Ծանոթով եմ տոմս գնել. Ամիրյանը՝ Գյումրիում «Շողոքորթն» ներկայացման պրեմիերային. ֆոտո

Մայիսի 13-ին Գյումրու Վարդան Աճեմյանի անվան պետական դրամատիկական թատրոնում տեղի ունեցավ «Շողոքորթն» ներկայացման պրեմիերան՝ Հակոբ Պարոնյանի համանուն պիեսի հիման վրա: Մինչ ներկայացման առաջնախաղի մեկնարկը՝ թատրոնի գեղարվեստական ղեկավար Լյուդվիգ Հարությունյանը, տնօրեն՝ Տիգրան Վիրաբյանը եւ ներկայացման գլխավոր հերոս, Թադեի դերակատար, ՀՀ արվեստի վաստակավոր գործիչ Սամվել Գրիգորյանը հանդես եկան մամուլի ասուլիսով: Ի դեպ, ասուլիսի սրահը պատրաստված էր ներկայացմանը համահունչ:

«Սա թատրոն է բոլոր հադիսատեսների համար: Այս պիեսի ընտրությունը պատահական չէր, քանի որ գիտենք, թե գյումրեցիները ինչ կատակասերն են, իսկ Պարոնյանի լեզուն չէր կարող չլինել Գյումրու թատրոնում»,-ասաց Տիգրան Վիրաբյանը:

Ներկայացման հիմքում մարդկային բացասական գծերից մեկն է՝ շողոքորթությունը եւ դրա ազդեցությունը հասարակական տարբեր երեւույթների վրա: Դերակատարները Պարոնյանի լեզվով փորձում են ներկայացնել այդ արատավոր երեւույթը եւ դրանից բխող հետեւանքները: Բարձրաձայնվում է այն մասին, որ շողոքորթներին ծնում է հասարակությունը, քանի որ շատերի համար նախընտրելի է քաղցր սուտը: Բեմադրության մեջ շողոքորթությունը դարձել է մասնագիտություն լեզու թափելու եւ դրամ շորթելու լավագույն եղանակ:

Կատակերգության ռեժիսիորը Արա Բաղդասարյանն է, որին ներկայացումը բերմադրելու համար Գյումրու դրամատիկական թատրոն են հրավիրել:

«Մենք նոր մտահղացում ունենք, որ պարբերաբար Գյումրու թատրոն ենք հրավիրելու այլ ռեժիսորների, ովքեր կյանքի կկոչեն իրենց մտահղացումները: Մեր թատրոնն իր գեղագիտությունն ունի, բայց միշտ անհրաժեշտ է նոր ճաշակ ու մուտք»,-ասում է Լյուդվիգ Հարությունյանը:

«Շողոքորթն»-ի առաջնախաղը դիտելու համար, Երեւանից կնոջ հետ Գյումրի էր ժամանել մշակույթի նախարար Արմեն Ամիրյանը: Նախարարը եւ նախարարության մոտ 100 աշխատակիցներ իրենց նախաձեռնությամբ գնել էին բեմադրության տոմսեր: Հետաքրքրական է, որ Ամիրյանը ներկայացման ընթացքին հետեւեց դահլիճից, այլ ոչ թե՝ կառավարական օթյակից:

«Այն առաքելությունը, ինչի համար մենք եկել ենք Երեւանից պետք է դառնա ավանդույթ: Այս հիասքանչ առաջնախաղը խոսում է այն մասին, որ կապ չունի, թե թատրոնը որտեղ է տեղակայված, կարեւորը գեղագիտական հաճույքն է, որը ստանում ենք: Դժվար էր տոմսեր ձեռք բերելը, բայց մենք ծանոթով կարողացանք գնել»-լրագրողների հետ զրույցում նշեց Ամիրյանը:

Գյումրու դրամատիկական թատրոնի տնօրեն Տիգրան Վիրաբյանի խոսքով՝ ներկայացման ծախսերն ավելին են, քան 2 մլն դրամը: Նախարարությունը ֆինանսական աջակցություն չի ցուցաբերել:

«Գյումրու թատրոնի վրա դեռ գումար չենք ծախսել այդ առումով, քանի որ այս թատրոնն աշխատում է ժամանակակից լավագույն մոդելով: Կարծում եմ, որ մյուս թատրոնները պետք է ձգտեն, որպեսզի հասնեն Գյումրու թատրոնի մակարդակին»,-եզրափակեց Ամիրյանը:

«Շողոքորթն» հետաքրքրել էր նաեւ Գյումրու քաղաքապետ Սամվել Բալասանյանին, Շիրակի մարզպետ Հովսեփ Սիմոնյանին եւ Շիրակի թեմի առաջնորդ Միքայել եպիսկոպոս Աջապահյանին:

Տպել
5511 դիտում

Երկրաշարժ Արցախում. ցնցման ուժգնությունն էպիկենտրոնում գրանցվել է 4-5 բալ

ԱԱԾ-ն հայտնաբերել է ահաբեկչության համար հետախուզվող Հնդկաստանի 2 քաղաքացու. նրանք ժամանել են Թուրքիայից (տեսանյութ)

Մեկնարկել է ՀՀ կառավարության հերթական նիստը. օրակարգում ներառված է 40 հարց

Գրենլանդիայի վաճառքի խնդիրը. ինչո՞ւ է Թրամփը չեղարկել այցը Դանիա

Յուվեցի Կարոյի սպանության եւ Կարամելի Հարութի ինքնասպանության դեպքերով հարուցված քրեական գործերը կարճվել են

Սյունիքի մարզում այրվում է մոտ 100 հա բուսածածկույթ, այդ թվում գիհի, կաղնու ծառեր եւ թփուտներ

Առաջիկա օրերին շոգ եղանակը կպահպանվի. սպասվում է բարձր կարգի հրդեհավտանգ իրավիճակ

change.org կայքում ստորագրահավաք է սկսվել՝ հաջակցություն ՀՊՏՀ ռեկտորի ԺՊ Ռուբեն Հայրապետյանի

«Օրենքով գող» Անդիկի սպանությունն իրականացնողը ՌԴ Գրոզնի շրջանից է. ՔԿ-ն մանրամասներ է ներկայացնում

Ծիծեռնակաբերդի զբոսայգում այրվել է մոտ 2 հա բուսածածկույթ և 100 ծառ

Ուռուցքաբանության և ճառագայթային բժշկության բուժկենտրոնների կառավարումը կվերապահվի ԱՆ-ին

Արթուր Վանեցյանի որոշմամբ կասեցվել են 3 ֆուտբոլիստների կարգապահական տույժեր

«Օրենքով գող» Անդիկի սպանությունը իրականացրել է ՌԴ 32-ամյա քաղաքացին, նրան օժանդակել է Երեւանի բնակիչը

36 ժամ ջուր չի լինելու Երեւանում, Արարատի, Արմավիրի եւ Կոտայքի մարզերում

«Էլ Գարդեն» սրճարանի մոտակայքի հրդեհը բարդության «1-Բիս» աստիճանի է. պատճառը հրավառությու՞նն է

Կառավարությունը բնակարան կնվիրաբերի զոհված զինծառայող Հրանտ Մանգասարյանի ընտանիքին

Դիլիջանում ազատամարտիկների հուշարձանի վրայից ջնջել են բարերարի անունը, ջարդել ցայտաղբյուրները

Հացաշեն համայնքի ղեկավարը հաղորդում է տվել, որ նախկին կինը փորձել է առևանգել իր 9-ամյա որդուն

Հրդեհ՝ Մասիս քաղաքում․ բնակելի տուն է այրվել

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