Ամերիկայի հայկական ասամբլեան Կոնգրեսին կոչ է անում հետաքննել «Ադրբեջանական լվացքատունը»

18/09/2017 schedule08:34

Ամերիկայի հայկական ասամբլեան ԱՄՆ Կոնգրեսի հսկողության և կառավարական բարեփոխումների, նաև հետախուզության կոմիտեներին նամակ է հղել՝ մտահոգություն հայտնելով Ադրբեջանի խավիարային դիվանագիտության և վերջերս հրապարակված «Ադրբեջանական լվացքատուն» կոռուպցիոն սկանդալի շուրջ: 

Կոնգրեսականների ուշադրությունն է հրավիրվել ժողովրդավարական արժեքներն ու ինստիտուտները տապալելու Ադրբեջանի փորձերի վրա: «Մենք չպետք է աչք փակենք ամերիկյան ժողովրդավարության վրա  կոռուպցիայի օգնությամբ Ադրբեջանի ազդեցության վրա», հայտարարել են Ասամբլեայի համանախագահներ Էնթոնի Բարսամյանը եւ Վան Կրիկորյանը:

Նրանք նշել են, որ այս շաբաթ Եվրախորհրդարանը հավանություն է տվել բանաձևին, որը դատապարտել է եվրոպական քաղաքական գործիչների վրա ազդելու Ադրբեջանի փորձերը, և Կոնգրեսի կոմիտեներին կոչ են արել հետևելով նրանց օրինակին հետաքննություն անցկացնել: 

Ավելի վաղ հայտնի էր դարձել, որ «Կազմակերպված հանցավորություն և կաշառակերության լուսաբանման նախագիծը» (OCCRP) բացահայտել է՝ CNN-ի նախկին պրոդյուսեր Էքարտ Սեջերը 2.6 մլն դոլար է ստացել բրիտանական ընկերություններից, այդ թվում և Hilux Services-ից: Գումարը փոխանցվել է Սեջերի՝ Արաբական Միացյալ Էմիրություններում գրանցված հաշվեհամարին: 

Սեջերը, գումար ստանալով Ադրբեջանից, հոդվածներ է հրապարակել՝ տարբեր հարցերի շուրջ քարոզելով Ադրբեջանի տեսակետը կամ պաշտպանելով ադրբեջանամետ գործիչներին: Օրինակ, հոդվածներից մեկը պաշտպանում է իտալացի պատգամավոր Լուկա Վոլոնտեին, որին մեղադրում են Ադրբեջանից գումար ստանալու և Ադրբեջանում մարդու իրավունքների խախտման մասին ԵԽԽՎ զեկույցը վերանայելու մեջ:

Սեպտեմբերի 4-ին բրիտանական մամուլը հոդվածների շարք հրապարակեց, ըստ որոնց Ադրբեջանի իշխող վերնախավը 2.9 մլրդ դոլարի գաղտնի ծրագիր է իրագործել՝ նշանավոր եվրոպացիներին վճարելու, շքեղ ապրանքներ ձեռք բերելու և բրիտանական ընկերությունների միջոցով փող լվանալու համար, գրում է ՝ նշելով, որ այս տեղեկությունները պարզել է սեփական հետաքննությունն իրականացնելու արդյունքում:

Բացահայտված տվյալները ցույց են տալիս՝ Ադրբեջանի ղեկավարությունը, որը մեղադրվում է մարդու իրավունքների բազմաթիվ խախտումների, պարբերական կոռուպցիոն գործարքների և ընտրությունները կեղծելու մեջ, 2012-2014 թվականներին ավելի քան 16.000 գաղտնի վճարում է կատարել: 

Գումարի մի մասն ուղղվել է քաղաքական գործիչներին և լրագրողներին՝ որպես միջազգային լոբինգի մի մաս, որն ուղղված է եղել երկրի նախագահ Իլհամ Ալիևի դեմ հնչող քննադատությունները դադարեցնելուն, նավթով հարուստ Ադրբեջանը դրական իմիջով ներկայացնելուն:

Սեպտեմբերի 14-ին Եվրախորհրդարանը քվեարկել է բրիտանական հեղինակավոր լրատվամիջոցների ջանքերով բացահայտված և «Ադրբեջանական լվացքատուն» կոչված գործով հետաքննություն սկսելու օգտին:

Տպել
1514 դիտում

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)