Ճաճոյի Էդոյի հարսի արարքը նախադեպային չի դառնա, կանայք կշարունակեն բռնության ենթարկվել

Վանաձորում հայտնի քրեական հեղինակություն Ճաճոյի Էդոյի որդու՝ Տիգրան Մարտիրոսյանի կողմից կնոջը` Լիանա Կիրակոսյանին, տարիներ շարունակ բռնության ենթարկելն ավարտվեց սպանությամբ: Armtimes.com-ն արդեն տեղեկացրել էր, որ Լոռու Մարզի Գուգարք գյուղի իրենց առանձնատանը Լիանա Կիրակոսյանը մի քանի անգամ կրակել էր ամուսնու ուղղությամբ եւ սպանել: «Կանանց ռեսուրսների կենտրոն ՀԿ-ի հոգեբան Սիրանուշ Դավթյանը Լիանա Կիրակոսյանի արարքը որակում է ինքնապաշտպանություն:

«Այս պարագայում կինը եղել է ընտանեկան բռնության զոհ, եւ ես հասկանում եմ, որ դա շարունակվել է մի քանի տարի: Կանայք հիմնականում լռում են եւ չեն բարձրաձայնում այն մասին, որ իրենք բռնության են ենթարկվում, բայց 2010 թվականից սկսած կանայք սկսել են բողոքել, քանի որ հասկացան՝ կան մարդիկ, ովքեր պատրաստ են այդ հարցում իրենց աջակցել: Մեզանից ոչ մեկը չգիտի, թե ինչ հուզական վիճակում է գտնվել կինը կամ ինչերի միջով է անցել, բայց մեկ բան հստակ է, որ նա բռնության ենթարկված անձ է»,- ասում է հոգեբանը:

Կանայք հիմնականում խուսափում են իրենց իրավունքների ոտնահարման մասին բարձրաձայնելուց:  Հասարակությունում առկա է կարծրատիպ, որ հայ կինը պետք է իր խնդիրները չդարձնի հանրային քննարկման թեմա:

«Կա մի հասկացություն, որ կինը պետք է իր ներքին խոհանոցը չտանի արտաքին խոհանոց: Հասարակությունն էլ է նպաստում, որ կինը չի խոսում իր խնդիրների մասին: Կա կարծիք, որ չի կարելի բաժանվել եւ վերադառնալ հայրական տուն: Շատ դեպքերում էլ կանայք չեն տիրապետում իրենց իրավունքներին, լռում են`  հանուն երեխաների, որ չասեն երեխաները մեծանում են անհայր»,- ասում է հոգեբան Սիրանուշ Դավթյանը:

Հոգեբանը մեզ հետ զրույցում, անդրադառնալով քրեական հեղինակություն Ճաճոյի Էդոյի որդու կնոջ արարքին, դժվարանում է պատասխանել, թե նա արդյո՞ք իր իրավունքները փորձել է պաշտպանել գիտակցված:

«Կողքից դիտարկելով՝ չենք կարող ասել, որ այդ կինը գիտակցորե՞ն է գնացել այդ քայլին, թե՞ անգիտակցորեն, բայց փաստը մնում է այն, որ նա ինքնապաշտպանվել է: Ինքնապաշտպանության ժամանակ իր հուզական վիճակի մասին ես գնահատական չեմ կարող տալ, քանի որ նրա հետ չեմ զրուցել: Եթե խոսենք աֆեկտիվ վիճակի մասին, ապա կարող ենք ասել, որ աֆեկտիվ վիճակում գտնվող մարդը երբեք չի գիտակցում, թե ինքը քանի անգամ է կրակում կամ խփում: Յուրաքանչյուր կնոջ հուզական վիճակ այդ պահին տարբեր է լինում, այդ իսկ պատճառով չենք կարող հստակ գնահատական տալ»,- նշում է նա:

Որոշ իրավապաշտպան ՀԿ-ների հրապարակումների համաձայն՝ տարեցտարի Հայաստանում աճում է կանանց բռնության ենթարկելու դեպքերը: Սրան զուգահեռ կանայք շարունակում են լռել: Հոգեբան Սիրանուշ Դավթյանը կարծում է, որ անհատական օրինակներով, մասնավորապես Ճաճոյի Էդոյի որդու եւ կնոջ դեպքը չի կարող նախադեպային փոփոխությունների առիթ դառնալ, որ կանայք սկսեն բարձրաձայնել իրենց խնդիրների մասին:

«Նախադեպի մասին չենք կարող խոսել այնքանով, քանի ոչ չգիտենք, թե այս դեպքի մասին քանի կին տեղեկացավ կամ տեղեկացողները ինչպե՞ս իմացան: Ես կարեւորում եմ կանանց իրենց սեփական իրավունքների մասին իրազեկելը»,-եզրափակում է հոգեբանը:

Տպել
20444 դիտում

Սանահին վանքի գավթում «եվրո֊բուտկա» են տեղադրում․ Յաշա Սոլոմոնյան

Սեյրան Օհանյանը Մարտի 1-ի գործով ցուցմունք չի տվել. նրա ազատ տեղաշարժը հուլիսից սահմանափակվել է. պաշտպան

Նախագահ Արմեն Սարգսյանը շնորհավորական ուղերձ է հղել Մոլդովայի նախագահ Իգոր Դոդոնին

Լավ կլինի՝ պարոն Մարուքյանը մտածի՝ ինքը ինչպիսին պետք է լինի, ոչ թե Նիկոլ Փաշինյանը․ Լենա Նազարյան

Պետբյուջե մուտքերի ծրագրային ցուցանիշը 2018-ին գերազանցվել է 57.7 մլրդ դրամով․ ՊԵԿ-ը հերքում է կեղծիքները

«Միկան» կարող են տալ ՀՖՖ-ին. բասկետբոլի ֆեդերացիայում մտահոգ են

Պարզվեց հասարակության մեջ կա ատելության հսկայական ու բազմաշերտ պոտենցիալ․ Սերգեյ Սարգսյան

Ընդդիմությունը դեմ քվեարկեց կառավարության ծրագրին ոչ թե, որ այն վատն էր, այլ որ առաջին անգամ կարողացավ գործել ազատորեն

Նոր շունչ ծննդօգնության ծառայություններին․ նախարարը խոսել է իրականացվող ռեֆորմների մասին (տեսանյութ)

Պետության կառավարման մոդելի փոփոխության վերաբերյալ քննարկումներ դեռ չենք ունեցել․ Լենա Նազարյանը՝ ՀԱԿ-ի առաջարկի մասին

Դատախազությունը հրապարակեց Հարություն Մաշադյանի զինգրքույկն ու զինծառայության ընթացքում արված լուսանկարները

Ինձ համար միևնույն է, ես հավատում եմ Պուտինին․ Թրամփ

Քննչական կոմիտեում ՏԻՄ ընտրությունների ընթացքում առերևույթ ընտրախախտում պարունակող նյութեր չեն ստացվել

«Նուբարաշեն» ՔԿՀ-ում ցմահ դատապարտյալները ջրադուլ և հացադուլ են հայտարարել․ ՄԻՊ-ը չհայտարարված այց է կատարել

Առանց մեծածավալ ներդումների Հայաստանում չի կարող տնտեսական հեղափոխություն լինել․ Միքայել Մելքումյան

«Փյունիկի» պատանի սաները ներկա գտնվեցին «Ռեալ Մադրիդ» - «Ժիրոնա» խաղին (տեսանյութ)

Եգիպտոսի նախագահը Մյունխենում խոսել է Հայոց ցեղասպանության մասին

ՀՀ վարչապետ Նիկոլ Փաշինյանն ընտանիքի հետ գնումներ է կատարում սուպերմարկետից (լուսանկար)

Հայաստանը կարող է զենքի գնման համար նոր վարկ ստանալ Ռուսաստանից

Ավետիք Էլոյանը նշանակվել է ՀՀ փոխվարչապետ Տիգրան Ավինյանի խորհրդական