Դպրոցում ոստիկանի աշխատանքը ՄԻՊ գրասենյակը ոչ միշտ է համարում երեխայի իրավունքի խախտում

Մարդու իրավունքների պաշտպանի (ՄԻՊ) գրասենյակը համարո՞ւմ է արդյոք, որ հանրապետության ավագ դպրոցներում ոստիկանների ներկայացվածությունը երեխաների իրավունքների խախտում է, որոնք, ինչպես այլ առիթով արդեն անդրադարձել ենք, կարող են աշակերտներին դիտողություն անել ընդհուպ հագուկապի, դիմահարդարման հետ կապված, բացակայությունների դեպքում նրանց տուն այցելել եւ այն:

«Հայաստանում ամերիկյան փորձն է տեղայնացվել: Ոստիկանության այս ծրագիրը ներդրվել է ԱՄՆ պետդեպի հետ համագործակցության արդյունքում: Ուղեցույց է մշակվել, բոլոր ոստիկանները վերապատրաստվել են եւ աշխատում են համաձայն իրենց աշխատանքի նկարագրի, որը հաստատվել է ոստիկանության պետի առաջին տեղակալի հրամանով»,- մեր զրույցում ասաց ՄԻՊ աշխատակազմի երեխաների իրավունքների պաշտպանության բաժնի պետ Էդուարդ Իսրայելյանը` հավելելով, որ այդպիսի փորձ կա աշխարհի բազմաթիվ երկրներում:

Անձամբ իրեն Գերմանիայի փորձն է ծանոթ եւ նա չհամաձայնեց մեզ հետ, որ Գերմանիայի դպրոցներում ոստիկանն ընդամենը անվտանգությունն է հսկում ու որեւէ այլ գործառույթ չունի:

«Գերմանիայում եթե օրինակ բացակայություններ են լինում, միջամտում են, վեճեր, կռիվներ լինում են, միջամտում են: Մեզ մոտ հանրակրթական հաստատությունում աշխատող ոստիկանների հիմնական գործառույթներն են` նախ հսկել անվտանգությունը, քանի որ գիտեք, որ ավագ դպրոցների երեխաները գալիս են տարբեր դպրոցներից եւ հնարավոր է` նրանց միջեւ կոնֆլիկտներ լինեն: Իրենց պարտականությունների մեջ է մտնում երեխաների հետ հանդիպումներ անցկացնել եւ բացատրել նրանց իրավունքները, հանդիպումներ ունենալ ծնողների հետ, մանավանդ այն ծնողների, որոնց երեխաները դպրոցից բացակայում են ինչ-ինչ պատճառներով»,- նշեց նա:

Այսինքն` մարդու իրավունքների պաշտպանի գրասենյակը դպրոցներում ոստիկանների աշխատանքը չի՞ համարում երեխայի իրավունքի խախտում. փորձեցինք հստակեցնել:

«Մենք մինչ այժմ որեւէ բողոք չենք ունեցել, որ դպրոցական տեսուչը խախտել է երեխայի ինչ-որ մի իրավունք: Եթե ինչ-որ անհարկի միջամտություններ ոստիկանների կողմից լինում են, մենք պատրաստ ենք դա դիտարկել եւ սահմանված կարգով ընթացակարգ սկսել: Ոստիկանները հագուստի կամ դիմարահարդարման հետ կապված գործառույթներ հաստատ չունեն: Եթե այդպիսի դեպքեր լինում են, այո, երեխայի իրավունքի խախտում եւ անհարկի միջամտություն են: Մնացած դեպքերում չեմ կարծում, որ իրենց ներկայությունը երեխայի իրավունքների խախտում է»,- պատասխանեց Էդուարդ Իսրայելյանը:

Տպել
3887 դիտում

ԻՆԵԿՈԲԱՆԿ․ INECOPAY հաջողության պատմությունը ներկայացվեց Թբիլիսում

Հայաստանում որեւէ մեկը թիկնապահներով շրջելու կարիք չունի, եթե իհարկե չի գողանում ու չի թալանում․ Հայկ Սարգսյան

«Ոսկե երիտասարդություն» վարկային գիծ ՀԱՅԲԻԶՆԵՍԲԱՆԿԻ ուսանողական քարտով

Միքայել Վարդանյանը 43 մլն դրամի մարզասարքեր է նվիրել ռազմական երկու համալսարաններին (տեսանյութ)

Ճիշտ ժամանակն է. ամերիկացի փորձագետները՝ Հայաստանում անցումային արդարադատության ներդրման մասին

Միացումը համազգային գերակա նպատակն է. Արցախի քաղաքական ուժերի հայտարարությունը

Ապրիլին՝ մարտի համեմատ, ՀՀ պետական պարտքը նվազել է 34 մլն 800 հազար դոլարով

Հայտարարություն մրցույթի մասին

ՀՀ վարչապետի որոշմամբ Գրիգոր Մուրադյանն ազատվել է վարչապետի խորհրդականի պաշտոնից

Գյումրու ծննդատան ճակատագիրն անորոշ է

Շախմատի տանն անցկացվեց ԱԻՆ փրկարար ծառայության շախմատի առաջնություն

Կառավարությունում քննարկվել են ընտանիքի ապահովության գնահատման համակարգի բարեփոխման հարցեր

Վանաձորի բժշկական կենտրոնի տնօրենի մրցույթը կայացել է. ով է նոր տնօրենը

Չկատարած սպանության համար բանտում 46 տարի անցկացրած քաղաքացուն 1,5 մլն դոլար փոխհատուցում կտան

«Համայնքապետն ինձ պատկանող տարածքում պուրակ է կառուցում». Իջեւանի ավագանու անդամ

Երեւանի քաղաքապետարանի 128 թափուր պաշտոնների մրցույթին մասնակցելու համար դիմել է շուրջ 2 600 մարդ

Տ. Խաչիկյանն ընդունել է հակակոռուպցիոն ռազմավարության և մոնիթորինգի փորձագետ Մեթյու Մյուրեյին

ԱՄՆ փորձագետը այս գիշեր Հայաստան է ուղեւորվում՝ օգնելու մշակել «անցումային արդարադատության» ծրագիրը

ԵԽ Նախարարների կոմիտեն հրապարակել է ՄԻԵԴ վճռի վերաբերյալ Մարդու իրավունքների պաշտպանի հատուկ դիրքորոշումը

Գավառում տեղացած կարկուտից 6 ժամ անց դեռ այս պատկերն է (լուսանկարներ)