Հայաստան-ԵՄ նոր համաձայնագրի չստորագրման վտանգի մասին խոսում են միայն մեր լրատվամիջոցները

15/09/2017 schedule20:27

Հայաստան-ԵՄ նոր համաձայնագիրը, ինչպես Բրյուսելից «Ամերիկայի ձայն»-ի հետ հեռախոսազրույցում հայտնել էր Եվրոպական Հանձնաժողովի՝ արտաքին հարաբերությունների եւ անվտանգության հարցերով խոսնակ Մայա Կոսիանչիչը, կողմերը կարող են ստորագրել արդեն մոտ ապագայում: Հաշվի առնելով նախկինի դառը փորձը, երբ Հայաստանը մեկ գիշերում իր արեւմտյան կողմնորոշումը փոխեց ԵԱՏՄ՝ իսկ այն ժամանակ՝ դեպի Մաքսային միություն կողմնորոշմամբ, հայկական կողմում մտավախություններ կան. մտահոգվում ենք՝ արդյոք այս անգամ Ռուսաստանը չի՞ փորձի խանգարել՝ հատկապես վերջին օրերին ԵՄ-Ռուսաստան սրված հարաբերությունների ֆոնին, արդյոք հայկական կողմը մի ինչ-որ «անհասկանալի» պատճառով չի՞ մտքափոխվի այդ համաձայնագիրը ստորագրելուց եւ այսպես շարունակ:

Ու եթե անգամ Երեւանում փողոցների անուններն անվանափոխելն է ռուսական կողմում սվիններով ընդունվում, երբ անընդհատ Ռուսաստանից մեզ ակնարկում են լեզվի, քաղաքականության հարցերի տեսանկյուններից, այդ հարցերը բնական են:

Այս հարցի կապակցությամբ ԱԺ ՀՅԴ խմբակցության ղեկավար, ԵԽԽՎ-ում Հայաստանյան պատվիրակության անդամ Արմեն Ռուստամյանը armtimes.com-ի հետ զրույցում նշում է, թե այդ վտանգի մասին խոսում են միայն մեր՝ հայկական լրատվամիջոցները:

«Դրա համար որեւէ հիմք, Ռուսաստանից կամ Եվրոպայից եկող որեւէ ազդակ չկա: Ընդհակառակը՝ բոլորը գիտեն, թե ինչ պրոցես է տեղի ունենում, Եվրամիությունը գնացել է այս համագործակցությանն արդեն այն պայմաններում, երբ Հայաստանը ԵԱՏՄ անդամ է, դրա հետ պրոբլեմ չի տեսնում, Ռուսաստանը վաղուց գիտի, որ այդ գործընթացն ընթանում է Եվրամիության հետ եւ անհամատեղելի հարցեր չի առաջացնում Եվրամիությունը...ԵՄ-ն իր քաղաքականաությունը վաղուց փոխել է, մենք էլ պետք է հասկանանք, որ այդ քաղաքականության փոփոխման համատեքստում որեւէ խոչընդոտ, պրոբլեմ, որ կարող էր լիներ, ինչը ժամանակին կար, այդպիսի բան չի կարող առաջանալ»,- նշեց Ռուստամյանը:

Ճիշտ է՝ Եվրամիության ներկայացուցչի խոսքով, Բրյուսելը  իրոք հետաքրքրված է Հայաստանի պետականության ամրության եւ կայունության մեջ, բայց մինչեւ ստորագրված համաձայնագիրը ոչ ոք չտեսնի, մտավախությունները չեն դադարելու՝ «Աչքը տեսածից է վախենում» սկզբունքով:

Ամեն դեպքում՝ Արմեն Ռուստամյանը նշում է նաեւ, որ անգամ հանգամանքը, որ Արեւմուտքը, այդ թվում նաեւ ԵՄ-ն կոշտացրեց իր դիրքորոշումները Ռուսաստանի նկատմամբ, դա որեւէ կապ չունի մեր պրոցեսի հետ:

«Եվրամիությունը կարող է երկկողմ հարաբերություններում, իր նպատակներից ու շահերից ելնելով, գործընթացներ ունենալ: ԵՄ-ն մեզ դիտում է որպես կարեւոր գործընկեր, դրա մասին բոլորովին վեջերս ԵՄ ներկայացուցիչն է հայտարարել: Այսինքն՝ իրենք որեւէ խնդիր չեն տեսնում, մենք, չգիտես որտեղից, խնդիրներ ենք հարուցում»,- նշում է Արմեն Ռուստամյանը:

Ի դեպ՝ հանրապետական տարբեր ներկայացուցիչները եւս բավականին վստահ են, որ այդ համաձայնագիրը կստորագրվի ու դա հենց այն փաստի ապացույցն է, որ ԵԱՏՄ-ն մեր արտաքին քաղաքական նպատակների հարցում ոչինչ չի փոխել:

Տպել
3805 դիտում

Ստեփանավանում 81-ամյա տղամարդը ինքնասպան է եղել շենքի տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում