Ադրբեջանից ստացվել է նախնական համաձայնություն.Բաբայանը պատգամավորների Բաքու մեկնելու մասին

Արեւելյան գործընկերության խորհրդարանական վեհաժողովի՝ «Եվրանեսթ»-ի, Բաքվում կայանալիք նիստին Հայաստանի ԱԺ-ի պատվիրակության անդամների մասնակցության վերաբերյալ կազմակերպչական հարցերը ՀՀ ԱԺ-ն իրականացնում է «Եվրանեսթ»-ի քարտուղարության հետ: Այս մասին armtimes.com-ի հետ զրույցում ասաց ՀՀ ԱԺ աշխատակազմի հանրային կապերի վարչության պետ Արսեն Բաբայանը՝ անդրադառնալով Ադրբեջանի Միլի Մեջլիսի մամուլի ծառայության ղեկավար Աքիֆ Տեւեքքյուլօղլուի մեկնաբանությանը: Վերջինս ասել էր, որ Բաքվում կայանալիք Եվրանեսթ ԽՎ-ի սոցիալական, կրթության, մշակույթի և քաղաքացիական հասարակության հարցերի հանձնաժողովի կազմակերպած համաժողովին մասնակցելու նպատակով հայկական կողմը եթե դիմի Ադրբեջանին, ապա դիմումը կքննարկվի:

«Մենք կազմակերպչական աշխատանքներն իրականացնում ենք «Եվրանեսթ»-ի քարտուղարության հետ, որովհետեւ դա «Եվրանեսթ»-ի միջոցառումն է: Զուգահեռ մենք Ադրբեջանի կողմից ստացել ենք նախնական համաձայնություն քննարկել անվտանգության ապահովման հարցերը: Իրենք դեռ չեն տվել անվտանգության երաշխիքներ, բայց տվել են նախնական համաձայնություն այդ հարցն ապահովելու մասին: Տվել են մեկնարկ, որ այդ հարցը կբերեն վերջնական տեսքի: Այս ամենն ունենալուց հետո ՀՀ ԱԺ-ն կայացնի իր մասնակցության վերջնական դիրքորոշումը»,- ասաց Արսեն Բաբայանը:

Ավելի վաղ՝ ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը հայտարարել էր, որ սեպտեմբերի 22-ին «Եվրանեսթ» խորհրդարանական վեհաժողովում ՀՀ ԱԺ պատվիրակության անդամները՝ պատվիրակության ղեկավար Արմեն Աշոտյանի գլխավորությամբ, Բաքվում կմասնակցեն Եվրանեսթ ԽՎ-ի սոցիալական, կրթության, մշակույթի եւ քաղաքացիական հասարակության հարցերի հանձնաժողովի կողմից կազմակերպված համաժողովին՝ նվիրված կանանց առողջության եւ գենդերային հավասարության խթանմանը: Հայկական պատվիրակության կազմում է նաեւ ՀՀ ԱԺ պատգամավոր Մանե Թանդիլյանը: «Պատվիրակության՝ համաժողովին մասնակցելու հետ կապված կազմակերպչական հարցերը գտնվում են ընթացիկ փուլում»,- հայտարարել էր Արմեն Աշոտյանը:

Վերջին անգամ 2012 թվականին է ՀՀ Ազգային ժողովի «Եվրանեսթ»-ի պատվիրակությունը եղել Ադրբեջանում: 2012 թվականի ապրիլի 2-ից 4-ը Բաքվում անցկացվել էր «Եվրանեսթ» խորհրդարանական վեհաժողովի երկրորդ լիագումար նիստը: Հայկական պատվիրակության կազմում էին Վահան Հովհաննիսյանը (պատվիրակության ղեկավար), Արտակ Զաքարյանը, Նաիրա Զոհրաբյանը, Լիլիթ Գալստյանը, Խաչիկ Պետրոսյանը, Ստյոպա Սաֆարյանը, Հովհաննես Սահակյանը, Արամ Սաֆարյանը, Մանվել Բադեյանը, պատասխանատու քարտուղար Կարինե Շիմշիրյանը: 

Տպել
7197 դիտում

Երեւանում Բեթհովենի գործերը կնվագեն իր համերկրացի դաշնակահարն ու աշխարհահռչակ Ջոն Նելսոնը

Ձևավորվում է Ղարաբաղյան հարցի բանակցային նոր բովանդակություն. Նիկոլ Փաշինյան

Շուտով կստեղծվի միջգերատեսչական աշխատանքային խումբ, որը բանակում բարեփոխումների օրակարգը կդարձնի իր աշխատանքային թեմա

ՖՆ ջանքերով Հայաստանը հանվել է ԵՄ-ի հետ հարկային հարցերով չհամագործակցող երկրների «Մոխրագույն ցուցակից»

ԱՄՆ-ը ընդլայնել է Իրանի դեմ պատժամիջոցների ցանկը

Ամենաատելի օլիգարխն ասում է՝ ոտերս մաքրելու եմ. արդարադատությունն է իր ոտքերը օրենքով սահմանված կարգով մաքրելու

Հրազդան ԲԿ-ի տնօրենին աշխատանքից ազատելը պայմանավորված է առանձնապես խոշոր չափի ֆինանսական չարաշահումներով

Մայր Աթոռ Սուրբ Էջմիածնում նշվել է Սուրբ Վարդանանց զորավարների տոնը 

Իդլիբում դաժան մարտեր են ընթացել ողջ օրվա ընթացքում. զոհեր կան հակամարտող 2 կողմում էլ

Շիրակի մարզպետ Տիգրան Պետրոսյանն ընդունել է Լիտվայի դեսպան Ինգա Ստանիտե-Տոլոչկիենեին

ՀՀ վարչապետ Նիկոլ Փաշինյանի հարցազրույցը Հանրային հեռուստաընկերությանը (ուղիղ)

Գագիկ Ծառուկյանի տան դիմաց գտնվող «Մուլտի» բենզալցակայանում ՊԵԿ-ը ՀԴՄ խախտման 2-րդ դեպքն է արձանագրել

Շուկայի վերահսկողության տեսչական մարմինը վարչական պատասխանատվության է ենթարկել «Թոյս լանդ» ՍՊԸ-ին

Երվանդ Մանարյանի հոգեհանգստի արարողությունը տեղի կունենա փետրվարի 21-ին, վերջին հրաժեշտը՝ փետրվարի 22-ին

Արաբկիրի համայնքային ոստիկաններն ապօրինի թմրաշրջանառության դեպք են բացահայտել (տեսանյութ)

Դավիթի մոտ հիվանդանոց էր եկել առողջապահության նախկին նախարարը, որին Սերժ Սարգսյանն էր ուղարկել. տուժողի հոր ցուցմունքը

20 խոշորացված համայնք փոքր դրամաշնորհ է ստացել. ՏԿԵ նախարարություն

Հունահռոմեական ըմբշամարտի հավաքականի մարզչական խորհուրդը կայացնում է ապօրինի, հակասպորտային որոշում. Արսեն Ջուլֆալակյան

Ատելության քարոզ տանում է ոչ թե իշխանությունն, այլ ատելության քարոզ տարվում է իշխանության նկատմամբ. Նիկոլ Փաշինյան

ՀՀ տարածքում կան փակ և դժվարանցանելի ավտոճանապարհներ