսպորտի հետ կապված «Ելք» դաշինքի այլ խոստումները՝ Փաշինյանն անդրադարձավ Երեւան քաղաքում ավտոբուսային հոսքերի, մետրոյի եւ տրոլեբուսի չափաբաժնի ավելացման հատվածին.

«Այսօր մայրաքաղաքում 1400 գազել է դուրս գալիս երթուղի: Երեւան քաղաքի երթեւեկության հետ կպված պրոբլեմների հսկա բաժինը կապված է այս գազելների անկանոն գործունեության հետ: Ահա, երբ գազելների թիվը կրճատենք, երբ բացառենք մետրոյի երթուղիները կրկնող ավտոբուսային, տրոլեբուսային երթուղիների գոյությունը, եւ մետրոյի ուղեւորահոսքերը մեծացնենք, դա միանգամայն կփոխի երթեւեկության եւ խցանումների վիճակը քաղաքում»,- ասաց Փաշինյանը՝ հավելելով, որ Աջափնյակի մետրոյի կայարանը բացելը նշանակում է, որ մետրոն հետագայում կարող է հասնել 16, 17 թաղամաս, հետո Մալաթիա- Սեբաստիա եւ այդպես շարունակ:

Տպել
3847 դիտում

Վաշինգտոնում առկա է լայն կոնսենսուս. հայ-ամերիկյան գործընկերությունը ռազմավարական բնույթ է ստանում

«Ոչ լեգիտիմ» նախագահի կողմից առաջադրված, ապա ընտրված Վահե Գրիգորյանը աշխարհացունց հայտարարություններով է հանդես գալիս

Ստացել է 1.2 մլն դրամի չափով կաշառք. կալանավորվել է ՀՀ սոցիալական ապահովության ծառայության պաշտոնատար անձ. ԱԱԾ

Իրանի խնդրից մինչեւ Աֆղանստան և ՌԴ. Բրյուսելում մեկնարկում են ՆԱՏՕ-ի պաշտպանության նախարարների երկօրյա բանակցությունները

ԱԺ-ն ստիպված պետք է լինի վերացնել ՍԴ շուրջ ստեղծված ճգնաժամը, հակառակ դեպքում սա հավերժական վեճի թեմա է լինելու

Հայաստանը 4-րդ մեդալն ունի Եվրոպական խաղերում

Սպանություն Երեւանում. հայտնաբերվել է սավանով եւ պոլիէթիլենով փաթաթված 25-ամյա աղջկա դի

Ոտքերով բազմաթիվ հարվածներ է հասցրել նրան. տղամարդու մահվան դեպքով ձերբակալվել է տուժողի եղբայրը

Աննա Հակոբյանը ներկա է գտնվել FASHION FORUM YEREVAN 2019 միջոցառման բացման արարողությանը

Կայացել է զորակոչի ընթացքում քաղաքացիների բողոքների քննարկման հանձնաժողովի առաջին նիստը

Սյունիքում մեքենան 60 մետր գլորվելով բախվել է էլեկտրասյանը. 12-ամյա երեխան հիվանդանոցում է, վարորդը մահացել է

1 սահնօձ, 1 չպարզված տեսակի օձ. ահազանգեր Երեւանում՝ օձերի առկայության մասին

Մինսկ-2019. բադմինտոնի միակ ներկայացուցիչ Լիլիթ Պողոսյանը հաղթեց երկրորդ խաղում

Մինսկ-2019. բռնցքամարտիկ Արթուր Հովհաննիսյանն ապահովեց առնվազն բրոնզե մեդալ

Զբոսավարների ասոցիացիան մտահոգ է՝ զբոսաշրջիկներին թալանում են. ոստիկանությունը պարզաբանում է

Սիսիանի բանկերից մեկում քաղաքացուց գողացել են հեռախոսը

«Սարուխան» պոմպակայանի հոսանքազրկման պատճառով ջրանջատումներ կլինեն

«Կոբախիձե էտա ռազ, Գախարիա էտա դվա». Վրաստանի նախկին նախագահը միացել էր ցուցարարներին

Երևանում և 8 մարզում այսօր էլեկտրաէներգիայի պլանային անջատումներ են սպասվում

Շիրակի մարզի Կամո գյուղում այսօր անշնչացած վիճակում հայտնաբերված երիտասարդն առողջական խնդիրներ ուներ