Արմավիրի գյուղերում կարկուտը մինչեւ 70 տոկոս վնասել է ծիրանի բերքը. Լուսանկարներ

Արմավիրի մարզի մի շարք գյուղերում օրերս տեղացած առատ կարկուտի հետեւանքով վնասվել է պտղատու այգիների բերքը՝ հիմնական վնասը հասել է ծիրանի այգիներին: Armtimes.com-ի հետ զրույցում գյուղացիները տարակուսանք հայտնեցին, որ այս տարվա ապրիլ ամսին մեծ դժվարությամբ դիմակայել էին ցրտահարության վտանգին, սակայն կարկուտն էական վնաս է հասցրեց նրանց բերքին:

ՀՀ գյուղատնտեսության նախարարի տեղակալ Աշոտ Հարությունյանն armtimes.com-ի հետ զրույցում ասաց, որ ինքն անձամբ է այցելել Արգինա, Քարակերտ եւ Լեռնագոգ գյուղեր եւ տեղում ծանոթացել իրավիճակին: «Կարկտահարությունը եղել է մայիս 24-ին: Երեկ ես եղել եմ այդ երեք համայնքում: Համայնքային հանձնաժողովներն աշխատում են վնասի չափերը ճշգրտելու հետ կապված, իրենք տվյալները կներկայացնեն մարզային հանձնաժողով, որը ստուգվելուց, հաստատելուց հետո կուղարկեն հանրապետական հանձնաժողով, բայց նախնական, երեկվա իմ այցի ընթացքում Լեռնագոգ եւ Քարակերտ համայնքներում եղել է հիմնականում մինչեւ 20 տոկոս վնասվածություն»,- ասաց գյուղատնտեսության փոխնախարարը՝ նշելով, որ Արգինա համայնքում էլ որոշ հատվածներում 10-ից 20 տոկոս է եղել կարկտահարության վնասը, իսկ 30-ից 50 հեկտար այգում՝ 60-ից 70 տոկոս վնասվածություն:

Աշոտ Հարությունյանի խոսքով՝ բարեբախտաբար, կարկուտը կարճատեւ է եղել, սառցե կտորներ չեն եղել, հալված վիճակում է եղել հարվածը, որի հետեւանքը համեմատաբար քիչ վնաս է պարունակել: «Կարկուտը որպես կանոն հարվածում է երակներով: Նույնիսկ լինում են դեպքեր, որ այգու կեսը կարկտահարվում է: Քարակերտում եւ Լեռնագոգում ծառերի այն հատվածն է վնասվել, որ կողմից որ հարվածել է կարկուտը, իսկ հակառակ կողմում գրեթե վնասվածություն չկա: Տերեւների տակ պատսպարված պտուղը գրեթե չի վնասվել»,- մանրամասնեց փոխնախարարը:

Հարցին՝ գյուղացիներին կառավարությունը կօգնի ստեղծված իրավիճակից ելք գտնելու համար, Աշոտ Հարությունյանն ասաց, որ նախնական դիտարկումներից հետո կկազմվեն համապատասխան ակտեր, որոնք կներկայացվեն գյուղատնտեսության նախարարություն, որն էլ հանրապետական հանձնաժողովում կամփոփվի եւ կուղարկվի կառավարություն: «Հետագայում արդեն կապված վնասի չափից, վիճակից, կառավարությունը համապատասխան որոշում կկայացնի: Տարբեր համաjնքներում նախորդ տարիներին աջակցություն եղել է: Խոսքը ամենածանր վնաս կրած համայնքների մասին»,- նշեց մեր զրուցակիցը:

Նշենք, որ Լեռնագոգ համայնքի պտղատու այգիները քիչ են ի տարբերություն Քարակերտ եւ Արգինա համայնքների: Այս գյուղերը գտնվում են մայրաքաղաքից մոտ 70 կիլոմետր դեպի հյուսիս-արեւմուտք:

Տպել
14747 դիտում

Աշոցքում ՔՊ անդամն է հաղթել, Հառիճում՝ ինչպես միշտ, 18 տարվա համայնքապետը

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում