Ինչու է հորդառատ անձրեւների ժամանակ Երեւանը ջրահեղձ լինում. մասնագետը թվարկում է 4 պատճառ

13/06/2017 schedule19:30

Երեկ` հունիսի 12-ին, տեղացած հորդառատ անձրեւից մայրաքաղաք Երեւանը սկսել էր ջրահեղձ լինել: Հեղեղումներ էին քաղաքի տարբեր հատվածներում: Ճանապարհային հանգույցներում մեքենաներ էին  ջրասույզ լինում ու արգելափակվում, մարդիկ քայլում էին կուտակված ջրերի միջով: Իսկ այդ իրավիճակը կրկնվում է ամեն անգամ, երբ տեղումների քանակը սովորականից ավելի է լինում: Ուստի հարց է առաջանում, որն է դրա պատճառը:

Մեր զրույցում խնդրի վերաբերյալ մասնագիտական կարծիք հայտնեց Ճարտարապետության եւ շինարարության Հայաստանի ազգային համալսարանի տեխնիկական գիտություների դոկտոր, պրոֆեսորը Արեստակ Սարուխանյանը: Նա, ի դեպ, նշեց ոչ թե մեկ, այլ չորս պատճառ: Իսկ դրանց մեջ չէին մտնում նորմայից շատ տեղումները, ինչը հաճախ վկայակոչում են ոլորտի պատասխանատուները` արդարացնելու ջրատար համակարգերի վատ աշխատանքը:

Երեւանում հեղեղումների պատճառներն, ըստ պրոֆեսորի, հետեւյալն են.

Պատճառ 1-ին. Յուրաքանչյուր համակարգ ունի իր շահագործման կանոնները: Առավելապես ջրահեռացման համակարգերը պահանջում են պարբերաբար մաքրում, տեխնիկական վիճակի ստուգումներ: Իհարկե, դրանք մաքրվում են, բայց պատշաճ մակարդակով չի իրականացվում: Վատ են սպասարկվում, ժամանակին չեն բերվում աշխատանքային վիճակի, խցանված են լինում, եւ հենց որ հեղեղներ են գալիս, դրանց տարողունակությունը խիստ սահմանափակված է լինում, այդքան ելքեր չեն կարողանում բաց թողնել:

Պատճառ 2-րդ. Անհեռատես կառուցապատման հետեւանքով քաղաքում ստեղծվում է շատ ծանր վիճակ, որովհետեւ կամայականությունները շատ-շատ են: Բազմաթիվ մարդիկ իրենց կառուցապատված տարածքներում անտեսում են կամ կտրում են, կամ խցափակում են խողովակաշարերը` դրանք լինեն ջրատարներ, հեղեղատարներ, թե այլ կառուցվածքներ:

Դրա վառ օրինակներց մեկն էլ Լենինգրադյան փողոցն է, որտեղ գտնվող հանգստյան տները, ռեստորանային համալիրները կառուցվել են անմիջապես հեղեղատարների վրա եւ դրանք պարզապես խցանվեցին կամ շարքից հանվեցին: Ժամանակ կար, որ Լենինգրադյան փողոցով անցնելը նույնիսկ ամենափոքր հեղեղի ժամանակ ընդհանրապես հնարավոր չէր: Հիմա վիճակը մի քիչ բարելավվել է: Երեւի շրջանցող գծեր են կառուցել: Լենինգրադյան փողոցի նման օրինակներ, եթե քաղաքում ման գաք, շատ կհանդիպեք:

Պատճառ 3-րդ. Երեւան քաղաքում մեր հիմնական հեղեղատարը Գետառն է: Այդ գետը ծածկելն, իհարկե, ուներ իր օբյեկտիվ պատճառները: Ես մի ժամանակ իմ կարծիքն եմ ասել, որ դա ճիշտ որոշում էր, որովհետեւ, ճիշտ է, Գետառը էկոլոգիական առումով դրական ազդեցություն էր ունենում քաղաքի վրա, սակայն քաղաքը գոյատեւել չէր կարող. ճանապարհի ենթակառուցվածքներ պետք է լինեն: Այդ առումով Գետառը ծածկելը դրական ու ճիշտ որոշում էր, սակայն Գետառի շահագործումը պատշաճ մակարդակի վրա չէ: Թե ինչ է կատարվում այդ ծածկված հատվածներում, ոչ ոքի հայտնի չէ: Դա կարող է վաղը-մյուս օրը բերել խոշոր էկոլոգիական աղետների: Սպասարկումը պատշաճ չի իրականացվում: Ժամանակ առ ժամանակ պետք է այնտեղ հնարավորություն լինի մաքրելու կամ եթե այդ հնարավորությունը չկա, ինչ-որ անցումներ պատրաստեն, որ Գետառը նման վիճակում չլինի: Մեր ժողովուրդն ամենաաղտոտող ժողովուրդներից մեկն է դարձել, կարծում է, թե որ Գետառը գցեց, ինքն ազատվեց այդ աղբից: Ինքն ազատվում է, բայց մեր քաղաքն ընկնում է ծանր կացության մեջ:

