Կառավարությունը սուբսիդավորում է իրեն մոտ կանգնած բիզնեսը. Լենա Նազարյան

«Ելք» խմբակցության պատգամավոր Լենա Նազարյանը Ազգային Ժողովի հերթական նիստում, որտեղ ներկայացվում է կառավարության գործունեության 5-ամյա ծրագիրը, ելույթ ունեցավ՝ անդրադառնալով նախորդ շաբաթ հանրապետության մի շարք բնակավայրերում տեղացած առատ կարկուտի հետեւանքներին:

Պատգամավորի խոսքով՝ ինքը եղել է Արմավիրի մարզի գյուղերում եւ արձանագրել է, որ բանջարեղենի ամբողջ բերքը վնասվել է, իսկ մրգի եւ ցորենի՝ 60 տոկոսը: «Միայն Արմավիրի մարզում կարկուտի հասցրած վնասը նախորդ տարի եղել է 10 միլիարդ դրամ, 2013 թվականին՝ 25 միլիարդ դրամ: Ակնհայտ է, որ եղած հակակարկտային կայանները չեն պաշտպանում բերքը կարկուտից: Նույնիսկ ԱԻՆ-ն այս կայանների արդյունավետությունը գնահատել է ընդամենը 10 տոկոս»,- հայտարարեց պատգամավորը:

Անդրադառնալով վարչապետ Կարեն Կարապետյանի այն հայտարարությանը, որ 12 միլիոն դոլարի ներդրում է լինելու հակակարկտային կայանները վերազինելու համար, Լենա Նազարյանն ասաց. «Ես կարծում եմ, որ դա օգուտ չի տա, որովհետեւ բերքը փչանում է ոչ միայն կարկուտից, այլ նաեւ ցրտից»: Պատգամավորի խոսքով՝ վնասից հետո էլ կառավարությունը փոխանակ օր առաջ օգնի գյուղացուն, ներդնի գյուղատնտեսության ապահովագրության համակարգ, որոշում է սուբսիդավորի պարարտանյութի եւ դիզվառելիքի գնման գործընթացը:

«Իմանում ենք, որ կա «Մասիսի բերրիություն» ընկերություն, որն ըստ լուրերի, կապված է նախկին վարչապետ Հովիկ Աբրահամյանի հետ, եւ որը 4 տարի շարունակ առանց մրցույթի գյուղատնտեսության նախարարության կողմից ստացել է պարարտանյութ ներկրելու պատվեր: Ի դեպ, պետությունը 1.5 միլիարդ դրամ կխնայեր, եթե մրցույթ հայտարարեր: Սա էլ ՏՄՊՊՀ-ի եզրակացությունն է»,- նկատեց Լենա Նազարյանը եւ անդրադարձավ դիզելի մատակարարման խնդրին, որտեղ էլ գյուղացիներին դիզվառելիք է վաճառում ՀՀԿ-ական նախկին պատգամավորի եղբոր ընկերության՝ «Մաքս հուր»-ի միջոցով:

Լենա Նազարյանն առաջարկում է օր առաջ ներդնել գյուղատնտեսության ապահովագրման համակարգ, սուբսիդիային գումարները ներդնել այդ ֆոնդում եւ ապահովագրել բերքի գոնե 50 տոկոսը: Նրա խոսքով՝ կառավարության այսօրվա ծրագրում տեսնում է, որ գրված է ապահովագրման փորձնական համակարգ, որը կներդրվի տարիներ հետո: «Կառավարությունը դեմ չի սուբսիդավորել իրեն մոտ կանգնած բիզնեսը»,- ընդգծեց Լենա Նազարյանը:

Տպել
3387 դիտում

ՀՀ տարածքում կան դժվարանցանելի ավտոճանապարհներ․ Վարդենյաց լեռնանցքում մառախուղ է

ՀՀ ՊՆ Դավիթ Տոնոյանն աշխատանքային այցով ժամանել է Արաբական Միացյալ Էմիրություններ

Յուրացման խոշոր դեպք է բացահայտվել Գեղարքունիքի Ջիլ համայնքում (տեսանյութ)

Խորհրդակցություն ԱԻՆ-ում. Շիրակի մարզում կկառուցվեն նոր հրշեջ-փրկարարական ջոկատներ

Արմեն Սարգսյանը հանդիպել է Ալբանիայի նախագահի հետ

«Հումորի լիգայի» լավագույն թիմերը հանդես կգան ներկայացմամբ

Դիմակները պատռելու ժամանակը. խմբագրական

Մանվել Գրիգորյանի պաշտպանը դադարեցնում է պաշտպանությունը զինվորի հացը յուրացնելու մասով

«Բոհեմ» թատրոնը նորամուծություն ունի, որով, ըստ Դուրյանի, առաջինն է ՀՀ-ում

Հրշեջները մարել են Երևանի Սեբաստիայի փողոցում բռնկված հրդեհը

Ավետիք Իսահակյանի անվան գրադարանը կընդլայնվի. ամեն օր մինչեւ 1500 այցելու է ունենում

Ռուսաստանաբնակ բժիշկ Գեւորգ Ստեփանյանի խափանման միջոցը փոխվել է

Ստաս Միխայլովը երեւանյան համերգի ընթացքում խոստանում է անակնկալներ

Պատիվ է, այն էլ՝ շատ մեծ, շատ ազդեցիկ ու զիլ թիմի մեջ լինելը. Ստյոպա Սաֆարյանը նոր աշխատանքի կանցնի

Զոհրաբ Մնացականյանը հանդիպել է սենատոր Մենենդեսի հետ

«Սիմենս» ընկերության տնօրենների խորհրդի անդամ Ռոլանդ Բուշն Ա. Սարգսյանի հրավերով կայցելի ՀՀ

Օդի ջերմաստիճակը կնվազի 4-5 աստիճանով

Քննությունները մոտենում են. տագնապած են ուսուցիչներն ու աշակերտները. 1 տեքստ, 36 առաջադրանք

ՀՀ-ում տեղի կունենա բասկետբոլի ԵԱՏՄ երկրների գավաթի խաղարկություն

Ստավրոպոլի ձյուդոյի դպրոցի սան Արամ Գրիգորյանը հանդիպել է Վլադիմիր Պուտինի հետ