Տարոն Մարգարյանը կպահանջի՞ ապամոնտաժել Մարկո Պոլոն, Սքուեր Ուանը եւ այլ օբյեկտներ. Ֆոտո

Երեկ մեծ շուքով Երեւանի քաղաքապետարանը մայրաքաղաքի Թումանյան փողոցում գտնվող սննդի եւ սպասարկման մի քանի կետ ապամոնտաժեց: Պատճառն այն էր, որ առեւտրային կազմակերպությունները իրենց գործունեությունը ծավալել էին չնախատեսված տեղում՝ մայթի բանուկ հատվածում եւ մայթի 50 տոկոսից ավելի հատվածում տեղակայել էին սեղաններ եւ աթոռներ՝ խոչընդոտելով քաղաքացիների ազատ տեղաշարժը: Այս գործողությանը նախորդել էր Երեւանի քաղաքապետի հուլիսի 10-ի աշխատանքային խորհրդակցությունը, որտեղ քաղաքապետ Տարոն Մարգարյանն անդրադարձել էր մայրաքաղաքում բացօթյա սեզոնային սրճարանների գործունեության կազմակերպմանը՝ ընդգծելով, որ դրանք չպետք է խոչընդոտեն հետիոտնի տեղաշարժին:

«Սեզոնային սրճարաններին և հասարակական սննդի օբյեկտներին բացօթյա գործունեություն կազմակերպելու համար մեր կողմից հատկացվում են հստակ տեղեր: Բայց պետք է խստորեն հետևել, որ այդ գործունեությունը անհարմարություն չստեղծի մեր համաքաղաքացիների համար: Անթույլատրելի է, երբ մայթի կեսից ավելին, որը պետք է ազատ լինի քաղաքացիների տեղաշարժի համար, զբաղեցնում են սրճարանների սեղան-աթոռները կամ առևտրի օբյեկտների սառնարանները»,- հայտարարել էր Տարոն Մարգարյանը:

Armtimes.com-ը տեսանյութ էր երեկ հրապարակել, թե ինչպես էին ապամոնտաժում մայթերի կեսից ավելին զավթած սննդի օբյեկտների հիշյալ հատվածները:

Զարմանալի է, որ Երեւան քաղաքում միայն Թումանյան փողոցի՝ Հյուսիսային պողոտայից մինչեւ Աբովյան փողոցը տեղակայված սննդի օբյեկտներին վերաբերվեց Տարոն Մարգարյանի վրդովմունքը:

Armtimes.com-ը հատուկ քաղաքապետարանի համար տեսանկարահանել է Երեւան քաղաքի մեկ այլ փողոց, որտեղ նույն պատկերն է. սրճարանները հասել են գրեթե փողոցի երթեւեկելի մասը: Խոսքը Հյուսիսային պողոտա-Աբովյան փողոց հատման մասին է վերաբերվում, որտեղ տեղակայված են «Սքուեր ուան», «Մարկո պոլո» եւ «Վասաբի» օբյեկտները: Խնդիրը բացարձակապես կապված չէ նշված սրճարանների հետ, հարցն այն է, թե ինչպե՞ս է ստացվել, որ Թումանյան փողոցի սրճարանները դուրս են եկել իրենց սահմանագոտուց եւ սեղան-աթոռներ տեղադրել մայթի վրա, իսկ ահա նշված սրճարանները օրենք չեն խախտել:

Հյուսիսային պողոտա-Աբովյան փողոցից բարձրացող եւ իջնող յուրաքանչյուր ոք, երեկոյան ժամերին հատկապես, չի կարող նշված ճանապարհահատվածը չանցնել առանց հերթի եւ շարքի, քանի որ պարզապես հնարավոր չէ ազատ տեղաշարժը:

Եթե քաղաքապետարանն ընտրողաբար չի մոտեցել ապամոնտաժման այս նախաձեռնությանը, ապա հաջորդ ապամոնտաժվող սրճարանները պետք է հենց «Մարկո Պոլո»-ն, «Սուքուեր ուան»-ը եւ «Վասաբի»-ին լինեն, հակառակ դեպքում համոզիչ չի, որ մայրաքաղաքի միայն Թումանյան փողոցի սրճարաններին էին օրինազանցները:

