Շիրակի ոստիկանությունում ծառայողական քննություն է նշանակված. վկայականները հավաքել են

Armtimes.com-ը հուլիսի 10-ին տեղեկացրել էր, որ հուլիսի 9-ին Գյումրու կենտրոնական հրապարակում սկանդալային վիճաբանություն է տեղի ունեցել Գյումրու 4 ոստիկանների եւ հայտնի կառապան Սամվելի միջեւ: Վեճի առիթն այն էր եղել, որ ալկոհոլի ազդեցության տակ գտնվող ոստիկաններից մեկը փորձել էր նստել կառք, կառապանի հետ խոսել էր բարձր տոնով: Այնուհետեւ, տեղի է ունեցել ծեծկռտուք`միջամտել են մյուս ոստիակնները, իսկ անցորդներից մեկն էլ փորձել է նրանց բաժանել ինչի արդյունքում եւս տուժել է: Նրա ինքնությունն անհայտ է:

Քիչ առաջ տեղեկացանք, որ կառապանին ծեծած ոստիկանն ոստիկանության Շիրակի մարզային վարչության օպերլիազոր, ոստիկանության լեյտենանտ Գոռ Սարոյանն է:

Վերջինս Գյումրիում աչքի է ընկել իր սկանդալային պատմություններով, հատկապես ցույցերի ժամանակ ակտիվիստների իրավունքները ոտնահարելով: 

ՀՔԾ-ի պաշտոնական հաղորդագրության համաձայն Գ. Ս.-ն  ալկոհոլի ազդեցությամբ Գյումրու կենտրոնական հրապարակում կառապանից պահանջել է կառքը հանձնել իրեն: Ծագած վիճաբանության ընթացքում ոստիկանը ծեծի է ենթարկել կառապանին: Միջադեպին մասնակցել է նաեւ անցորդներից մեկը, ում ոստիկանը եւս հարվածներ է հասցրել:

Փաստի առթիվ Շիրակի մարզի դատախազի հանձնարարությամբ ՀՀ քրեական օրենսգրքի 118-րդ հոդվածի հատկանիշներով հարուցվել է քրեական գործ, որի նախաքննությունը հանձնարարվել է ՀՔԾ-ին:

Կառապանը փորձել է դիմել հիվանդանոց, բայց ոստիկանները նրան հետապնդել են եւ թույլ չեն տվել, որ Գյումրու Գարեգին Նժդեհ փողոցից թեքվի դեպի Գյումրի ԲԿ տանող փողոց: Նշյալ վայրում կրկին քաշքշել եւ խփել են կառապան Սամվելին: Նշյալ փողոցի խանութներից մեկի վաճառողուհին armtimes.com-ին տեղեկացրեց, որ նկատել է, թե ինչպես են  ոստիկանները մեքենայով փակում կառապանի ճանապարհը եւ ուժ գործադրելով ետ դարձնում:

Armtimes.com-ը փորձեց դեպքի առնչությամբ կրկին զրուցել Սամվելի հետ, սակայն վերջինս կտրականապես հրաժարվեց հաստատել, որ դեպքը տեղի է ունեցել` իր մասնակցությամբ: Նա, թեեւ, ասաց, որ ոստիկանները իրեն եկել տանն են հարցաքննել, քանի որ ոտքը ջարդված լինելու պատճառով չի կարողացել տեղաշարժվել: Կառապանը, որպես վնասվածք ստանալու պատճառ եղել է կառքից վայր ընկնելը:

Նշենք, որ Վլադիմիր Գասպարյանի որոշմամբ Գոռ Սարոյանն ազատվել է զբաղեցրած պաշտոնից եւ ուղարկվել կադրերի ռեզերվ:

Քիչ առաջ էլ armtimes.com-ը ոստիկանության իր հավաստի աղբյուրներից տեղեկություն ստացավ, որ Վլադիմիր Գասպարյանի հրամանով Շիրակի մարզային վաչությունում ոստիկանության որոշ ծառայակիցների ձեռքից վերցվել է զենքերը եւ ոստիկանական վկայականները: Անցկացվում է համատարած ծառայողական քննություն: Շիրակի մարզային ոստիկանության աշխատակիցներն անտրամադիր են ոստիկանապետի ծառայողական քննության նշանակման հետ կապված: Մտավախություն կա, որ ծառայողական շատ թերություններ կբացահատվեն:

Մեր այս տեղեկություններն փորձեցին ճշտել ոստիկանության լրատվության բաժնից: Armtimes.com-ին Աշոտ Ահարոնյանը տեղեկացրեց, որ հետաքննությունը անցկացվում է միայն կոնկրետ դեպքով՝ կառապանին ծեծելու: 

Տպել
8685 դիտում

Ջերմուկի խաչմերուկից Սիսիան ճանապարհը փակ է բոլոր տեսակի տրանսպորտային միջոցների համար

Ես դեռ սիրում եմ քեզ. Ջիգարխանյանի նախկին երիտասարդ կինը դիմել է նրան ԶԼՄ-ներով

Հունվարի 13-17-ը շրջակա միջավայրին հասցված վնասի չափերով նշանակվել է 850 հազար դրամի վարչական տուգանք

Վարդաշենի 6-րդ փողոցի շենքերից մեկի շքամուտքի պատը փլուզվել է, քարերն ընկել են 2 կանանց վրա

Մայր Աթոռի պատվիրակությունը Վատիկանում մասնակցելու է երիտասարդ հոգևորականների հավաքին

Համաշխարհային մաքսային կազմակերպության փորձագետներն այցելել են Պետական եկամուտների կոմիտե

Վայքի եւ Սպիտակի ոստիկանապետները ազատվել են զբաղեցրած պաշտոններից. ոստիկանապետի պաշտոնակատարը նոր նշանակումներ է արել

Աննա Հակոբյանը ցավակցել է լուսանկարիչ Գերման Ավագյանի մահվան կապակցությամբ

Դարբնիկ գյուղի կամրջի մոտակայքում ավտոմեքենան ընկել է ջրատարը

Սաստիկ բքի և տեսանելիության բացակայության պատճառով Սարավանի լեռնանցքը փակ է, Ջերմուկի ճանապարհը՝ դժվարանցանելի

Կայուն տեմպերով գնում ենք դեպի գարուն. ջերմաստիճանը կբարձրանա 5-7 աստիճանով. Սուրենյան

Հրդեհ Գյումրի քաղաքում. այրվել է տներից մեկի տանիքը

Երևան-Մոսկվա չվերթը չի կայացել ինքնաթիռի շարժիչի հետ կապված խնդիրների պատճառով

Հրդեհ Սիփանիկ գյուղում. այրվել են էլեկտրական մալուխներ եւ ուռենիներ

Արագածոտնի Ամբերդ ամրոց և Քարի լիճ տանող ավտոճանապարհները դեռ անորոշ ժամանակ փակ կլինեն

Հրդեհ Երևանի ավտոտեխսպասարկման կետերից մեկում. ավտոմեքենաներից մի քանիսը վերածվել է մոխրակույտի

Հանկարծամահ է եղել հայտնի լուսանկարիչ Գերման Ավագյանը

Հրդեհ Արարատի մարզի Սիփանիկ գյուղում

Իսրայելը Գոլանի բարձունքներից հրթիռներ է արձակել Դամասկոսի ուղղությամբ

Լարսը բաց է բոլոր տեսակի տրանսպորտային միջոցների համար. կուտակված մոտ 1000 բեռնատար կա