Գորիսեցիները կասկածում են, որ ընտրություններից հետո տրանսպորտը էլի անվճար կլինի

Սյունիքի մարզի Գորիս քաղաքում քաղաքական աշունը լարված է լինելու: Այստեղ նոյեմբերի 5-ին կայանալու է քաղաքապետի արտահերթ ընտրություն: Տեղեկացրել ենք, որ արդեն նախկին քաղաքապետ Վաչագան Ադունցը հրաժարական է տվել, իսկ վարչապետի որոշմամբ քաղաքապետի ժամանակավոր պաշտոնակատար նշանակվել է գործարար Գագիկ Առուշանյանի ՀՀԿ-ական որդուն`26-ամյա Առուշ Առուշանյանին:

Վերջինս փորձում է Գորիսում «աչոկներ» հավաքել իր հաշվին: Մեր զրույցում Առուշանյանն ասել էր, որ հազար ու մի խնդիր է լուծում: Կանաչապատում է իրականացնում, միջքաղաքային տրանսպորտն է անվճար դարձրել եւ այլն:

Armtimes.com-ը գորիսեցիների շրջանում հետաքրքրվեց, թե ինչ կարծիք ունեն քաղաքապետի նոր ժամանակավոր պաշտոնակատարի մասին, արդյո՞ք Առուշանյանը մտադրված է դրական փոփոխություններ կատարելու:

«Ես ուզում եմ, որ Գորիսի քաղաքապետը մարդամոտ լինի, ժողովրդի համար աշխատի: Նախկին քաղաքապետը քիչ թե շատ անում էր, հիմա չգիտեմ, թե ի՞նչ է լինելու»,- armtimes.com-ի հետ զրույցում ասաց Գորիսի մանկավարժներից մեկը:

Առուշանյանի անվճար հասարակական տրանսպորտի հետ կապված, գորիսեցիները գոհ են, բայց մտավախություն են հայտնում, որ քաղաքապետի ընտրություններից հետո այն կրկին վճարովի է դառնալու:

«Ես չեմ օգտվում, բայց ժողովրդի համար լավ է էլի, որ անվճար է», «Ճիշտն ասած, չգիտեմ ընտրություններից հետո էլ անվճար կլինի, թե`ոչ», «Ասում են, որ անվճար է ու կան ուղղություններ, որ ավտոբուսը գնում է: Ֆեյսբուքում կա դրված, թե քանիսին ուր է գնում, բայց ես տեղեկություն չունեմ...»,- armtimes.com-ի հետ զրույցում նման կարծիք հայտնեցին Գորիսի բնակիչները:

Մեր այն հարցին, թե քաղաքում ղեկավարի պաշտոններում կամ Առուշանյանից բացի այլ թեկնածուներ կա՞ն, որ ցանկանում են առաջադրվել, բնակիչները հրաժարվեցին պատասխանել, այս թեմայով, կարծես թե, արգելված է արդեն համարվում:

«Ես չեմ ուզում ձեր հարցերին պատասխանել, հիմա, որ ասեմ՝ ում եմ ուզում քաղաքապետ լինի, իմ ուզածով է լինելու՞... Դե խոստումնալից երիտասարդ է Առուշանյանը, բայց բոլորն էլ միայն սկզբնական շրջանում են խոստումնալից, հետո չգիտեմ ինչ է լինելու»,- ասաց մեր զրուցակիցներից մեկը:

Նշենք, որ գորիսեցիները քաղաքապետի պաշտոնի եւ ընտրությունների մասին շատ զգուշությամբ էին խոսում, խուսափում էին նշել նաեւ իրենց անունները:

Տպել
7225 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը