Ինքնասպանության փորձդ կանխեցինք, ցտեսությո՛ւն. ոստիկանությունը այլ անելիք չունի՞

Վերջերս բավական հաճախակի պարբերականությամբ տեղեկություններ էին հրապարակվում այս կամ այն ինքնասպանության դեպքերը կանխելու մասին:

Ամենավերջին ու ամենամտահոգիչ այդպիսի տեղեկությունները մեկ տարեկան երեխայի հետ կամրջից նետվել փորձած կնոջ, իսկ ավելի ուշ` նաեւ տասնամյա մի տղայի ինքնասպանության փորձի մասին էր:

Հիշեցնենք, մայիսի վերջին լրատվամիջոցները գրեցին.

«Ոստիկանության լրատվական ծառայությունից տեղեկանում ենք, որ մայիսի 30-ին Երեւանի Դավիթաշենի կամրջից կինը փորձել է իր մեկամյա երեխայի հետ ինքնասպան լինել: Ժամը 15:50-ին ոստիկանության ՊՊԾ գնդի ծառայողները զեկուցել են, որ Դավիթաշենի կամրջից բաժին են բերել մի կնոջ, ով ինքնասպանություն գործելու նպատակով որդու հետ փորձել է ցած նետվել: Տեղում ծառայություն իրականացնող ոստիկանները կանխել են ինքնասպանության փորձը»:

Հետո` արդեն հունիսին, լուր հրապարակվեց երեխայի ինքնասպանության փորձի մասին: Նա նույնպես, ըստ այդ տեղեկատվության, ցանկացել էր նետվել կամրջից:

«Հունիսի 18-ին` ժամը 00:31-ին արտակարգ իրավիճակների նախարարությունն ահազանգ է ստացել, որ Երեւան քաղաքի Կիեւյան կամրջի վրա մոտ 10 տարեկան երեխան տարօրինակ վարք է ցուցաբերում (պարբերաբար մոտենում է ճաղավանդակներին եւ հեռանում). անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Պարզվել է, որ Գ. Ա.-ն փորձել է ինքնասպանություն գործել՝ ցած նետվելով կամրջից: Փրկարարները կանխել են ինքնասպանության փորձը: Գ. Ա.-ն տեղափոխվել է ոստիկանության Մաշտոցի բաժին»,- մամուլում գրվել էր այն ժամանակ:

Վերոնշյալ դեպքերում, բարեբախտաբար, հաջողվել է մարդկանց ետ պահել ծայրահեղ քայլից, բայց հարց է առաջանում` ի՞նչ եղավ նրանց հետ հետո: Արդյոք ոստիկանությունը համագործակցո՞ւմ է պետական այլ մարմինների, հոգեբանների հետ, որպեսզի նման իրավիճակում հայտնված մարդկանց հետ տարվեն անհրաժեշտ աշխատանքներ եւ նրանք հաղթահարեն անկումային տրամադրությունները:

Այս հարցերի պատասխանները փորձեցինք ստանալ ՀՀ ոստիկանությունից:

Ուշագրավ է, որ լրատվական ծառայության աշխատակից Զարզանդ Գաբրիելյանը նախ ասաց, թե 10-ամյա երեխայի ինքնասպանության փորձի մասին տեղեկատվություն իրենց ամփոփագրում տեղ չի գտել եւ ոստիկանության աշխատակիցները նույնպես չեն հիշում նման դեպքի մասին:

Ինչ վերաբերում է մեկ տարեկան երեխայի հետ կամրջից նետվել փորձած կնոջը, ոստիկանությունը նրանց հետագա ճակատագրի մասին տեղեկություն չունի:

Զարզանդ Գաբրիելյանի հետ մեր կարճ զրույցը հետեւյալ բովանդակությունն ունեցավ.