Մեկ այլ փողոց եւս՝ Սարյան եւ Պուշկին փողոցների հատման մասից մինչեւ Սարյան-Գլխավոր պողոտա հատման մաս: Մայրաքաղաքի այս հատվածում, չնայած նրան, որ կոլորիտային միջավայր է ստեղծվել՝ փոքր սեղաններ են տեղադրվել, գեղեցիկ դիզայներական լուծումներով ցանկապատներ եւ այլն, սակայն Սարյան փողոցի «Փոստին» հարող մայթեզրը մինչեւ «Զովք» սուպերմարկետ նույնպես նեղացել է հետիոտնի համար:

Այս ամենից զատ, մայթերի հետ կապված մեկ ուրիշ խնդիր: Մայրաքաղաքի կառուցապատողները պարտաճանաչ ցանկապատում են իրենց շինհրապարակները: Դա գնահատել է, սակայն երբեմն հետիոտնի համար մայթ չեն թողնում: Դրա վառ օրինակը Արամի փողոցի Աբովյան եւ Նալբանդյան փողոցների միջակայքն է՝ Ազգային պատկերասրահի ետնամասը:

Այս հատվածում հերիք չի մայթը նեղացվել է, մի բան էլ ցանկապատեր են դրվել, որպեսզի մեքենաները հանկարծ չփակեն շինհրապարակի մուտքը: Այս ամենի հետեւանքով քաղաքացիները ստիպված փողոցի երթեւեկելի հատվածով են քայլում:

Տպել
8300 դիտում

Արտակ Քամալյանը Մոսկվայում մասնակցել է ԱՊՀ ագրոարդյունաբերական համալիրի հարցերով միջկառավարական խորհրդի նիստին

Հակոբ Արշակյանն ընդունել է Հայաստանում Ռումինիայի նորանշանակ դեսպանին

«Պայմանով նպաստ». նախատեսում է նպաստից զրկել երկու անգամ աշխատանքից հրաժարվողին

Արարատ Միրզոյանն ընդունել է Կոռուպցիայի կանխարգելման հանձնաժողովի անդամներին

Մարզերի դպրոցներում իրականացվող «Կայուն սնունդ» ծրագիրը կլինի պետբյուջեի միջոցներով. ԿԳՄՍ նախարարի տեղակալ

Կոնդում նոր չափագրումներ կլինեն, նախկինում արվածները սխալ են եղել. Հայկ Ավագյան

70․000 դոլար գողացած տղամարդը բերման է ենթարկվել ու ձերբակալվել․ գողոնը թաղել էր հողամասում (տեսանյութ)

Հանրային խորհրդի նախագահ նշանակելու համար եւս մեկ «խոչընդոտ» կա

Թուրքիան հայ ժողովրդի համար հանդիսանում է անվտանգության սպառնալիք. ԱԳՆ խոսնակ

ՃՏՊ Արմավիր-Ալաշկերտ ավտոճանապարհին. ուղեւորներից մեկը մահացել է, երկուսի վիճակը ծայրահեղ ծանր է (տեսանյութ)

Մանվել Գրիգորյանի պաշտպանները բացարկի միջնորդություն ներկայացրին դատախազին. դատավորը հեռացավ խորհրդակցական սենյակ

Տավուշի մարզում կիրականացվի փորձնական ծրագիր. դպրոցներում առարկաները կկրճատվեն կամ կմիավորվեն

Լեռնային Ղարաբաղը երբեւէ չի եղել երկհամայնքային միավոր. Նաղդալյան

Արա Բաբլոյանի եւ Արսեն Բաբայանի վերաբերյալ քրեական գործն ուղարկվել է դատախազություն. ՀՔԾ

Վարչապետն ընդունել է Արժույթի միջազգային հիմնադրամի հայաստանյան առաքելության նոր ղեկավարին

Անհասկանալի է, թե ինչի մասին է խոսում պարոն Մամեդյարովը. ՀՀ ԱԳՆ խոսնակ

Ես երջանիկ կլինեմ, եթե հայեցակարգը ներդրվի. Զարուհի Բաթոյանը կողմնակից է առողջության ապահովագրությանը

Մհեր Գրիգորյանն ընդունել է ԱՄՀ հայաստանյան առաքելության ղեկավար Նաթան Պորտերին

«Ռոմա» տեղափոխվելուց հետո Մխիթարյանի տրանսֆերային արժեքը չի փոխվել

Դատարանում քննվում է Վահագն Հարությունյանին կալանավորելու ՀՔԾ միջնորդությունը