Հայաստանում տարվա լավագույն մարզիկների ընտրությանը կմասնակցեն նաեւ մարզասերները

27/06/2017 schedule15:44

Հայաստանում տարվա լավագույն մարզիկների ընտրության կանոնակարգում լուրջ փոփոխություններ են սպասվում: Այսօր՝ հունիսի 27-ին, ՀՀ Սպորտի եւ երիտասարդության հարցերի նախարարությունում տեղի ունեցավ դրա հետ կապված հերթական քննարկումը մարզական լրագրողների մասնակցությամբ: Նախարարությունը նոր կանոնակարգ է մշակել, որի վերաբերյալ լսում է մարզական ֆեդերացիաների եւ մարզական լրագրողների կարծիքներն ու առաջարկները:

Նախարարի տեղակալ Արսեն Քարամյանի ղեկավարությամբ ընթացած քննարկման ընթացքում այսօր հայտնի դարձավ, որ տարվա կտրվածքով՝ լավագույն մարզիկների տասնյակը, ամենայն հավանականությամբ, կորոշվի 2 բաղադրիչով. այն կլինի մարզական լրագրողների եւ մարզասեր հասարակության կարծիքների համադրությունը: Նախ, նախարարությունը կկազմի տարվա լավագույն մարզական ցուցանիշները գրանցած մարզիկների ցանկը, որը կազմված կլինի 20 հոգուց: Այնուհետեւ բոլոր մարզական ֆեդերացիաները նախարարություն կներկայացնեն իրենց 3 թեկնածուներին: Կկազմվի վերջնական ցանկը, որից հետո մարզասերները sms քվեարկությամբ կորոշեն իրենց տասնյակը: Առանձին քվեարկությամբ իրենց տասնյակը կկազմեն նաեւ մարզական լրագրողները: 2 քվեարկությունների արդյունքում կորոշվի տարվա լավագույն մարզիկների տասնյակը: Լրագրողների առաջարկով՝ իրենց քվեարկության արդյունքները կլինեն բաց, եւ մարդիկ կիմանան, թե ով ինչպես է քվեարկել:

Պատկերավոր ասված, Հայաստանում լավագույն մարզիկների ընտրությունը կորոշվի մոտավորապես այնպես, ինչպես որոշվում է «Եվրատեսիլ» երգի միջազգային մրցույթի հաղթողը, որտեղ պրոֆեսիոնալ ժյուրիի գնահատականները գումարվում են հեռուստադիտողների sms քվեարկությունների արդյունքներին:

Նախորդ տարիներին լավագույն մարզիկների մրցույթն անցկացնում էր «Հայաստանի մարզական լրագրողների ֆեդերացիան»: Այդ մրցույթը հաճախ էր քննադատության արժանանում: Լրագրողների մի մասն ինչ-ինչ պատճառներով քվեարկելու հնարավորություն չէր ստանում: Մյուսներն էլ ստանում էին, բայց միշտ չէ, որ կարողանում էին քվեարկել իրենց ցանկացած մարզիկի օգտին: Օրինակ, «Հայաստանի մարզական լրագրողների ֆեդերացիայի» կանոնակարգի համաձայն՝ ՀՀ ֆուտբոլի ազգային հավաքականի եւ «Մանչեստեր Յունայթեդի» կիսապաշտպան Հենրիխ Մխիթարյանին գործնականում հնարավոր չէ ընդգրկել տասնյակում, բարդ է ընդգրկել նաեւ հայկական շախմատի առաջատար Լեւոն Արոնյանին:

Նախարարության ներկայացրած նոր կանոնակարգը դեռ նախնական վիճակում է: Այն վերջնական տեսքի կբերվի առաջիկա քննարկումների, մասնագետների կողմից ստացված առաջարկներն ի մի բերելու արդյունքում: Բաց է մնում հարցը, թե ինչ պետք է անել հայազգի, սակայն այլ երկրների դրոշների ներքո հանդես եկող մարզիկների հարցը. արդյոք նրանք պետք է լինեն լավագույնների թեկնածուների ցանկում, թե՝ ոչ: Եթե այո, ապա պետք է լինեն տասնյակում, թե՞ նրանց համար պետք է առանձին խրախուսական մրցանակ սահմանել:

Ամեն դեպքում, նախարարությունը նպատակ ունի տարվա լավագույններին որոշելու այնպիսի կանոններ մշակել, որոնց դեպքում դժգոհություններ չեն լինի ոչ մարզասերների, ոչ էլ մարզական լրագրողների կողմից: Բացի այդ՝ նախարարությունը հույս ունի, որ այս փոփոխություններից հետո լավագույն մարզիկների ընտրությունը մարզասերների համար տարվա ամենասպասված իրադարձություններից մեկը կլինի:

Տպել
1522 դիտում

Ապրիլյան պատերազմի քննիչ հանձնաժողովում լսել են Լելե Թեփեի հատվածում մարտական գործողությունների մասնակցած ավագ սերժանտի

Ծանրամարտիկ Հակոբ Մկրտչյանին շնորհվել է սպորտի վաստակավոր վարպետի կոչում

2 տղամարդիկ մտել են բջջային օպերատորներից մեկի սպասարկման սրահ ու բռնվել (տեսանյութ)

Տնտեսական հեղափոխությունը ոչ թե մի քանի ամսվա, այլ մի քանի տարվա գործ է. տնտեսագետ

Երեւանի բազմաբնակարան բնակելի 90 շենքի տանիքնի կտեղադրվի արևային ֆոտովոլտային համակարգ

ՊՆ 5-րդ զորամիավորման ստորաբաժանումներն անցկացրել են կրակային պատրաստության պարապմունքներ

Գորիս-Կապան հատվածի 8-14-րդ կմ-երը բեռնատարների համար դեռ փակ են լինելու

Անասնաշուկայում ուսումնասիրություններ են կատարվել, բրուցելոզ չի հայտնաբերվել

Փրկարարները լողավազանից դուրս են բերել շներին

Հայկական ավանդական ընտանիքի իմ պատկերացումը սա է, երբ ամուսինները թեւ ու թիկունք են իրար. Աննա Հակոբյան

Նախարար Սուրեն Պապիկյանն այցելել է «Հարավկովկասյան երկաթուղի» ՓԲԸ Երևանի մասնաճյուղ

Ձերբակալվածի անձնական խուզարկությամբ թմրամիջոց է հայտնաբերվել եւ դանակ (տեսանյութ)

Պաշտոնեական կեղծիք կատարելու կասկածանքով ձերբակալվել է ՀՀ ԱԺ աշխատակազմի ղեկավարի նախկին տեղակալը. ՀՔԾ

Շավարշ Գրիգորյանը նշանակվել է «Առողջապահական ծրագրերի իրականացման գրասենյակ»-ի տնօրենի պաշտոնակատար

ԱՄԷ արհեստական բանականության նախարարն ընդունել է Հայաստան այցելելու՝ Հակոբ Արշակյանի հրավերը

Վարչապետ Նիկոլ Փաշինյանը ցավակցական հեռագիր է հղել Հենրի Էլիբեկյանի մահվան կապակցությամբ

Գյումրիում ծեծի են ենթարկել թոշակառու կնոջն ու բնակարանից հափշտակել ոսկյա մատանիներ և գումար

2019-ի 9 ամիսների ընթացքում գրանցված հանցագործությունների ընդհանուր թվաքանակն աճել է 6,7%-ով

Վերջին սրացումները նաեւ երկկողմանի իրականացվող ինժեներական աշխատանքների հետ են կապված. Բալայան

Կարճաժամկետ շահն ու խնդիրների այսօրեական լուծումները մեզ՝ որպես հասարակություն, զարգացման չեն տանելու. Ղուլյան