Մարդու պապիլոմավիրուսով վարակվում են թե կանայք, թե տղամարդիկ. առայժմ կպատվաստվեն աղջիկները

Մարդու պապիլոմավիրուսի (ՄՊՎ) դեմ Հայաստանում պատվաստում կատարվելու է 13 տարեկան աղջիկների շրջանում՝ երկնվագ՝ 6 ամիս ընդմիջումով՝ բազկի հատվածում։ Պատվաստումը, ինչպես եւ մյուս դեպքերում, պարտադիր չի լինելու, ու ցանկության դեպքում հնարավոր կլինի հրաժարվել դրանից:

ՄՊՎ վիրուսի դեմ պատվաստման հեռանկարը հանրության որոշակի շրջանում դժգոհության ալիք է բարձրացրել: Շատերը թերահավատորեն են վերաբերվում դրա արդյունավետությանը: Ավելին, կասկածում են, որ իրականում այն կարող է ընդդեմ երեխաների լինել: Իմունականխարգելման ազգային ծրագրի ղեկավար Գայանե Սահակյանն ընդգծում է, որ պատվաստման արդյունավետությունն ապացուցված է եւ այդ ճանապարհով են գնում աշխարհի բազմաթիվ զարգացած երկրներ:

Նրա փոխանցմամբ, վիրուսը շատ տարածված է բնության մեջ, եւ մարդկանց 80 տոկոսը կյանքի ընթացքում վարակվում է պապիլոմավիրուսով։ Վարակվելու ռիսկին հավասարապես ենթարկվում են ինչպես կանայք, այնպես էլ տղամարդիկ։ Փոխանցման ուղին հիմնականում սեռականն է, սակայն վարակի փոխանցումը հնարավոր է նաեւ կոնտակտային ճանապարհով։ Վիրուսը կարող է պահպանվել արտաքին միջավայրում եւ թափանցել օրգանիզմ մաշկի ամբողջականությունը խախտված հատվածների միջոցով։

Պապիլոմավիրուսային վարակը հաճախ հանգեցնում է սեռական օրգանների նախաքաղցկեղային վիճակների (գորտնուկների) եւ առաջացնում ուռուցք: Հնարավոր է նաեւ վիրուսի փոխանցում պտղին մորից՝ ծննդաբերության, հատկապես՝ կեսարյան հատումների ժամանակ:

«Ապացուցված է, որ արգանդի պարանոցի քաղցկեղը մոտ 100 տոկոսով պայմանավորված է մարդու պապիլոմավիրուսներով»,- տեղեկացնում է Գայանե Սահակյանը՝ եւս մեկ անգամ ընդգծելով, որ առանց մարդու պապիլոմավիրուսի արգանդի պարանոցի քաղցկեղ չի առաջանում։

Պապիլոմավիրուսային վարակների ժամանակ գաղտնի շրջանը բավականին երկար է ՝ կես ամսից մինչեւ 20 տարի։ Բնորոշ է թաքնված ընթացքը՝ առանց ախտանշանների։ Նորմալ իմունային համակարգ ունեցող կանանց մոտ քաղցկեղը կարող է զարգանալ 15-20 տարի հետո՝ իսկ թուլացած իմուն համակարգի դեպքում՝ 5-10 տարի հետո։

Արգանդի պարանոցի քաղցկեղը իր տարածվածությամբ կանանց շրջանում երկրորդն է՝ կրծքագեղձի քաղցկեղից հետո։

«Մարդկանց մոտավորապես 80 տոկոսը, որոնք չեն պատվաստվել ՄՊՎ-ի դեմ պատվաստանյութով նախքան սեռական կյանքով ապրելը, վարակվում են առնվազն մեկ տեսակի ՄՊՎ- ով, նույնիսկ եթե նրանք ունենան միայն մեկ սեռական հարաբերություն իրենց կյանքի ընթացքում»,- նկատում է Իմունականխարգելման ազգային ծրագրի ղեկավարը:

Ինչ վերաբերում է հարցին, թե եթե մարդու պապիլոմավիրուսով վարակվում են թե կանայք եւ թե տղամարդիկ, ապա ինչու է նախատեսվում պատվաստել միայն աղջիկներին, Գայանե Սահակյանը պատասխանեց, որ հետագայում գուցե նաեւ տղաները պատվաստվեն: «Եթե ծածկույթը բարձր լինի, դրա անհրաժեշտությունը չի զգացվի, քանի որ կպաշտպանի նաեւ տղաներին: Էությունը հետեւյալն է՝ աղջիկների մոտ վիրուսի շրջանառությունը կնվազի, հետեւաբար տղամարդիկ չեն վարակվի ու իրենք էլ զերծ կլինեն հիվանդությունից»,- ասաց նա:  

