Կրթությանը հատկացվող գումարը կրճատվում է, պաշտոնյաների երեխաները  գնում են էլիտար դպրոցներ

Կառավարության ծրագրի` կրթությանը վերաբերող հատվածը ոլորտի փորձագետներին չի ոգեւորել եւ չի տվել լավատեսության որեւէ հիմք:

«Ոչինչ չասող բայերի հավաքածու է` «ամրապնդել», «մշակել», «բարելավել», «լավացնել» եւ այլն»,- լրագրողների հետ հանդիպման ժամանակ ասաց Անահիտ Բախշյանը` ընդգծելով, որ այդ ծրագրի հիմքում չկան գաղափար, նպատակների իրագործման մեխանիզմներ:

Պետական բյուջեից կրթության ոլորտին հատկացվող ու հատկացվելիք գումարն աստիճանաբար նվազում է, իսկ այդ դեպքում, ըստ նրանց, հնարավոր չէ իրոք բարեփոխումներ իրականացնել:

«Ես կուզեի ուղիղ հարցնել պարոն վարչապետին` որպես բիզնեսմենի. եթե ինքը իր բիզնեսի մեջ ինչ-որ բան է ուզում բարեփոխել, բայց ֆինանսավորումը գնալով պակասեցնում է, ինչպես է պատկերացնում այդ բարեփոխումը»,- հարց հնչեցրեց Անահիտ Բախշյանը:

Ինչ վերաբերում է թվերին, նա նկատեց, որ ընթացիկ տարում կրթությանը հատկացվել է ՀՆԱ-ի 2.3 տոկոսը, 2018-ին նախատեսվում է 2.18 տոկոս, 2019-ին` 1.99, իսկ 2020-ին` 1.85 տոկոս:

Բախշյանը նաեւ մեկ այլ թիվ հրապարակեց: Ըստ այդմ, 1999 թվականից ի վեր կրթության ոլորտում, ընդհանուր առմամբ, իրականացվել է 130 միլիոն դոլարի վարկային ծրագիր: Կյանքը, սակայն ցույց է տալիս, որ դրանք անարդյունավետ ծախսված գումարներ են: Հետապնդվող նպատակներն ու ստացված արդյունքները նրա խոսքով, չեն համընկնում: «Մեր կրթության որակը, հատկապես բնագիտության ոլորտում, սարսափելի է»,- ասաց փորձագետը եւ դա հիմնավորելու համար մեջբերեց միասնական քննությունների լրացուցիչ փուլի արդյունքները, որոնց համաձայն, օրինակ՝ քիմիայից անբավարար գնահատական է ստացել դիմորդների 41 տոկոսը, ֆիզիկայից` 48 տոկոսը:  

Կրթության մեկ այլ փորձագետ Սերոբ Խաչատրյանն էլ կարծիք հայտնեց, որ թե այսօր արդեն քիչ կարեւոր է` ինչ է գրված կառավարության ծրագրում, որովհետեւ միշտ ու բոլոր ծրագրերում միայն լավ նպատակներ են նախանշվում, բայց դրանք այդպես էլ մնում են թղթի վրա:

«Այլեւս ոչ ոք չի հավատում խոսքերին: Հիմա մենք մի փուլում ենք, որ հասարակությունը քայլեր է ուզում տեսնել, եւ դա փոփոխության միակ ճիշտ ճանապարհն է: Մենք ուզում ենք, որ այդ բարեփոխումները հասնեն դասարան, հասնեն երեխային: Դրանք կամ տեղ չեն հասնում, կամ հասնում են աղճատված ձեւով եւ ավելի շատ վնաս են տալիս, քան՝ օգուտ»,- ասաց նա:

«Օրինակ` ես ուզում եմ բացել վաղվա մամուլը եւ կարդալ, որ մի քանի տասնյակ բարձրաստիճան պաշտոնյաներ իրենց երեխաներին հանել են էլիտար դպրոցներից եւ տարել են թաղամասի սովորական դպրոցներ, որովհետեւ ուզում են, որ իրենց երեխաները սովորեն այն դպրոցներում, որոնք իրենք բարեփոխում են, ոչ թե այն դպրոցներում, որոնք ստեղծվել են մասնավոր մարդկանց նախաձեռնությամբ»,- թեման եզրափակեց Սերոբ Խաչատրյանը:

Տպել
2521 դիտում

Սուրեն Քրմոյանը ԱՄՀ փորձագիտական խմբի հետ քննարկել է հակակոռուպցիոն մարմնի ստեղծման վերաբերյալ հարցեր

ՀՀ ԱԻՆ հիդրոմետ ծառայությունը զգուշացնում է ուժգին քամու մասին

50 օր՝ Քոչարյանի, Օհանյանի, Խաչատուրովի եւ Գևորգյանի գործի նյութերին ծանոթանալու համար. քննիչի որոշումը

Տարեկան 24 մլն դրամ շրջանառություն ունեցող միկրոձեռնարկատերերը կազատվեն հարկերից (տեսանյութ)

Շիրակի պետհամալսարանում հարուցված քրեական գործը 27 հատոր է, յուրաքանչյուրը՝ 300-ից 400 թերթ

Հանրապետության որոշ ավտոճանապարհներին բուք է

Ո՞նց եք պատկերացնում՝ 19-րդ դպրոցից 25 ուսուցչի միանգամից դատի տայինք. ՇՄ դատախազ

«Պարտեզ» ռեստորանի մոտ տեղի ունեցած զինված միջադեպով մեղադրանք է առաջադրվել 17 անձի. ՔԿ

Ալեքսանդր Լապշինի դեմ Ադրբեջանում նոր քրեական գործեր են հարուցվել

Պատասխանատվություն չենք կրում բնապահպանական որևէ խնդրի համար. Լիդիան Արմենիան զգուշացնում է

Արտասահմանում ուսանելու հնարավորություն. ԿԳՆ-ն հայտարարում է մրցույթներ

Ոստիկանները բացահայտել են կրթօջախում կատարված ավելի քան 3.940.000 դրամի յուրացման դեպք (տեսանյութ)

Դավիթ Տոնոյանն Աբու Դաբիում ներկայացրել է նաև Սիրիայում ՀՀ մարդասիրական առաքելության խնդիրները

Այստեղ եմ նոր գործընկերություն սկսելու համար. նախագահ Արմեն Սարգսյանն այցելել է Մյունխենի տեխնիկական համալսարան

Տիգրան Խաչատրյանն ընդունել է Եվրոպական ներդրումային բանկի պատվիրակությանը

Միհրան Աղբաբյանը մեր ժողովրդի լավագույն զավակներից էր. Արմեն Սարգսյանի ցավակցական ուղերձը

Սեդրակ Քոչարյանին մեղադրանք է առաջադրվել փողերի լվացման եւ հարկերից խուսափելու համար

Ակնհայտ է հասարակության զարմանքը, որ իշխանության ներկայացուցիչները կարող են ՏԻՄ ընտրություններում պարտվել․ Կոնջորյան

Երևանի քաղաքապետարանը մոտ 760 մլն դրամ է տնտեսել գնումների գործընթացի արդյունքում

Իրանի դիրքորոշումը ԼՂ հարցում տարածաշրջանային անվտանգության տեսակետից կարեւոր զսպման գործոն է. դեսպան