Լարված իրավիճակ Ֆիրդուսի շուկայում. քաղաքապետը որոշել է՝ շուկան չի լինելու (տեսանյութ)

Այսօր վաղ առավոտից՝ ժամը 06:00-ի սահմաններից, Երեւանի քաղաքապետարանի առեւտրի, սպասարկման եւ հասարակական կարգի պահպանության ծառայության աշխատակիցները Տիգրան Մեծ պողոտայում գտնվող Ֆիրդուսի տոնավաճառի ետնամասում էին: Մոտ 20 աշխատակից՝ բանվորական ուժի օգնությամբ փորձում է ապամոնտաժել տոնավաճառը: Նրանք նաեւ գիշերը էքսկավատոր են մտցրել շուկային հարող տարածք: Ժամը 06:30-ից նրանք աշխատանքները դադարեցին, քանի որ շուկային հարող բնակելի տների բնակիչները՝ լսելով նրանց ձայները, դուրս գալով տներից փակեցին քաղաքապետարանի աշխատակիցների ճանապարհը՝ մտավախություն ունենալով, որ եթե քանդվի շուկան, հետագայում էլ կքանդվի իրենց տները, որոնք հանրային գերակա շահ են ճանաչվել: Բնակիչնեչից դեռեւս ոչ բոլորն են փոխհատուցում ստացել:

Քաղաքապետարանի առեւտրի եւ սպասարկման բաժնի աշխատակիցներ Արարատ Մկրտչյանը եւ նույն բաժնի մեկ այլ աշխատակից փորձում էին բանակցելու միջոցով ապամոնտաժում իրականացնել: Վերջիններիս պնդմամբ՝ քաղաքապետարանը երկու ամիս ժամանակ էր տրվել շուկայի առեւտրականներին այլ առեւտրային տարածք տեղափոխվելու նպատակով, սակայն նրանք չեն տեղափոխվել, իսկ այժմ պետք է ապամոնտաժել շուկան, որպեսզի ճանապարհ բացեն հետագա կառուցապատման համար:

Դիմելով քաղաքապետարանի աշխատակիցներին առեւտրականներն ասում էին, որ գրավոր դիմել են քաղաքապետարան, որպեսզի մինչեւ այս տարվա վերջ կարողանան աշխատել, սակայն դեռ պատասխան չեն ստացել:

«Լավ, համայնքի ճանապարհն ա, համայնքապետը որոշել է, որ ճանապարհը պետք է  մաքրվի, շուկան չի լինելու»,- դիմելով առեւտրականներին ասաց Արարատ Մկրտչյանը:

Մինչ այդ քաղաքացիների պահանջով էքսկավատորը հեռացվեց շուկայի ցանկապատի մոտից, բայց առեւտրականները չեն հեռանում շուկայի մուտքի մոտից: Տարածքում ոստիկաններ էլ կան, որոնց միջամտության կարիքը դեռ չի զգացվում; Քանի դեռ բանվորները փորձում են քանդել շուկայի տոպրակներով հարմարեցված ծածկը, բնակիչներն ու շուկայի աշխատակիցները ընդհատում են նրանց աշխատանքը:

Առավել մանրամասն՝ տեսանյութում:

Երևանի քաղաքապետարանում հունիսի 13-ին կայացած աշխատանքային հերթական խորհրդակցության ժամանակ, որը վարել է քաղաքապետ Տարոն Մարգարյանը, զեկուցվել է, որ շարունակվում են մայրաքաղաքում գործող տոնավաճառների սեփականատերերի հետ բանակցությունները՝ կառուցապատման աշխատանքներով պայմանավորված Ֆիրդուսի տոնավաճառի առևտրականներին այլ տոնավաճառներ տեղափոխելու և նրանց գործունեությունը շարունակելու համար անհրաժեշտ պայմաններ ապահովելու նպատակով: Ըստ այդմ, սեփականատերերի հետ նաև պայմանավորվածություններ են ձեռքբերվում սկզբնական շրջանում Ֆիրդուսի տոնավաճառի առևտրականներին որոշակի արտոնություններ տրամադրելու հետ կապված: Զեկուցվել է, որ նախորդ շաբաթ հանդիպումներ են կայացել ինչպես տոնավաճառի կազմակերպիչների, այնպես էլ տարածքի առևտրականների հետ և պայմանավորվածություն է ձեռքբերվել բոլոր կողմերի մասնակցությամբ ստեղծել աշխատանքային խումբ, որը և կքննարկի կողմերի ներկայացրած առաջարկություններն ու դիտարկումները:

