Սա ոչ թե համահայկական,այլ իշխանական համաժողով է.Մանե Թանդիլյանը «Ելք»-ին չհրավիրելու մասին

Այսօր Կարեն Դեմիրճյանի անվան մարզահամերգային համալիրում տեղի ունեցավ «Փոխադարձ վստահություն, միասնականություն եւ պատասխանատվություն» խորագրով Հայաստան-Սփյուռք հերթական՝ 6-րդ համահայկական համաժողովը:

Այս տարի համաժողովին, ըստ Սփյուռքի նախարարության, մասնակցելու է ավելի քան 1800 մարդ՝ 71 երկրից: Ներկաների թվում են Հայաստանի Հանրապետության եւ Արցախի Հանրապետության պետական բարձրաստիճան այրեր եւ հոգեւոր առաջնորդներ:

Համահայկական անունը կրող միջոցառմանը, թերեւս, հրավիրված չեն եղել ՀՀ խորհրդարանի ընդդիմադիր թեւի ներկայացուցիչները: Մասնավորապես՝ «Ելք» խմբակցության ղեկավար Նիկոլ Փաշինյանը ֆեյսբուքյան իր էջում գրել է. «Դաշինքի կուսակցությունները, ինչպես նաեւ ԱԺ կամ Երեւանի ավագանու խմբակցության անդամները համաժողովին մասնակցելու հրավերներ չեն ստացել, առավել եւս՝ չեն հրավիրվել Հայաստան-Սփյուռք հարաբերությունների վերաբերյալ Դաշինքի մոտեցումները հայտնելու»,- մասնավորապես, գրել է պատգամավորը:

Թեմայի շուրջ armtimes.com-ը զրուցել է Աժ «Ելք» խմբակցության պատգամավոր Մանե Թանդիլյանի հետ: 

- Տիկին Թանդիլյան, նախ խնդրում եմ մեկնաբանել այն հանգամանքը, որ «Ելք» կուսակցությունների դաշինքին չեն հրավիրել Հայաստան-Սփյուռք 6-րդ համաժողովին: Իշխանություններն արդյո՞ք զգուշություն են դրսեւորել ընդդիմադիր քաղաքական ուժի ներկայությունից:

- «Ելք» դաշինքի ներկայացուցիչներին չհրավիրելով իշխանությունները, ըստ էության, փաստել են, որ սա ոչ թե համահայկական միջոցառում է, այլ իր բնույթով իշխանական է եւ միտված է սփյուռքին ցույց տալու, որ Հայաստանի իշխանությունները երկիրը տանում են զարգացման ճիշտ ուղղությամբ, եւ որ այդ ուղղությանը ընդդիմախոսներ չկան: Ըստ իս, սա իրենց կողմից ոչ թե զգուշավորություն է, այլ ընդդիմադիր ձայնի միտումնավոր մեկուսացում: Բնական է, որ մենք ներկայացնելու էինք զարգացման մեր տեսլականը ի հակադրություն իշխանությունների որդեգրած ձախողված ուղուն: Իսկ իշխանությունները անհանդուրժող եւ մեծամիտ են իրենց կարծիքներից տարբերվող կարծիքների եւ տեսակետների նկատմամբ:

Սփյուռքի նախարարությունն էլ ամենավատ աշխատող նախարարություններից մեկն է, որը բացի «1000 դոլար՝ բանկերում» պատկերացումներից այն կողմ այլ տեսլական չունի Հայաստան-Սփյուռք համագործակցության կամուրջների եւ հնարավորությունների մասին: Դրա արդյունք ու սփյուռքահայության անգնահատելի «know-how»-ն կորսված է, որը կարող էր Հայաստանը բարձրացնել զարգացման այլ մակարդակ:

- Խմբակցության ղեկավար Նիկոլ Փաշինյանը նշել էր, որ այս եւ մի քանի այլ փաստեր գալիս են վկայելու, որ միջոցառումը միտված է Սերժ Սարգսյանի PR ակցիայի վերածվելու: Ըստ Ձեզ՝ ի՞նչ նպատակով է անհրաժեշտ PR-ը Սերժ Սարգսյանին, կապ ունի՞ 2018 թվականի վարչապետի թեկնածության հետ:

- Ես կարծում եմ, որ միջոցառման հիմնական բաղադրիչներից մեկը ներքին լսարանի համար ցուցադրումն է այն բանի, թե սփյուռքը պատրաստակամ է աշխատելու իշխանությունների հետ եւ նրանց միջեւ առկա է երկխոսություն: Իշխանությունները կարող էին հերքել այս տեսակետն իրապես համահայկական միջոցառում կազմակերպելով, սակայն դա տեղի չունեցավ:

- Ժողովրդագրական միտումները մեր երկրում խիստ մտահոգիչ են: Նման հայտարարություն Սերժ Սարգսյանն արել է համաժողովի ընթացքում: Ի՞նչ է նա նկատի ունեցել:

- Ժողովրդագրական միտումների մասին տարիներ շարունակ կարծիքներ եւ տեսակետներ են հնչում եւ երկար ժամանակ է, ինչ այն մտահոգում է հասարակության գրեթե բոլոր շերտերին: Ակնհայտ է, որ այդ բացասական ցուցանիշները ուղղակիորեն կապված են Հայաստանում իշխանությունների եւ իշխանությունների կատարած աշխատանքի հետ եւ կարծում եմ, որ սրա շուրջ է, որ ՀՀԿ-ն եւ Սերժ Սարգսյանը վաղուց պետք է մտահոգված լինեին, եւ այս փուլում արդեն գործնական քայլերի դիմեին այդ մտահոգիչ միտումները կանխելու:

- ԵԼՔ դաշինքի նախընտրական ծրագրի կարեւորագույն կետերից մեկը Հայաստանի խորհրդարանի երկրորդ պալատի ստեղծումն է՝ կազմված Սփյուռքի համայնքների ներկայացուցիչներից: Այս համաժողովի ընթացքում սա իրականացնելու քայլեր նկատում եք իշխանության կողմից:

ԵԼՔ դաշինքի նախընտրական ծրագրում ամրագրված է, որ կստեղծվի Հայաստանի խորհրդարանի երկրորդ պալատը, որը կազմված կլինի Սփյուռքի հայկական գաղութների ներկայացուցիչներից, ովքեր կընտրվեն հենց գաղթօջախներում անցկացվող ընտրությունների միջոցով: Ակնհայտ է, որ իշխանությունը նման մտադրություն չունի. ավելին՝ իշխանության գործելաոճը սփյուռքի հետ փոխգործակցության հարցում կրում է խիստ ձեւական եւ ոչ առարկայական բնույթ եւ հիմնականում սահմանափակվում է նման միջոցառումներով:

Տպել
5354 դիտում

ՄԱԿ-ը 2020 թվականը հայտարարել է բույսերի առողջության պահպանման միջազգային տարի

«Փյունիկ» ՖԱ-ն 5 ֆուտբոլիստի պայմանագիր է խզել

Մոսկվա-Երևան չվերթի ինքնաթիռը ուղևորի վատ ինքնազգացողության պատճառով հարկադրաբար վայրէջք է կատարել Դոնի Ռոստովում

Արմեն Սարգսյանը ներկա է գտնվել «Գյումրի, իմ սեր» խորագրով համերգին

Ղրղզստանի նախկին վարչապետ Սապար Իսակովը դատապարտվել է 15 տարվա ազատազրկման

Ֆրանսիայում ՀՀ դեսպանությունը խստորեն դատապարտում է հայկական խաչքարի պղծումը

Անհամաձայնություն հայկական եւ ադրբեջանական կողմերի միջեւ. Բաքվի միջոցառման մի մասը դուր չի եկել ՀՀ պատվիրակությանը

Վարչապետ Փաշինյանը և տիկին Աննա Հակոբյանը ներկա են գտնվել Հովհաննես Չեքիջյանի հոբելյանական համերգին

Արարատի մարզի կենսական նշանակության 3 ճանապարհահատված հանվել է երաշխիքային ժամկետից

Գյումրեցի կնոջը դանակահարած երիտասարդը ներկայացել է ոստիկանության բաժին

Քաղաքացին փորձել է ինքնասպանություն գործել՝ ցած նետվելով Դավթաշենի կամրջից:

Գյումրեցի տնակաբնակները թուրքերին երեխա չեն վաճառել. փաստական ապացույցներ ձեռք չեն բերվել

ԱՄՆ սենատում երրորդ անգամ է վետո դրվել Հայոց Ցեղասպանությունը ճանաչող բանաձեւին

Մարվել է ՏՏ ոլորտում համաշխարհային ներդրման համար ՀՀ պետական մրցանակին նվիրված Հատուկ ծրար Տակեո Կանադեի պատկերով

Կայացել է ՀՖՖ Գործադիր կոմիտեի հերթական նիստը. արտահերթ ժողովը կկայանա դեկտեմբերի 23-ին՝ ժամը 13:00-ին

Վիճաբանություն Գյումրու քաղաքապետարանի եւ գործարար Զարգարյան եղբայրների միջեւ.նոր մաքսատան տարածքում տնակներ են հայտնվել

91-ամյա Հովհաննես Չեքիջյանը դիրիժորական վահանակի մոտ. վարչապետը համերգից ուղիղ եթեր է միացրել

Հակոբ Արշակյանն ընդունել է ՏՏ ոլորտում համաշխարհային ներդրման համար ՀՀ պետական մրցանակի դափնեկրին

Զոհրաբ Մնացականյանը հանդիպել է ԵԱՀԿ գործող նախագահ Միրոսլավ Լայչակին

«Ալրաղացի Լյովիկ» անունով հայտնի Լեւոն Սարգսյանը ՌԴ քաղաքացի դառնալու համար դիմում է ներկայացրել. պաշտպան