Անդրադառնալով վերոնշյալ պատվաստման կողմնակի երեւույթներին՝ Իմունականխարգելման ազգային ծրագրի ղեկավարը տեղեկացրեց, որ այդ երեւույթներն աննշան են. ավելի շատ դիտարկվում են տեղային ռեակցիաներ՝ ներարկման տեղում ցավ, կարմրություն, այտուց, քիչ դեպքերում՝ սուր ցավ: Որպես ընդհանուր ռեակցիաներ, կարող են դիտարկվել, օրինակ, գլխացավ, ջերմության բարձրացում, սրտխառնոց, ընդհանուր թուլություն, ցավ որովայնի շրջանում, մկանացավ, ալերգիկ ցան:

Գործնականում, ըստ նրա, արձանագրվել են նաեւ ուշաթափության դեպքեր, որոնք անհատական են եղել՝ պայմանավորված վախի եւ հուզական գործոնով: Ծանր ռեակցիան՝ անաֆիլաքսիան, նույնպես անհատական է, զարգանում է 1.7 միլիոնից մեկ դեպքում:

Հավելենք, որ Հայաստանում նախատեսվում էր ՄՊՎ վիրուսի դեմ պատվաստումներ իրականացնել այս տարվա սեպտեմբերից: Ժամկետը, սակայն, հետաձգվել է մինչեւ դեկտեմբեր: Գայանե Սահակյանը պատասխանեց, որ դա արվել է պատվաստումների ներդրման միջոցառումներն արդյունավետ իրականացնելու նպատակով:

Տպել
4992 դիտում

Պետք է առաջինը մտածենք բուժաշխատողների առողջության մասին. Արսեն Թորոսյան

Բուժաշխատակիցները մասնակցել է կորոնավիրուսի կանխարգելմանը և բուժմանն ուղղված վերապատրաստման դասընթացների

#ՏանըՄնա և վայելի՛ր. շաբաթական երկու օր հայ կատարողները ելույթ կունենան տնից

«Գյումրի» ԲԿ-ի 29 աշխատակիցներ մեկուսացված են, կորոնավիրուսով հիվանդ որսորդի հետ շփված մարալիկցիները՝ ևս

Արցախում կառավարությունն ամրագրել է հյուրանոցային ավելի քան 80 համարներ, առանձնացվել են մեկուսացման տարածքներ

Վարակի տարածման ինտենսիվության գործակիցը գնահատված մոտ 2 արժեքից հաջողվել է նվազեցնել մինչև 1.4-ի

Չունեմ կորոնավիրուսային հիվանդություն, հիվանդանոցում կամ հյուրանոցում չեմ բնակվում. փոխնախարարի պարզաբանումը

Նոր Նորքի բազմաբնակարանները երեկվանից ախտահանվում են նոր, ավելի արդյունավետ սարքերով

Կոչ եմ անում չմասնակցել ընտրությունների երկրորդ փուլի քվեարկությանը․ Մասիս Մայիլյան

Ստեփանակերտի համեմատաբար խոշոր առևտրային սրահների տարածքներն ու մարդաշատ վայրերը ախտահանվել են

Տնտեսական բլոկի եւ կենտրոնական բանկի մասնագետների հետ քննարկում՝ վարչապետի գլխավորությամբ

Արցախ ներկրված նոր տեխնիկան ժամանակավորապես փոխանցվել է ՊԲ-ին՝ լրացուցիչ ախտահանման համար

Փլուզվել է ջրամբարի արտաքին պատը

Կորոնավիրուսի տարածման 7-օրյա կրկնապատկման տեմպը պահպանվում է. Արսեն Թորոսյան

Միասին ընթերցում ենք «Փոքրիկ իշխանը», Օր 2.ԿԳՄՍ նախարարն ուղիղ եթերում է

Քաղաքական խաղերի ժամանակը չէ

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում

Առողջապահության նախարարն այցելել է կորոնավիրուսի բուժմամբ զբաղվող բժշկական կազմակերպություններ

Վեհափառ Հայրապետն աղոթել է մխիթարության եւ բժշկության համար. դուրս է բերվել Աստվածամուխ Սուրբ Գեղարդը

Վրաերթ Արարատի մարզում․ 30 գառ տեղում սատկել է