- Քրեական դատավարության օրենսգրքի 35-րդ հոդվածի 1-ին մասի 1-ին կետի հիմքով քրեական գործի հարուցումը մերժվել է հետաքննության նյութերով:

Դա նշանակում է` մարդը գնացել է ու տուն ու վե՞րջ:

- Մենք խոսում ենք հանցագործության դեպքի մասին: Եթե չկա հանցագործությունը, ստեղծված նյութերով քրեական գործի հարուցումը մերժվել է ու վերջ:

- Պարոն Գաբրիելյան, ոստիկանությունը չունի՞ այնպիսի գործառույթ, որ եթե անգամ հանցագործություն չի եղել, բայց ճակատագրի հարց է. մարդը փորձել է ինքնասպանություն գործել, նրան ուշադրության կենտրոնում պահի, մասնագետների հետ համագործակցություն լինի, որպեսզի հոգեբաններն աշխատեն այդ անձի հետ եւ այլն:

-Ես արդեն պատասխանեցի կոնկրետ դեպքի վերաբերյալ ձեր հարցին:

Քրեական դատավարության օրենսգրքի մեջբերված հոդվածը վերաբերում է քրեական գործի վարույթը կամ քրեական հետապնդումը բացառող հանգամանքներին, որի 1-ին կետի 1-ին մասում ասվում է. «Քրեական գործ չի կարող հարուցվել եւ քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե բացակայում է հանցագործության դեպքը»:

Տպել
2273 դիտում

Սլավա Հայրապետյանը նույնպես դուրս մնաց գեղասահքի աշխարհի առաջնությունից

Հայաստանի ազգային հավաքականն արդեն Սարաևոյում է

Էկրաններին է աստղային դերասանական կազմով «Ա.Կ.Ա.» դրաման

Քաղաքապետարանը սկսում է կանաչապատել Սարալանջի համայնքապատկան հողերը՝ Մոնումենտից մինչև Մյասնիկյան

Ադրբեջանը սպառնալիքներ է ստեղծում Արցախի բնակչության գոյատևման համար. ԱԳ փոխնախարարը՝ Ադրբեջանի ԱԳ նախարարին

ԱՄՆ պետքարտուղարն այցելել է Երուսաղեմի Սուրբ Հարության տաճարի հայկական բաժին

Զինված ու դիմակավորված ավազակային հարձակում Արմավիրում․ հնչել են կրակոցներ

«Միսս Մոսկվա» մրցույթի հաղթողը պայմանագրի պահանջները չկատարելու պատճառով զրկվում է թագից եւ գլխավոր տիտղոսից

ԱԳ նախարարը հանդիպել է Շվեդիայի միջազգային զարգացման համագործակցության նախարարի հետ

Երբ մարդուն վտանգ ա սպառնում, ես կանխում եմ, ոչ թե ջարդում, քցում գետնին, մի քանի անգամ քացով տալիս. ԱԺ պատգամավոր

Չինաստանի գործարաններից մեկում պայթյունի հետեւանքով առաջացած հրդեհի մարմանը կցվել է 930 հրշեջ

Դպրոցի տարածքում վիճաբանությունն ավարտվել է դանակահարությամբ. Երիտասարդներից մեկը վնասվածք է ստացել սրտի շրջանում

«Վանաձոր» ՔԿՀ-ում տեսակցության եկածի մոտից գտել են 5.2 գր քաշով, դեղնականաչավուն զանգված

Մեծ Բրիտանիան ԵՄ-ից պետք է դուրս գա առավելագույնը մինչեւ ապրիլի 18-ը. ԵԽ նախագահ

«Օրենքով գող» Աստրախանցի Հայկոն ազատ է արձակվել, կալանքի հիմքեր չեն եղել

Երեւանի դատախազը Մարությանից պահանջել է գետնանցումներում եւ զբոսայգիներում տարածքներ զբաղեցնողների տվյալները

Էրդողանի ռեժիմի միջամտությունն այլեւս անընդունելի է Պոլսո Հայոց պատրիարքի ընտրության գործընթացում. Հայ դատի հանձնախումբ

Քաղաքապետարանի աշխատակիցները օրենքից դուրս գործող սգո սրահներ են հայտնաբերել. հարուցվել են քրգործեր

Դպրոցի տնօրենին անվստահություն կարող է հայտնել ծնողական խորհուրդը. Ավշարում կրքերը չեն հանդարտվում

ՊԵԿ-ը հորդորում է Բագրատաշենի մաքսակետից հանել աջ ղեկով մեքենաները, այլապես կգանձվի պահպանության վճար