ԿԳ փոխնախարարը տնօրեններին առաջարկու՞մ է «գործ չտալ»

Ինչպես տեղեկացրել էինք, այսօր Շիրակի մարզի դպրոցների տնօրենների հետ հանդիպեց ՀՀ կրթության գիտության նախարարի տեղակալ Մանուկ Մկրտչյանը:  Փոխնախարարը փորձում էր կատակել, որպեսզի տնօրենների խնդրահարույց հարցերն այնքան էլ սրությամբ աչքի չընկնեն, սակայն վերջիններս բարձրաձայնեցին իրենց հուզող հարցերը:

«Ես ուզում եմ մի խնդրի մասին խոսել, որը վերաբերվում է դասարաններին: Թող ինձ ներեն ավագ դպրոցների եւ վարժարանների տնօրենները, բայց, երբ ձեւավորվում էին ավագ դպրոցները եւ վարժարանները, հստակ ասվում էր՝ ձեւավորում է 9-10-րդ դասարաններից: Հիմա հետընթաց եղավ՝ սկսվեց ձեւավորվել 5-րդ դասարանից, Տպավորություն է, որ դրանք վերջում դառնալու են տարրական դպրոցներ»,-փոխնախարարին դիմելով՝ ասաց Գյումրու թիվ 20 դպրոցի տնօրեն Գրիգոր Հարությունյանը, սակայն նրան անմիջապես հակադարձեց Մկրտչյանը:

«Մի քիչ այդպես չի: Էն գլխից էլ որոշված էր, որ վարժարանները կարող են ունենալ 5-12-րդ դասարաններ, իսկ ավագ դպրոցը՝ 10, 11, 12»,-ասաց նախարարի տեղակալը, որին ի պատասխան՝ մի քանի տնօրեններ դահլիճից գոռացին.

«Ըդպես է»,-ասացին տնօրենները՝ ցանկանալով հաստատել, որ ավագ դպրոցներում հիմնական դասարանների աշակերտներ կան:

«Այ ժողովուրդ ջան, Աստվածաշնչում հիշում եք, որ Հիսուսին մեղադրում են շաբաթ օրը գործ անելու համար…, հիմա, ես եմ էդ բաները մտածում, այսում եք՝ այդպես չի: Շատ հազվադեպ է, երբ մեկ վարժարան ունի 5-րդ դասարանից սկսվող աշակերտներ: Նստած են մարդիկ, թող ասեն, որ ավագ դպրոցներն են, որ 10, 11, 12 դասարաններից բացի ուրիշ դասարաններ էլ ունեն»,-փոխնախարարը փորձում էր հակադարձել, բայց թիվ 20 դպրոցի տնօրենն իրենն էր պնդում: 

«Պարոն Մկրտչյան, այսօր բոլոր ավագ դպրոցներն էլ ունեն 5-րդ, 6-րդ դասարաններից մինչեւ 12-րդ դասարան: Անցած տարվանից այդ մարումը պետք է լիներ արդեն…»,-նշեց Գրիգոր Հարությունյանը:

Փոխնախարար Մկրտչյանը այնուհետ առաջարկեց անուններ հնչեցնել, որին ի պատասխան որոշ տնօրեններ տվեցին Գյումրու թիվ 2 դպրոցի անունը:

«Տեսեք, դուք հիմա ասում ենք, որ 2-րդ դպրոցի տնօրենը օրենք է խախտում, իսկ իրավապահներն էլ աչք են փակել»,-ասաց փոխնախարարը, եւ այդպես էլ թիվ 20 դպրոցի տնօրենի հարցին հստակ պատասխան չտրվեց:

Փոխնախարար Մանուկ Մկրտչյանի վերջին պատասխանն էլ կարծես զգուշացում լիներ, թե պետք չի իրավապահներին «գործ տալ»: Հիշեցնենք, որ նման մի սկանդալային հայտարարություն էլ «գործ չտալու» մասին ԱԺ-ում ՀՅԴ-ի ցուցակով ընտրված պատգամավոր Անդրանիկ Կարապետյանն էր արել:

Շիրակի մարզի Լուսաղբյուր համայնքի 80 աշակերտ ունեցող միջնակարգ դպրոցի տնօրենն էլ առաջարկեց, որ դպրոցներին ֆինանսավորելու ժամանակ հաշվի առնել՝ Շիրակում մյուս մարզերի համեմատ, դպրոցների ջեռուցման համար ավելի շատ գումար են ծախսում:

«Մեր դպրոցը պարտքեր է կուտակել ջեռուցման պատճառով, ճիշտ է, լրիվ ֆինանսավորվել են, բայց քանի որ մեր մարզը ցուրտ է, գումարը շատ է կազմել: Հիմա մեզ վրա վարչական տույժ են կիրառում, ասում են՝ կտուգանենք: Տրված փողը չի բավարարում մեր լրիվ ջեռուցմանը: Այս պահին 650 հազար դրամի եկամտահարկ ենք պարտք: Ես խնդրում եմ, որ Դուք այս խնդիրը նկատի ունենաք, որ տույժ-տուգանք չկիրառվի: Խնդրում եմ գումար բաշխելիս հաշվի առնել մարզի բնակլիմայական պայմանները»,-ասաց տնօրենը, որի առաջարկը զարմացրեց փոխնախարարին:

«Ես ֆինանսների փոխնախարարը չեմ, կարամ արխային ասեմ՝ ախպեր ջան, քեզ բախշած էդ փողը: Նման առաջարկ առաջին անգամ եմ լսում, հետաքրքիր է, կքննարկենք»,-եզրափակեց Մանուկ Մկրտչյանը:

Տպել
6444 դիտում

Լիլիթ Մակունցը եւ ՀՀ-ում ՌԴ դեսպանը քննարկել են հայ-ռուսական հարաբերությունների զարգացմանն առնչվող օրակարգային հարցեր

Սևանա լճում սիգի արդյունագործական որսի մասին «Սևան» ազգային պարկ»-ում աշխատանքային քննարկում է տեղի է ունեցել

Կորնավիրուս է հաստատվել Գյումրու Նանսենի անվան գիշերօթիկ հաստատության 10 սանի և 5 աշխատակցի մոտ

Տիգրան Ավինյանը և Կովկասի բնության հիմնադրամի գործադիր տնօրենը հեռակա կարգով նոր դրամաշնորհի պայմանագիր են ստորագրել

ՏՄՊՊՀ-ն թույլատրել է «ՎԵՈՆ Արմենիա»-ն վաճառել Եսայաններին․ «Բիլայն»-ի մի շարք աշխատակիցներ բողոքում են

Կապույտ վառելիքը կհասնի Մեղրիի չգազաֆիկացված թաղամասեր. ներդրվել է շուրջ 260 մլն դրամ. ՀՏԶՀ

Ապօրինություններ Գորիսում՝ պետական սեփականության հողամասը վարձակալության հանձնելու գործընթացում. քրգործ է հարուցվել

Ավտովարկավորման շահավետ պայմաններ ՎՏԲ-Հայաստան Բանկի հաճախորդներին

Հայաստանի եւ Արցախի նախագահները հանդիպել են

Վանաձորում վերջապես մեկնարկեցին փոսային նորոգման աշխատանքները

ՀՀ հավաքականի հեռանկարային ըմբիշը բանակ կգնա. չի հասցնի տարկետման համար ցուցանիշ գրանցել

Վահագնի թաղամասում վրաերթի ենթարկված 3-ամյա երեխան մահացել է

Հիմնանորոգվում է Արմավիրի կենտրոնական փողոցը. Սուրեն Պապիկյանը ծանոթացել է աշխատանքներին (տեսանյութ)

ՀՖՖ-ն չեղարկել է «Լոռի»-«Արարատ» ֆուտբոլային խաղը. վանաձորյան թիմում կորոնավիրուսի դեպք կա

Իմ կյանքի ամենամեծ ներշնչանքի աղբյուրներից ես եղել, չես կասկածել երիտասարդների ուժին. Ռեւազյանը՝ Վարդանյանի մասին

ԲԸՏՄ տեսուչները կրկնակի ստուգայցեր են իրականացրել Շենգավիթ վարչական շրջանում. բաժանվել են դիմակներ

Հայտնի է՝ ովքեր են մասնակցելու Տնտեսագիտական համալսարանի ռեկտորի թափուր պաշտոնի մրցույթին․ կա երկու թեկնածու

ԿԳՄՍ փոխնախարարը ներկայացրել է Հանրակրթության պետական չափորոշչի նախագծի հիմնական սկզբունքները

ՀՀ վարչապետն անվտանգության խորհրդի նիստին հանդես է եկել Ազգային անվտանգության ռազմավարության վերաբերյալ ուղերձով

«Armenia» ընկերության օդանավով Դոնի Ռոստովից այսօր Հայաստան է վերադառնում 124 քաղաքացի