Խոշորացման այս եղանակը ֆեոդալական է կամ ստրկատիրական. վտանգված է համայնքի ունեցվածքը

Առաջիկայում Շիրակի մարզում տեղի ունենալիք համայնքների խոշորացումը իրենից լուրջ խնդիրներ է պարունակում՝ համայնքի սեփականություն համարվող անշարժ գույքի հետագա շահագործման համար: Նման կարծիք ունի Շիրակի մարզի Բասեն համայնքի ղեկավար Համլետ Պետրոսյանը:

«Իմ մտավախությունն այն է, որ խոշորանում է համայնքի սեփականությունը: Սա շատ վտանգավոր երեւույթներ է պարունակում: Մեր համայնքի սեփականությունը հիմնականում արտերն են, վարելահողերն են: Խոշորացման արդյունքում համոզված եմ, որ ավագանու կազմի մեծամասնությունը լինելու է Ախուրյանից: Նրանք առանց բնակչի կարծիքը հաշվի առնելու կարող են մեր համայնքի հողատարածքները տան վարձակալության: Այս դեպքում հաշվի չի առնվի մեր ցանկությունը, կարծիքը: Սա ընդունված կարգ է, միշտ էլ եղել է: Բասենի խնդիրների համար միայն բասենցին է մտածելու, ախուրյանցուն չի հետաքրքրի: Նրանք կմտածեն, որ Բասենի հողը օտարելուց բյուջե լրացուցիչ փող կգա, բայց մեզ մեծ վնաս կլինի »,- ասում է Համլետ Պետրոսյանը:

Շիրակի մարզպետարանի տեղական ինքնակառավարման եւ հանրապետական գործադիր մարմինների հարցերով վարչության պետ Արամ Անտոնյանը, համայնքների խոշորացման գործընթացում որեւէ խնդիր չի տեսնում: Վերջինս կարծում է, որ արհեստականորեն իրավիճակը սրում են այն համայնքապետերը, ովքեր աշխատելու հնարավորություն չեն ունենալու:

«Բողոքում են այն համայնքների ղեկավարներն, ովքեր խոշորացման արդյունքում չեն աշխատելու: Մենք օրինակներ ունենք, որ մի շարք համայնքներում, որտեղ տարիներ շարունակ աշխատանք չի կատարվել, բայց այս մի քանի ամիսների ընթացքում ճանապարհներ են վերանորոգվել՝ տեղական բյուջեի միջոցներով»,- ասում մարզպետարանի վարչության պետը:

«Բիոսոֆիա» ՀԿ-ի նախագահ Գեւորգ Պետրոսյանն էլ խոշորացման այս եղանակը համարում է ֆեոդալական կամ ստրկատիրական:

Մանրամասները՝ տեսանյութում:

Հիշեցնենք, որ ՀՀ կառավարության մայիսի 18-ի նիստում հաստատվեց համայնքների խոշորացման հերթական ծրագիրը: Ըստ այդմ՝ 361 համայնքի միավորման արդյունքում ձեւավորվելու է 30 համայնք:

Շիրակի մարզում խոշորացման արդյունքում ձեւավորվելու է երեք համայնք՝ Անի, Մարմաշեն եւ Ախուրյան:

Անի համայնքը ձեւավորվելու է 17 համայնքի միավորումից: Դրանք են՝ Մարալիկ, Աղին, Անիավան, Անիպեմզա, Բագրավան, Գուսանագյուղ, Իսահակյան, Լանջիկ, Լուսաղբյուր, Հայկաձոր, Ձիթհանքով, Ձորակապ, Շիրակավան, Ջրափի, Սառնաղբյուր, Սարակապ, Քարաբերդ:

Ախուրյանը կձեւավորվի 8 համայնքի՝ Ախուրյանի, Այգաբացի, Արեւիկի, Բասենի, Կամոյի, Կառնուտի, Հովիտի, Ջրառատի միավորումից:

Մարմաշենի կազմում կընդգրկվեն Մայիսյան, Լեռնուտ, Կապս, Կարմրաքար, Կրաշեն, Հացիկ, Հովունի, Մարմաշեն, Մեծ Սարիար, Շիրակ, Ջաջուռ, Ջաջուռավան, Վահրամաբերդ, Փոքրաշեն, Քեթի համայնքները: Այս համայնքների ընդհանուր թիվը 15-ն է:

Այսպիսով՝ Շիրակի մարզում, 39 գյուղական եւ 1 քաղաքային (Մարալիկ) համայնքների միավորումից կձեւավորվի երեք խոշորացված համայնք: 

Տպել
8168 դիտում

Ո՞ւմ հորդորով Խաչատուրովը չեկավ ԱԺ. Ապրիլյան պատերազմի վավերագրությունը պատրաստ է, սպասենք սենսացիոն բացահայտումների

Սարդարապատ համայնքում սուբվենցիոն ծրագրի շրջանակում կտեղադրվի 10 հակակարկտային կայան

Տարիների աղետ Արկտիկայի համար. ինչ է հայտնի գետերը լցված 21 հազար տոննա նավթամթերքի մասին

Լանջազատ համայնքում գազաֆիկացման աշխատանքների կատարման համար հայտարարվել է մրցույթ

Գյումրու Սավոյան փողոցի տնակներից մեկից հեռուստացույց ու համակարգիչ են գողացել (տեսանյութ)

ԱՀ նախագահ Արայիկ Հարությունյանը խորը վշտով է տեղեկացել Սաթենիկ Սաֆարյանի մահվան մասին

Վարակը չի ստիպել վայր դնել զենքը. արյունալի հակամարտությունները շարունակվում են

ԶՈՒ ԳՇ պետ Արտակ Դավթյանն այցելել է զինվորական հոսպիտալ

Վաղը օլիմպիադաների հանրապետական փուլն է. նախարարը ծնողներին խնդրում է հեռու լինել դպրոցից և կուտակումներ թույլ չտալ

Մենք պայքարում ենք և ձեզ վերադարձնում ընտանիք, դուք էլ մեր համար պայքարեք և մեզ վերադարձրեք մեր ընտանիք. ռեանիմատոլոգ

Սահմանափակումներին վերադառնալու դեպքում տնտեսապես այդ բեռը կլինի անտանելի, բայց հարցը քննարկվում է. վարչապետ

Գերմանիայում աշխատող բժշկին գումար են առաջարկել, որ հայ հասարակության շրջանում խոսի ընդդեմ դիմակների և պատվաստանյութերի

ԱԱԾ-ն չի պատասխանում Գագիկ Խաչատրյանի ընտանիքին առնչվող քրեական գործի մասին ՀԺ-ի գրավոր հարցմանը

Կորոնավիրուսը հնարավոր չէ կանխարգելել որևէ դեղով, պաշտոնապես հայտարարում եմ. Արսեն Թորոսյան (տեսանյութ)

Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան

24 ժամով կասեցվել է Երեւանի Խորենացի պողոտայի վրա գտնվող ոսկու շուկայի գործունեությունը (տեսանյութ)

Կորոնավիրուսային իրավիճակը երկրում շարունակվում է լարվել. Նիկոլ Փաշինյան (ուղիղ)

Պատգամավորների կյանքին ու առողջությանն սպառնալիքներ հնչեցնելու դեպքի առթիվ քրեական գործ է հարուցվել

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում