Դատի են տվել Ծառուկյանի ընկերությանը. վերջինս հակընդդեմ հայց է ներկայացրել

Նախորդ տարվա մայիսի 17-ին Արարատի մարզի Ավշար գյուղի գյուղապետարանը դատի է տվել Ազգային Ժողովի «Ծառուկյան» խմբակցության ղեկավար Գագիկ Ծառուկյանին պատկանող «Մուլտի գրուպ սթոուն» սահմանափակ պատասխանատվությամբ ընկերությանը:

Այս մասին armtimes.com-ը տեղեկանում է Դատական տեղեկատվական համակարգից, որտեղ նշված է, որ գյուղապետարանը գույքն ուրիշի ապօրինի տիրապետումից պահանջելու մասին է հայցադիմում ներկայացրել: Դատական գործը քննում է Արարատի եւ Վայոց ձորի մարզի ընդհանուր իրավասության դատարանը: Հայցադիմումի մեջ նաեւ պահանջ է եղել, որպեսզի դատաքննության ընթացքում «Մուլտի գրուպ սթոուն» ընկերության որոշակի գործողություններ սահմանափակվի: Առաջին նիստը տեղի է ունեցել 2016 թվականի օգոստոսի 26-ին, որից հետո մինչ օրս 3 դատական նիստ է տեղի ունեցել:

Պաշտոնական հայտարարությունների «azdarar.am» կայքից էլ տեղեկանում ենք, որ այս գործով հաջորդ դատական նիստը տեղի կունենա 2017 թվականի հունիսի 28-ին՝ ժամը 16:00-ին: Այս հայտարարությամբ «Մուլտի գրուպ սթոուն» ընկերությունն արդեն դարձել է դատական գործով երրորդ անձ: Ավելին, Գագիկ Ծառուկյանի ընկերությունը հակընդդեմ հայց է ներկայացրել ինչպես գյուղապետարանի, մարզպետարանի, անշարժ գույքի կադաստրի աշխատակազմի «Արարատ» սպասարկման գրասենյակի, այնպես էլ մի շարք ընկերությունների դեմ:

«Հայտնվում է, որ քաղաքացիական գործով ըստ հայցի «Արարատցեմենտ» ՓԲԸ-ի, հայցվոր կողմում հանդես եկող ինքնուրույն պահանջներ չներկայացնող երրորդ անձ` «Մուլտի Գրուպ սթոուն» ՍՊԸ-ի ընդդեմ պատասխանողներ` ՀՀ Արարատի մարզպետարանի, ՀՀ ԿԱ ԱԳԿ աշխատակազմի «Արարատ» սպասարկման գրասենյակի, երրորդ անձանց` «Օրիենթ Սթոուն» ՍՊԸ-ի, «Ժենլիլ» ՍՊԸ-ի, Ղարիբ Ներսիսյանի, Վարդան Տեր-Դավթյանի, Նորիկ Մալխասյանի, «Քարավառ» ՍՊԸ-ի, «Մոնարխ Կապիտալ Սենթր» ՍՊԸ-ի, «Բիգ Սթոուն» ՍՊԸ-ի, ՀՀ Արարատի մարզի Ավշար գյուղական համայնքի` հողամասի վարձակալության պայմանագրերը նրանց հիմքով կատարված իրավունքների պետական գրանցումները եւ տրված վկայականները համադրումների մասով անվավեր ճանաչելու, եւ խախտված իրավունքը վերականգնելու պահանջի մասին: Ըստ հակընդդեմ հայցի Արարատի մարզպետարանի ընդդեմ «Արարատցեմենտ» ՓԲԸ-ի, ՀՀ ԿԱ ԱԳԿ ՊԿ աշխատակազմի Արարատի տարածքային ստորաբաժանման` որոշակի գործողություններ կատարելուն պարտավորեցնելու, եւ որպես հետեւանք պետական գրանցումն անվավեր ճանաչելու պահանջների մասին դատական նիստը նշանակված է 2017 թվականի հունիսի 28-ին՝ ժամը 16:00-ին»,- ասված է ծանուցագրում:

Ավշար գյուղի գյուղապետարանից տեղեկություն ստանալ մեզ չհաջողվեց, քանի որ գործող գյուղապետ Սուրիկ Գրիգորյանի եւ գյուղապետարանի հեռախոսահամարներին պատասխանող չկար:

Նշենք, որ Սուրիկ Գրիգորյանը ԱԺ Հանրապետական խմբակցության պատգամավոր Արայիկ Գրիգորյանի մերձավորներից է:

Տպել
6864 դիտում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Անձրևոտ Լոնդոնն ու թագավորական անձրևանոցները՝ գոյություն ունեցող բոլոր գույներով (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկներին, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը

Պարգեւատրվել են ԱՆ քրեակատարողական ծառայության մի շարք աշխատակիցներ (տեսանյութ)

Հանրապետության տարածքում կան դժվարանցանելի և փակ ավտոճանապարհներ

Չարենցավանում մեքենան ընկել է 9 մետր խորությամբ ջրանցքը

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք