Թուրքիայից Գյումրի ժամանած թատերախումբը հայտնվել է սկանդալի մեջ. ֆոտո

Մայիսի 14-ին թուրքական Բուրսա Նիլուֆերի թատերախմբի ներկայացմամբ գյումրեցիների դատին է հանձնվել  Հակոբ Պարոնյանի «Ատամնաբույժն արեւելյան» երգիծանքը: Ներկայացումը եղել է թուրքերեն: Պատասխանատուների խոսքով՝ թատերախումբը Գյումրի է ժամանել Եվրոպական միության կողմից ֆինանսավորվող «Հայաստան-Թուրքիա երկխոսություն» ծրագրի շրջանակներում:

«Երբ մենք Թուրքիայում ներկայացրեցինք շատ սիրվեց, դրա համար որոշեցինք նաեւ Հայաստանում բեմադրել»,- ասաց Բուրսա Նիլուֆերի թատերախմբի համակարգող Ֆեյզա Սոսյալը:

Լրագրողների այն հարցին, թե մտավախություն չկար, որ գյումրեցիներին չի հետաքրքրի թուրքալեզու ներկայացումը՝ հաշվի առնելով հայ-թուրքական հարաբերությունները, թատրոնի համակարգողը ասաց.

«Վախ չունեինք, որ չի ընդունվի, կարծում եմ, որ մեզ սիրով են ընդունել: Մենք որպես հասարակ մարդիկ պետք է հաշտ ապրենք, չխառնվենք քաղաքականությանը: Առաջին անգամ է, որ Թուրքիայից թատերախումբ է գալիս եւ ես չէի էլ սպասում, որ դահլիճը պետք է լիքը լինի: Մի քանի օր է այստեղ եմ, բայց  այս օրերի ընթացքում ինձ ոչ ոք չի անհանգստացրել»,- նշեց Ֆեյզա Սոսյալը:

Թուրքական Բուրսա Նիլուֆերի թատերախմբի ներկայացումը տեղի ունեցավ Գյումրու «Արագած» մշակութային կետրոնի դահլիճում, սակայն գովազդային պաստառի վրա, որպես ներկայացման վայր նշված էր Գյումրու «Տիրամայր արհեստի դպրոց» հիմնադրամի դահլիճը:

Armtimes.com-ին  պարզ դարձավ, որ թուրքական այս թատերախումբը Գյումրիում սկանդալային պատմությունների մեջ է հայտնվել: Նախ՝ խմբին թույլ չեն տվել ներկայացումը բեմադրել Գյումրու Վարդան Աճեմյանի անվան պետական դրամատիկական թատրոնի Մհեր Մկրտչյանի անվան փոքր դահլիճում, ապա դահլիճը ներկայացման համար տրամադրելու խոստում տվել, բայց ներկայացումից երկու օր առաջ հրաժարվել են «Տիրամայր արհեստի դպրոց» հիմնադրամից:

«Մենք չենք զբաղվել դահլիճի հարցերով, բայց տեղյակ եմ, որ դրամատիկականում առաջնախաղ է եղել, իսկ հաջորդ օրը նույնի կրկնությունը պետք է լիներ, դրա համար չեն տվել, երեւի գրաֆիկը չի համապատասխանել, մեկ այլ դահլիճ էլ կար, որտեղ պետք է խաղայինք, բայց 2 օր առաջ մերժեցին: Մի փոքր տեխնիկական խնդիրներ եղավ, եթե չլիներ ավելի լավ ներկայացում կունենայինք»,- ասաց Ֆեյզա Սոսյալը:

Armtimes.com-ի ճշտող հարցին, թե  ներկայացման թուրքալեզու լինելու պատճառով է, որ հրաժարվել են դահլիճները տրամադրել, Ֆեյզա Սոսյալը դժվարացավ պատասխանել: Միեւնույն ժամանակ թատերախմբի մեկ այլ ներկայացուցիչ տեղեկացրեց, որ «Տիրամայր արհեստի դպրոց» հիմնադրամի հետ պայմանագիր են ունեցել կնքած: «Տիրամայր արհեստի դպրոցը» մասնավոր կառույց է, այն ղեկավարում է քույր Արուսյակ Սաճոնյանը:

Նշենք, որ դահլիճը, որտեղ անցկացվում էր բեմադրությունը, գրեթե կիսադատարկ էր: Թուրքական խմբի ներկայացմանը դիտելու չէին եկել որեւէ պետական կառույցից: Ներկա էր միայն Գյումրու քաղաքապետարանի մշակույթի բաժնի պետ Արտուշ Մկրտչյանը, ով հայտարարեց՝ բեմադրությանը ներկա է, որպես մասնավոր անձ եւ չի կարող ասել, թե թատերախումբը  դահլիճի հետ կապված ինչ խնդիրներ է ունեցել:

«Թատրոնը քաղաքապետարանինը չէ, իսկ մյուս երկուսը մասնավոր է, ես որպես քաղաքապետարանի աշխատակից չեմ կարող բան ասել: Ես որպես մասնավոր անձ եմ եկել, ինձ դուր եկավ ներկայացումը, բավարարված եմ»,- նշեց Մկրտչյանը եւ տեղեկացրեց, որ Գյումրու քաղաքապետարանին եւս հրավիրատոմսեր են ուղարկվել: Ներկայացմանը, ըստ Մկրտչյանի, ներկա են նաեւ քաղաքապետարանի այլ աշխատակիցներ:

Armtimes.com-ի ճշտող հարցին, թե  Գյումրու քաղաքապետ Սամվել Բալասանյանը ընդունե՞լ է Թուրքիայից Գյումրի ժամանած թատերախմբին, Մկրտչյանը ասաց.

«Գյումրու քաղաքապետը պարտավոր չէ ամեն խմբի դիմավորել, դրա համար կա մշակույթի բաժին»,- ասաց մշակույթի բաժնի պետը, իսկ մեր այն հարցին, եթե խումբը քաղաքապետարանից դահլիճ խնդրեր, ի՞նչ տարբերակներ կառաջարկեր քաղաքապետարանը, Արտուշ Մկրտչյանը պարզաբանեց, որ համայնքը իր ենթակայության տակ հարմար ոչինչ չունի:

Ի դեպ,  «Արագած» մշակութային կետրոնը եւս մասնավոր կառույց է:

Տպել
62763 դիտում

Որտեղ է տեղակայվելու Ղարաբաղում հրադադարի վերահսկման ռուս-թուրքական կենտրոնը. Թուրքիան կողմ է, Ռուսաստանը՝ դեմ

Սեր՝ պատերազմից հետո․ Արցախից Վանաձորում ապաստանած 55-ամյա Հայկազն ու Ռուզանը 2 օրից կամուսնանան

Հաբեթնակ Կուրղինյանը հրապարակել է ազատ ոճի ըմբշամարտի Հայաստանի հավաքականի կազմը

Քարակերտ համայնքում ասֆալտապատվել են Պարույր Սևակ, Գայ և Մովսես Խորենացի փողոցները

Գուտերեշը կոչ է արել Երեւանին ու Բաքվին վերսկսել բանակցությունները ԵԱՀԿ Մինսկի խմբի հովանու ներքո

ՀՀ թեկնածուն ընտրվել է Եվրոպայի խորհրդի՝ Մարդկանց թրաֆիքինգի դեմ պայքարի հարցերով փորձագետների խմբի անդամ

Արցախի ԱԳՆ-ն ողջունում է Ֆրանսիայի ԱԺ կողմից Արցախի ճանաչման անհրաժեշտության բանաձևի ընդունումը

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