Ինչպես 300 հազար մարդու պանդուխտ դարձնել եւ խոսել բնակչության աճի մասին. դասեր Սարգսյանից

18/05/2017 schedule15:17

Սերժ Սարգսյանը, ում նախագահության ինը տարիների ընթացքում միշտ գրանցել է ՀՀ-ից արտագաղթի ահռելի ծավալներ, այսօր ելույթ ունենալով 6-րդ գումարման ԱԺ անդրանիկ նիստում, ի թիվս այլ խնդիրների խոսեց նաեւ արտագաղթի դադարեցման, ՀՀ-ում ժողովրդագրական իրավիճակի «էական բարելավման» եւ «արտագաղթածների վերադարձի նախապայմանների ստեղծման» մասին: Ավելին` նա նախանշեց 2040 թ.-ը, երբ ՀՀ-ում «պետք է հասնել առնվազն 4 միլիոն բնակչի»:

Սարգսյանն իր ելույթում նախ խոսեց այն մասին, որ արտագաղթը նորանկախ Հայաստանում նորություն է, եւ այն սկիզբ է առել 25 տարի առաջ: «Նախորդ 25 տարիների ժողովրդագրական իրավիճակի ընթացքը պայմանավորված էր մի շարք օբյեկտիվ եւ սուբյեկտիվ գործոններով, իսկ արդյունքները խիստ մտահոգիչ եւ անընդունելի են: Առաջիկա տասնամյակների համար մեր գերխնդիրը պետք է լինի Հայաստանի ժողովրդագրական իրավիճակի էական բարելավումը»,- ասաց նա եւ խոսեց այն մասին, թե ինչ աշխատանքներ պետք է կատարվեն:

Այս ուղղությամբ, ըստ Սարգսյանի, աշխատանքը կարելի է բաժանել երեք հարթության. 1) արտագաղթի դադարեցում, 2) ծնելիության բարձրացում եւ կյանքի տեւողության երկարացում, եւ 3) արտագաղթածների վերադարձի նախապայմանների ստեղծում:

«Անհրաժեշտ է յուրաքանչյուր նշված ուղղությամբ, իրականացված վերլուծությունների հիման վրա, այնպիսի միջոցառումների մշակում եւ իրականացում, որոնք ի տարբերություն նախորդ 25 տարիների, հաջորդ 25 տարիներին եւ հետագայում կապահովեն բնակչության թվաքանակի հնարավոր առավելագույն ավելացում: Ժողովրդագրական իրավիճակի էական եւ կտրուկ բարելավման արդյունքում 2040 թվականին պետք է հասնել առնվազն 4 միլիոն բնակչի»,- ընդգծեց նա:

Հատկանշական է, որ Սարգսյանի նախագահության ինը տարիների ընթացքում Հայաստանից արտագաղթել է ավելի քան 300 հազար մարդ: Սա առկա բնակչության 10 տոկոսից ավելի է: Ընդ որում, ամենամեծ ծավալի արտագաղթը, ըստ պաշտոնական վիճակագրության, գրանցվել է անցնող 2016 թվականին՝ 48.200 մարդ:

Հայաստանի մշտական բնակչության թվաքանակը 2017-ի տարեսկզբին 2016թ հունվարի 1-ի համեմատ նվազել է 0.4 %-ով կամ 12.1 հազ.մարդով, ինչը ձեւավորվել է 2016թ. հունվար-դեկտեմբեր ամիսների ընթացքում արձանագրված բնական հավելաճի (12.5 հազ. մարդ) եւ միգրացիայի գնահատված մնացորդի (-24.6 հազ. մարդ) ցուցանիշների տարբերության հաշվին:

Իսկ ընդհանրապես 1992թ.-ից ի վեր Հայաստանում միայն երեք տարի՝ 2004, 2005 եւ 2006 թվականին է, որ երկրից միգրացիոն հոսքերը՝ ժամանածների եւ մեկնածների միջեւ տարբերությունը՝ սալդոն, եղել է դրական: Սա Ռոբերտ Քոչարյանի նախագահության տարիներն էին, որոնք համընկան համաշխարհային տնտեսության կտրուկ թռիչքի ֆոնին, Հայաստան հոսող տրանսֆերտների ռեկորդային ծավալների հետ:

Միլիարդների հասնող տրանսֆերտները հիմնականում օգտագործվեցին շինարարության մեջ, որն այնուհետեւ Տիգրան Սարգսյանն անվանեց «փուչիկ»: Իսկ լայնածավալ շինարարության արդյունքում Երեւանի հատկապես կենտրոնում բազմաթիվ բնակարանային ու օֆիսային մետրեր մնացել են դատարկ՝ չվարձակալված ու չբնակեցված:

Ստորեւ ներկայացնում ենք Սերժ Սարգսյանի կառավարման տարիներին Հայաստանի բնակչության արտագաղթի թվերը, որը վերցված են ՀՀ Ազգային վիճակագրական ծառայության եւ ՀՀ տարածքային կառավարման նախարարությանն առընթեր Միգրացիոն պետական ծառայության հրապարակումներից:

2008                                                -23.059                               Սերժ Սարգսյան

2009                                                -24.978                               Սերժ Սարգսյան

2010                                                -46.486                               Սերժ Սարգսյան

2011                                                -43.820                               Սերժ Սարգսյան

2012                                                -42.784                               Սերժ Սարգսյան

2013                                                -41.800                               Սերժ Սարգսյան

2014                                                -41.235                               Սերժ Սարգսյան

2015                                                -43.438                               Սերժ Սարգսյան

2016                                                -48.200                               Սերժ Սարգսյան

Երբ վերոնշյալ ճչացող թվերի ֆոնին Սերժ Սարգսյանը կամ նրա թիմակիցները խոսում են արտագաղթի դադարեցման ու մի հատ էլ բնակչության ծնելիության աճի մասին, ապա մի կողմից մարդկանց հիշողության մեջ առկայծում է նույն Սարգսյանի հայտնի «Իյա՜, իրո՞ք» արտահայտությունը, իսկ մյուս կողմից հիշում ենք ամերիկյան հայտնի ասացվածքը. «Պարոնայք, ձեր գործերն այնքան բարձր են աղաղակում, որ չի լսվում ձեր ձայնը»:

Տպել
6648 դիտում

Լեւոն Երանոսյանի գործով դատարան է ներկայացել Ալեն Սիմոնյանը. հետազոտվում են գործում առկա տեսանյութերը

Ծագումով հայ ամերիկացի աթլետը ՀՀ քաղաքացիություն է ստացել. ցանկանում է մասնակցել Տոկիո 2020-ին

Հրազդանում 17-ամյա պատանիների վեճն ավարտվել է դանակահարությամբ

Կրթության տեսչական մարմինը դպրոցներում եւ մանկապարտեզներում ստուգումներ է իրականացրել

Կորոնավիրուսի տարածմամբ պայմանավորված Իրանում ՀՀ դեսպանություն է դիմել 35 ՀՀ քաղաքացի

Ադրբեջանի կողմից հայտարարված «Դիվերսիան» ուղղակի լավ հեքիաթ է եւ ապատեղեկատվություն. Ա. Հովհաննիսյան

Սպանության փորձ Երեւանում. կրակել են «Ինֆինիտի» մակնիշի մեքենայի ուղեւորի ուղղությամբ

Բացահայտվել է Էջմիածնում կատարված սպանությունը. կրակել են նաեւ կնոջ եւ երեխաների ուղղությամբ. ՔԿ

Լանջիկ-Գյումրի ճանապարհահատվածում տեղադրվել է 52 ճանապարհային նշան

Երևանի Ծարավ Աղբյուրի փողոցում Իրանի քաղաքացու պատկանող մեքենա է հրդեհվել

Մգեր Արմենիան Հանրայինին մեղադրում է անազնիվ մրցույթ անցկացնելու մեջ, իսկ հեռուստաընկերության համար դա ընդամենը կարծիք է

Կոնսերվատորիայի ռեկտորը հորդորում է վատառողջ վիճակում դասի եւ աշխատանքի չներկայանալ

Երևանի Շինարարների փողոցի բնակարաններից մեկում հայտնաբերվել է կնոջ դի

Երեւանի մանկապարտեզներ հաճախող երեխաների բացակայություններն այս շրջանում կհամարվեն հարգելի

Կենդանաբանական այգում անկել է նախկինում Մանվել Գրիգորյանին պատկանած եղնիկը

Հայաստանն Իրանի հետ դադարեցնում է ցամաքային հաղորդակցությունը, օդայինը՝ սահմանափակում. նիստն ավարտվեց

Չարաշահումներ հենաշարժողական խնդիրներ ունեցող շահառուներին աջակցող միջոցների տրամադրման գործընթացում. գործ է հարուցվել

Ադրբեջանական ԶՈՒ-երը կրակ են բացել հայկական դիրքերի ուղղությամբ. հայ զինվոր է վիրավորվել

Լավ եմ զգում, բայց կարող եմ եւ ավելի սուր գործել. Մխիթարյանը փայլուն խաղից հետո մեկնաբանություն է տվել (տեսանյութ)

Գ. Բեգլարյանի եղբայրը, հանդիսանալով ՓԲԸ-ի տնօրեն, ողջ գույքը 25 տարով վարձակալության է հանձնել իր կնոջ ՍՊԸ-ին. Բաբայան