Եթե զոհ է եղել, ապա չի բացառվում, որ իրենք սպանած լինեն. Դավիթ Բաբայան

Արցախի նախագահի մամուլի խոսնակ Դավիթ Բաբայանը չի բացառում, որ ադրբեջանական կողմն ինքը սպանած լինի խաղաղ բնակիչներին եւ օգտագործի դա հայերի դեմ: Այս մասին Դավիթ Բաբայանն ասաց armtimes.com-ի հետ զրույցում՝ անդրադառնալով երեկ գիշերը Արցախի եւ Ադրբեջանի սահմանին արձանագրված հրադադարի ռեժիմի կոպիտ խախտումներին եւ հայկական կողմի պատժիչ գործողություններին:

- Պարոն Բաբայան, ինչպե՞ս եք գնահատում սահմանային իրավիճակը երեկ գիշերվանից հետո:

- Որեւէ արտառոց բան տեղի չի ունեցել: Չնայած, որ հակառակորդը կրկին դիմել է ահաբեկչական գործողությունների, բայց սա իր ոճն է: Ադրբեջանն այնքան է ահաբեկչական գործողությունների դիմել, որ նման քայլերն արդեն արտառոց չեն հնչում, բայց, իհարկե, այսպիսի պահվածքին պետք է շատ հստակ, կտրուկ, հասցեական գնահատականի արժանանա միջազգային հանրության կողմից: Ճիշտ է՝ արդեն համանախագահները հայտարարություն են տարածել, որտեղ ընդգծվում է կարեւորությունը խաղաղ կարգավորման եւ այլն, եւ այլն: Բայց Ադրբեջանի այս ահաբեկչական պահվածքը կարծում եմ՝ ավելի կոշտ արձագանքի կարիք ունի:

- Երեկ ապրիլյան պատերազմից հետո առաջին անգամ ՏՌ 107 հրանոթ է կիրառվել: Նման զինտեխնիկայի կիրառումն ինչի՞ մասին է խոսում:

- Այստեղ ոչ մի տրամաբանություն չկա, որովհետեւ ո՛չ հանցագործները, ո՛չ ահաբեկիչները լուրջ տրամաբանությամբ չեն առաջնորդվում: Ո՛չ փոխում է իրավիճակը, ո՛չ էլ ինչ-որ կարեւոր ռազմաքաղաքական նպատակների է հասնում, պարզապես՝ ահաբեկչություն է, ոչ այլ ինչ: Ինքնին այդ զինատեսակի կիրառման վերաբերյալ մենք տարածել ենք տեսանյութերը, որը պետք է ստանա միջազգային հանրության շատ կոշտ գնահատականը:

Ադրբեջանական կողմն իր հենակետերը տեղակայել է Ալխանլու գյուղի բնակելի տարածքների անմիջապես հարեւանությամբ: Այս երեւույթն ինչպե՞ս եք գնահատում:

- Իրենք նման պահվածքով հասնում են մի շարք նպատակների: Նախ եւ առաջ, որպես վահան են օգտագործում սեփական բնակչությանը: Սա անմարդկային, սարսափելի հանցագործություն է: Իրենք գիտեն, որ հայկական կողմը երբեւիցե չի թիրախավորում խաղաղ բնակչությանը՝ նույնիսկ եթե այնտեղից հրադադարը խախտվում է, կա վտանգ, որ կարող են խաղաղ բնակիչները զոհվել, մենք չենք կրակում: Այս կրակակետերը, որոնք ոչնչացվել են այդտեղ քաղաքացիական բնակչություն չկա: Երկրորդը՝ եթե զոհ է լինում քաղաքացիական բնակչությունից եւ բանակից, շատ ձեռնտու է ալիեւյան կլանին, որովհետեւ սա թմրանյութ է, որը ներարկվում է ադրբեջանական հասարակության մեջ, որպեսզի մարդկանց մոլորեցնեն եւ շեղեն առկա իրավիճակից:

Ավելին, մենք գիտենք, որ Ադրբեջանը «հարուստ» փորձ ունի, սարսափելի վատ մի փորձ՝ սեփական բնակչությանը գազանաբար սպանելու եւ հայերի վրա գցելու: Դա տեղի ունեցավ մասնավորապես՝ Խոջալուում: Մենք գիտենք, որ ցեղասպանությունը իրենք գործեցին եւ փորձեցին բարդել մեզ վրա: Ապրիլյան պատերազմին նման բան տեղի ունեցավ: Երբ որ հակահարված էր տալիս արցախյան ուժերը ահագին մարդիկ լքել են այդ տարածքները, 300 հազարի պես մարդ խուճապից դուրս է եկել եւ այդ լքված տներն անմիջապես թալանվել են Ադրբեջանի բանակի, թուրքական վարձկանների եւ ԻՊ-ի գրոհայինների կողմից: Այդտեղ եղել են բռնաբարության, սպանության դեպքեր, նույնը հիմա է կրկնվում: Մենք հրապարակել ենք, որ մարդիկ լքել են այդ տները, չի բացառվում, որ անմիջապես գնացել են եւ թալանել են, եւ եթե այնտեղ մարդ է եղել, որը չի թողել, որ իր սեփականությունը թալանեն, սպանում են, լինի դա երեխա, կին, իրենց համար դա ավելի լավ է, որ ցույց տան, որ դա հայերն են արել:

Ադրբեջանական կողմը հայտնում է, որ մանկահասակ երեխա է զոհվել:

- Նախեւառաջ, մենք չգիտենք՝ զոհվել է, թե՝ չէ: Եթե զոհված լինի, ապա հենց այդպես պետք է զոհված լինի՝ գային, սպանեին, թալանեին եւ գցեին հայերի վրա: Այդ «հարուստ», սարսափելի փորձը նրանք ունեն:

- Լարվածություն հիմա չկա՞ սահմանին:

- Խուճապի մատնվելու կարիք չկա, բանակը վստահորեն իրականացնում է իր պարտականությունները:

ԵԱՀԿ Մինսկի խումբն այսօր հայտարարություն է տարածել, որում ասված է. «Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Ռիչարդ Հոգլանդը (ԱՄՆ) տեղեկություն են ստացել սույն թվականի հուլիսի 4-ին Ֆիզուլիի շրջանի Ալխալի գյուղի մոտ նոր բռնության դեպքերի մասին, որը բերել է զոհերի՝ նաև խաղաղ բնակչության շրջանում: ԵԱՀԿ Մինսկի խմբի համանախագահները կողմերին կոչ են անում անհապաղ դադարեցնել ռազմական գործողությունները: Բռնությունը ծնում է բռնություն, ուրիշ ոչինչ: Միակ ընդունելի և մարդկային ուղին այս երկարատև հակամարտությունը լուծելու համար վերադառնալն է բանակցությունների սեղան:

Հիշեցնենք, որ Արցախի պաշտպանության նախարարությունը երեկ հաղորդագրություն տարածեց այն մասին, որ հուլիսի 4-ին արցախա-ադրբեջանական հակամարտ զորքերի շփման գծում հակառակորդը շարունակել է խախտել հրադադարի պահպանման ռեժիմը տարբեր տրամաչափի ականանետերից, իսկ ժամը 20:20-ի սահմաններում հարավային ուղղությամբ կիրառել է նաև ՏՌ-107 տիպի համազարկային հրթիռային կայանքներ: Ավելի ուշ ՊԲ-ն տեսանյութեր հրապարակեց Ադրբեջանի զինված ուժերին հասցված պատասխան գործողություններից: Ադրբեջանական կողմն էլ հայտարարում է երկու խաղաղ բնակչի զոհվելու մասին:

Տպել
15877 դիտում

Վանաձոր-Ալավերդի-Բագրատաշեն ճանապարհը բեռնատարների և ավտոբուսների համար փակ է

Ամբողջական ու միացյալ Հայաստանի տեսլականի իրագործումն Արցախի միացումն է Հայաստանին. Արամ Ա

Սյունիքում մեքենան մոտ 50 մետրից ընկել է ձորակը․ կա մեկ զոհ, երկու վիրավոր

Դպրոցի տնօրենի 17-ամյա որդին հոր մեքենայով վթարի է ենթարկվել․ 3 դպրոցականներ հիվանդանոցում են

Ըմբիշ Արթուր Ալեքսանյանը ոսկե մեդալ է նվաճել Ղազախստանի միջազգային մրցաշարում

Ջիվան Աբրահամյանն ազատ է արձակվել

Անակնկալ Հայաստանի համար. եկան, կարդացին, գնացին

Քաղաքական լեզվամարտ. ճշմարտությունը միայն կոնյակն էր

Էս ո՞վ է. նա մի տղա էր՝ միշտ տխուր աչքերով

Պատրաստ ենք խորացնել փոխշահավետ գործակցությունը. Վվարչապետն ընդունել է Չինաստանի ԱԳ նախարարին

Հայաստանի և Չինաստանի ԱԳ նախարարները Երևանում ստորագրել են մի շարք փաստաթղթեր

ՀՀ մի մասում տեղումները կշարունակվեն առաջիկա օրերին. սպասվում է անձրեւ,տեղ-տեղ՝ կարկուտ

Հրդեհ Լուսառատ գյուղի պահեստի տարիքում. այրվել է շինությունը, անասնակեր ու վառելափայտ

Ըստ Թուրքիայի սահմանադրական դատարանի՝ Հայոց պատրիարքի ընտրություններում խախտվել է կրոնի ազատությունը

Ազատության հրապարակի ակցիայի հետ մենք կապ չունենք՝ ոչ ուղղակի, ոչ անուղղակի. «Իմ քայլը» դաշինք

ՌԴ Հարավային ռազմական շրջանը ստեղծել է զինվորների ջերմահարումից պաշտպանելու համար նախատեսված 50 կետ

«Մայր Հայաստան» թանգարանում տարածք կհատկացվի ապրիլյան պատերազմի բոլոր զոհերի հիշատակի անկյուն ստեղծելու համար

Զոհրաբ Մնացականյանը հանդիպել է չինացի գործընկերոջ հետ

Հանրահավաքի ընթացքում սպառնալիքներ հնչեցնելու կասկածանքով բերման է ենթարկվել Ջիվան Աբրահամյանը

Վանաձոր-Դիլիջան ճանապարհին մինչև հիմնանորոգումը սկսելը կատարվում են ժամանակավոր անցանելիության համար աշխատանքներ