«Որոշ մարդկանց կողմից Ֆիրդուսի տոնավաճառի առևտրականներին այլ տոնավաճառներ տեղափոխելու գործընթացը փորձ է արվում ներկայացնել որպես մարդկանց օրվա հացից զրկել, մինչդեռ մեր նպատակը բնավ այդ մարդկանց նեղացնելը չէ: Ավելին, մենք փորձում ենք անել առավելագույնը, որ հնարավորին աջակցենք Ֆիրդուսի տոնավաճառի առևտրականներին՝ հաշվի առնելով, որ այդ տարածքում առաջիկայում սկսվելու են կառուցապատման աշխատանքները, և մեր այս համաքաղաքացիների խնդրի կարգավորումը դարձել է առաջնահերթություն: Ընդ որում, թե՛ տոնավաճառի կազմակերպիչները և թե՛ առևտրականները դեռ մեկ տարի առաջ են տեղեկացվել, որ տարածքը վաղ թե ուշ պետք է ազատվի: Ամեն դեպքում, արեք հնարավորը, որ առավելագույնս հաշվի առնվեն տարածքում առևտուր իրականացնող մեր համաքաղաքացիների առաջարկները և ապահովվի խնդրի կարգավորումը», - նշել է Տարոն Մարգարյանը:

Տպել
4842 դիտում

Շենգավիթում հնչած կրակոցների հետեւանքով մահացածը թաղային հեղինակություն է

Վարչապետը տիկնոջ եւ դուստրերի հետ մասնակցել է Գյումրու օրվան նվիրված տոնական միջոցառումներին (լուսանկարներ)

Այս տարի Գյումրին լինելու է Հայաստանի անկախության տոնակատարությունների կենտրոնը․Նիկոլ Փաշինյան

Գյումրիում մեկնարկել է քաղաքի օրվան նվիրված տոնական համերգը (լուսանկարներ, ուղիղ միացում)

Կրակոցներ Երեւանում․ կա 1 զոհ եւ վիրավորներ․ հայտնաբերվել են պարկուճներ, դանակներ․ Shamshyan.com

Գյումրին հայի համար աշխատասիրության, տաղանդի ու ոգու քաղաք է․ Կոմանդոսը մասնակցում է Գյումրու օրվա տոնակատարությանը

Հավանաբար այս տարվա ընթացքում կունենանք ժամանակացույցը՝ 2 տարի է, 3 թե 4․ Շիրակի մարզպետը՝ տնակների խնդրի մասին

Հենց նոր մի հետաքրքիր տեղեկություն իմացա. Նիկոլ Փաշինյան

Լարված վերջաբան Գյումրիում. Փյունիկը 1-3 հաշվով պարտվեց «Շիրակին»

Լուծարվող գիշերօթիկների աշխատակիցները վարչապետի հետ չկարողացան խոսել

Գյումրին պետք է դառնա Երեւանին մրցակից. Ֆելիքս Ցոլակյանը մասնակցում է Գյումրու տոնի միջոցառումներին (լուսանկարներ)

Մենք 21-րդ դարում ենք, բայց մեր ունեցած տեխնիկան 20-րդ դարի է. Ֆելիքս Ցոլակյան

Նիկոլ Փաշինյանը եւ Աննա Հակոբյանը պարում են Գյումրու Ռուսթավելի փողոցում (տեսանյութ)

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան

Փաշինյանն ընտանիքի հետ մասնակցում է Գյումրու տոնի միջոցառումներին (ֆոտոռեպորտաժ)

«Քաղաքի օր» տոնակատարության շրջանակում շահագործման հանձնվեց Շիրազի փողոցը. բացմանը ներկա էր վարչապետը (տեսանյութ)

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է