Պատճառ 4-րդ. Քաղաքը խիստ արագ տեմպերով ընդլայնվում է, առանձնապես` կենտրոնական հատվածները: Քաղաքաշինության հարցերի մեջ չեմ ուզում մտնել, բայց դրանց համապատասխան ինժեներական կառուցվածքների կառուցմանը, վերակառուցմանը, արդիականացմանը ոչ ոք ուշադրություն չի դարձնում: Վերերկրյա շինությունները իրենց բիզնես է ապահովում, իսկ ստորգետնյա շինությունները` գլխացավանք, այդ իսկ պատճառով գլխացավանք ոչ մեկը չի ուզում, նրանց միայն հետաքրքրում է իրենց բիզնեսը:

Այդ ամենի պատճառով մենք հայտնվում ենք այն վիճակի մեջ, որում այսօր գտնվում ենք: Եթե երեկ այսպիսի աղետալի իրավիճակ ստեղծվեց, ապա դա մեր կյանքի արտապատկերն է, որը ստանում ենք մեր պահվածքի պատճառով:

Օդերեւութաբանները, սակայն, նշել են, որ հունիսի 12-ին տեղացած անձրեւների քանակը կազմել է Երեւանում տվյալ ամսվա տեղումների բազմամյա միջին ամսական քանակի շուրջ 50 տոկոսը: Այսինքն` մեկ օրվա կամ նույնիսկ մեկ ժամվա ընթացքում թափվել է կես ամսվա տեղումների չափ անձրեւ: Հետեւաբար հնարավո՞ր է, որ եթե չլինեին վերոնշյալ չորս պատճառները, նորից հեղեղատարները չհասցնեին անցկացնել այդ անձրեւաջրերը: Մեր զրուցակիցը պարզաբանեց, որ դրանք ճիշտ աշխատելու դեպքում պետք է ի զորու լինեին հաղթահարել նույնիսկ մեկ ամսվա տեղումների քանակը:  

«Ցանկացած ինժեներական կառույց հաշվարկվում է որոշակի ապահովության պայմաններում եւ ձեր բերած թիվը ամբողջությամբ տեղավորվում է այն նորմատիվային պահանջների մեջ: Այսինքն` նույնիսկ մեկամսյա տեղումների դեպքում դրանք պետք է կարողանան իրենց ֆունկցիան կատարել: Այս իրավիճակի միակ պատճառն այն է, որ մենք մոռացել ենք մեր պարտավորությունների մասին: Ուրիշ ոչ մի բան»,- եզրափակեց պրոֆեսոր Սարուխանյանը:

Տպել
3817 դիտում

Կալանավորվել են «Պատիվ ունեմ» դաշինքի անդամ Ռուբեն Խլղաթյանն ու Ջանֆիդայի բնակիչը

Ստեփանծմինդա-Լարս ավտոճանապարհը բաց է

Հրդեհ է բռնկվել Մրգավան գյուղի տներից մեկում

Վրաստանում ՀՀ դեսպանությունը շնորհակալություն է հայտնում Վրաստանին

Կոտայքում վստահաբար ապագա կա՛. Ռոմանոս Պետրոսյանը լուսանկարներ է հրապարակել

Ամեն հնարավորը անելու ենք, որպեսզի հայ ժողովրդի համար խաղաղ զարգացման դարաշրջան բացենք. Նիկոլ Փաշինյանն՝ Աբովյանում

Վրաերթի հետևանքով «Սուրբ Աստվածամայր» ԲԿ տեղափոխված 6-ամյա տղան մահացել է

ՄԻՊ ներկայացուցիչներն առանձնազրույցներ են ունեցել գերությունից վերադարձած 15 անձանց հետ

Մենք պողպատյա մանդատով յուրաքանչյուրին ցույց ենք տալու իր արժանի տեղը. Նիկոլ Փաշինյանը՝ Նոր Հաճնում

Թուրքիայի Սահմանադրական դատարանն ուսումնասիրում է քրդամետ կուսակցության փակման պահանջը

Նուբարաշենի աղբավայրում շարունակվում են հրդեհաշիջման աշխատանքները (տեսանյութ)

Եթե ժողովուրդը որոշի, որ մենք հեռանանք՝ կհեռանանք. եթե որոշի, որ պետք է մնանք՝ կմնանք. Նիկոլ Փաշինյանը՝ Նոր Գեղիում

Վրաստանը 15 հայ ռազմագերիների վերադարձի համար բոլոր կողմերի հետ աշխատել է 3 ամիս. Զալկալիանի

Արցախում հաստատվել է կորոնավիրուսային հիվանդության 4 նոր դեպք

ԵԱՀԿ նախագահը ողջունել է 15 հայ ռազմագերիների վերադարձը հայրենիք

Ոչ միայն 15 գերիներ են վերադարձել, այլև վերադարձի գործընթացը վերակենդանացել է. Փաշինյանը՝ քարտեզների փոխանցման մասին

Արագածոտնի մարզպետը հերքում է Թալինում ծեծի ենթարկվելու և միջադեպի մասին լուրերը

Բերդաշենում շչակ է գործարկվելու

Հաստատվել է կորոնավիրուսային հիվանդության 39 նոր դեպք. գրանցվել է 2 մահ

Մխչյան համայնքում ամբողջությամբ հրդեհվել է վագոն-տնակ

«Քաղաքացիական պայմանագիր» կուսակցության՝ հունիսի 18-ին նախատեսված հանրահավաքը չի չեղարկվել. լուրերը կեղծ են

15 ռազմագերիների վերադարձի գործընթացը տեղի է ունեցել ԱՄՆ-ի եւ Վրաստանի իշխանությունների միջնորդությամբ. Մ. Գևորգյան

Տեղ գյուղի 2 բնակիչ տրակտորներով հայտնվել են ադրբեջանական տարածքում. բանակցելուց հետո վերադարձվել են. ՊՆ

Միացյալ Նահանգները Հայաստանի և Ադրբեջանի քայլերը ողջունում է․ կրկին կոչ է անում վերադարձնել բոլոր գերեվարվածներին

Վարչապետը հրապարակել է գերությունից վերադարձած զինծառայողների անունները

Ադրբեջանում գտնվող գերիներից 15-ը վերադարձան Հայաստան

Ոմանք կերազեին, որպեսզի մեր գերեվարված եղբայրներից և ոչ մեկը մինչև ընտրություններ չվերադառնար հայրենիք. Տարոն Չախոյան

Առաջին ալիքի նկատմամբ քաղաքական ճնշումների փորձեր են արվում. Հանրայինը դիմում է ԿԸՀ, ՀՌՀ, ՄԻՊ՝ հրատապ արձագանքի համար

15 գերի է վերադառնում, նրանք ճանապարհին են. Փաշինյանը հայտարարել է Կարմիր գյուղում և լուսանկար է հրապարակել (տեսանյութ)

Եթե Լևոն Տեր-Պետրոսյանը լինի երկրի ղեկավար, մեկ շաբաթում կլուծվի գերիների հարցը. ՀԱԿ-ը Գյումրիում քարոզարշավ անցկացրեց

Հադրութի շրջանում այսօր ևս 8 աճյուն է հայտնաբերվել

Զանգեզուրի պղնձամոլիբդենային կոմբինատը փորձում է ազդեցություն ունենալ քաղաքական գործընթացների վրա. Իոաննիսյան

Հրդեհ Զովունիում. այրվել է խոտածածկույթ

Ինչ ունեցվածք ունի «Հայաստան» դաշինքի ցուցակի 18-րդ համար «Անռիվա» ընկերությունների հիմնադիր Հռիփսիմե Ստամբուլյանը

Ավտովթարի հետևանքով մահացել է գեներալ Սեյրան Սարոյանի զարմիկը. shamshyan.com

Սև լճի շրջանում «թուրքական բանակային ստորաբաժանման տեղակայման» մասին խոսք չի գնում. ՊՆ

ԲՀԿ պատգամավորի թեկնածուն կալանավորվեց. դատարանը բավարարեց միջնորդությունը

Վարդենիսով Հայաստանը ոչ թե ավարտվում, այլ՝ Վարդենիսով սկսվում է Հայաստանը. Նիկոլ Փաշինյան

Ադրբեջանական ուժերը պետք է դուրս գան ՀՀ տարածքից, խնդիրը լուծվելու է խաղաղ ճանապարհով. Նիկոլ Փաշինյանը Վարդենիսում է

ՀՀ պետական սահմանի արևելյան հատվածում կահավորման և ինժեներական ինտենսիվ աշխատանքներ են ընթանում