Արդարադատության իմիտացիա. ճոպանուղու զոհերն ու մեղավորները

21/09/2017 schedule17:05

Տպագրվել է «Հայկական Ժամանակ» օրաթերթի՝ 2004 թվականի սեպտեմբերի 21-ի համարում

Ապրիլի 2-ին Երեւանի ճոպանուղու վագոնների վար ընկնելը սոսկ ողբերգական պատահար չէր. հինգ մարդկային զոհ, 6 վիրավոր, կորուստ, ցավ, տառապանք, վատնված նյութական միջոցներ: Դեպքից առաջացած շոկը հաղթահարելուց հետո բնականաբար հարց ծագեց՝ ո՞վ է մեղավոր: Կատարվածից վրդովված հասարակությունը, տուժողները, զոհերի հարազատները պահանջում էին գտնել մեղավորներին եւ պատժել: Միանգամայն արդարացված պահանջ: Սակայն, ինչպես մեզանում սովորաբար լինում է, մեղադրյալի աթոռին նստեցին ոչ բոլոր պատասխանատուները, կատարվածի պատճառներն ամբողջությամբ վեր չհանվեցին, գործը քննվեց մակերեսորեն եւ ուղարկվեց դատարան մի նպատակով՝ ցուցադրական դատավարություն անելու եւ արդարադատության իմիտացիա ստեղծելու համար:

Մեղադրյալի աթոռին նստեց «Երեւանի ճոպանուղի» բաց բաժնետիրական ընկերության գործադիր տնօրեն Գրիգոր Ջանյանը, որին մեղադրանք առաջադրվեց 245 հոդվածի 3-րդ մասով՝ «Տրանսպորտային միջոցներն անորակ վերանորոգելը կամ դրանք տեխնիկական անսարքություններով շահագործման բաց թողնելը»՝ 4-10 տարի ազատազրկում: Նա այժմ ազատության մեջ է՝ խափանման միջոց է ընտրվել չբացակայելու ստորագրությունը: Ջանյանը, որը մոտ 30 տարի աշխատում է ճոպանուղում, իրեն լիովին մեղավոր է ճանաչել: Ավելին, չսպասելով, որ գործի քննությունն ավարտվի եւ պարզվի մեղավորների շրջանակը, դեպքից անմիջապես հետո իր վրա է վերցրել կատարվածի ողջ պատասխանատվությունը եւ փոխհատուցել տուժողների վնասները:

Դրա համար վաճառել է իր բնակարանը եւ տուժողների մեծ մասին տվել այնքան գումար, որքան նրանք իրենից պահանջել են: Մինչդեռ, եթե նա չշտապեր ու չփակեր այդ վնասները, դրանք դրվելու էին ոչ թե անձամբ նրա, այլ «Երեւանի Ճոպանուղի» ԲԲԸ-ի վրա, որի սեփականատերը Ռոբերտ Եղիազարյանն է: Ի դեպ, վերջինս գործով անգամ չի հարցաքննվել եւ որպես վկա չի ներգրավվել: ԲԲԸ-ն փոխհատուցել է միայն վիրավորների հիվանդանոցային բուժումը՝ 1300 դոլարի չափով: Գրիգոր Ջանյանը, ի տարբերություն ընկերության, տուժողների վնասները փոխհատուցել է ըստ իրեն դիմելու կարգի, եւ քանի որ իր բնակարանի վաճառքից ստացված գումարն անսահմանափակ չէր, ուստի չի կարողացել բավարարել իրեն ուշացումով դիմած երեք տուժողներին՝ գումարը չի բավականացրել:

Այն տուժողները, ովքեր ստացել են փոխհատուցում եւ թերեւս հասկացել են, որ Ջանյանի մեղքը կատարվածի մեջ մեծ չէ, գրավոր դիմել են դատարանին եւ նշել, որ «խնդրում են գործը քննել իրենց բացակայությամբ՝ իրենք ամբաստանյալից որեւէ պարտք ու պահանջ չունեն»: Երեկ դատարան էին ներկայացել փոխհատուցում չստացած երեք տուժողները՝ Վրաստանի բնակիչ Նուրսունյանի իրավահաջորդը, իրանցի Ալի Աքբար Զարեհի իրավահաջորդը (երեք իրանցի է եղել վագոնում՝ երկուսը զոհվել են, մեկը՝ վիրավորվել) եւ Գագիկ Մանուկյանը՝ իր ներկայացուցչի հետ: Նրանք իրենց պահանջները ներկայացրին դատարանին: Նուրսունյանի իրավահաջորդը 6 հազար 600 դոլարի քաղհայց ներկայացրեց, իրանցին՝ 20 հազար 800 դոլարի: Այս գումարի մեջ էին մտնում դիակը Հայաստանից Իրան տանելու, թաղման ու հոգեհանգստի, նաեւ կերակրողին կորցնելու ծախսերը:

Դատարան ներկայացած մյուս տուժողի՝ Գ.Մանուկյանի քաղհայցը 3 միլիոն դրամից ավելի էր: Նա 800 հազար դրամ էր գնահատել իր հագուստը, որը դեպքի օրը եղել է հագին, մոտ 2 միլիոն դրամ՝ բուժման եւ դեպքից հետո ամբողջ ժամանակաընթացքում իր ընդունած սննդի արժեքը: Ամբաստանյալը դատարանում հայտարարեց, որ պատրաստ է աշխատել ու վճարել այդ բոլոր գումարները, չնայած դրանց հիմնավորվածությունը կասկածելի էր: Տուժողների պահանջները քննարկելուց հետո դատարանն անցավ ամբաստանյալի հարցաքննությանը: Ջանյանը հայտարարեց, որ ընդունում է իր մեղքը՝ ինքը վստահել է վարպետին ու մյուս աշխատակիցներին:

Վարպետը ճոպանը նորոգող Արտյոմ Գաբուզյանն է, որը տարիներ շարունակ նորոգել ու սպասարկել է ճոպանուղին: Սակայն, քանի որ դեպքի նախօրյակին ճոպանուղու տնօրինությունը, գումար չունենալու պատճառով, նրա հետ գրավոր պայմանագիր չի կնքել, ուստի նա, որպես վկա ներկայանալով դատարան, ցուցմունք է տվել, որ Ջանյանը դեպքի նախորդ օրն իրեն ընկերական է խնդրել՝ ինքն էլ օգնել է նրան ճոպանի վթարը վերացնելու գործում: Հենց այդ սխալ նորոգումն էլ, ըստ փորձագիտական եզրակացության, դարձել է վթարի պատճառ: Փորձաքննությունը պարզել է նաեւ, որ ճոպանուղին եղել է անսարք, վթարային վիճակում, եւ նրա շահագործումն անթույլատրելի էր:

Նախաքննությունը պետք է պարզեր՝ ո՞վ է մեղավոր, որ ճոպանուղին անսարք վիճակում շահագործվել է՝ արդյո՞ք միայն գործադիր տնօրենը: Արդյո՞ք ճոպանուղուն առնչված մյուս անձինք (սեփականատերը, աշխատակիցները, նորոգող ու սպասարկող կազմակեպություններն ու անձինք) մեղք չունեն, որ ճոպանուղին նորմալ չի սպասարկվել, չի նորոգվել, մաշված մասերը ժամանակին չեն փոխվել: Ճոպանուղին մշտապես սպասարկվել եւ ստուգվել է վերելակների հսկողությունն իրականացնող մի կազմակերպության կողմից, որը տարին մեկ անգամ պարտադիր ստուգել է այն: Բնականաբար, գործին կցված է այս կազմակերպության տված վերջին ակտը, որտեղ արձանագրված է, որ ճոպանուղին սարքին է ու շահագործման ենթակա: Հաջորդ նիստում դատարանը կանցնի դատական վիճաբանություններին, ապա կհրապարակի դատավճիռը:

Արմինե Օհանյան

Տպել
2082 դիտում

Հայրենիքի պաշտպաններից հինգը կաշխատեն մաքսային ծառայությունում

Ես համբերատար սպասելու եմ Փաստաբանների պալատի ընտրված նախագահի քայլերին. Գևորգ Գյոզալյան

ՀՀ-ի հայցի մուտքը Հաագայի դատարան ընդդեմ Ադրբեջանի իրապես պատմական իրողություն է. Գայանե Աբրահամյան

Նիկոլ Փաշինյանը Տաջիկստանում հանդիպել է Իրանի Իսլամական Հանրապետության նախագահի հետ (լուսանկարներ)

«Արևիկ» ազգային պարկի տարածքում հրդեհաշիջման աշխատանքները վերսկսվել են

Երևանի տարբեր հասցեներում և 8 մարզի որոշ համայնքներում լույս չի լինի

Երևան-Սևան ավտոճանապարհին մեքենաներ են բախվել. կա զոհ

Միրզոյանը վերահաստատել է Ջամմուի ու Քաշմիրի հարցում Հնդկաստանին սատարելու Հայաստանի դիրքորոշումը

«Նոյան» գործարանում բռնկված հրդեհը մարվել է

Հայաստանը դիմել է ՄԱԿ-ի Արդարադատության միջազգային դատարան՝ խնդրելով միջոցներ կիրառել Ադրբեջանի նկատմամբ

Գեղարքունիքի մարզի մի շարք համայնքների տրամադրվել է ազդարարման 7 շչակ

Օրենքով կարգավորվելու և խստացվելու է վերահսկողությունը վայրի կենդանիների անազատ և կիսաազատ պայմաններում պահման նկատմամբ

Մհեր Գրիգորյանը Միացյալ Թագավորության դեսպանին ներկայացրել է Կառավարության ծրագրի հիմնական ուղենիշները

«Արևիկ» ազգային պարկի տարածքում բռնկված կրակի շիջման աշխատանքները դադարացվել են․ սահմանվել է հերթապահություն

Մհեր Գրիգորյանն ընդունել է Անդրեա Վիկտորինին

Ռուստամ Բադասյանը հանդիպել է ՌԴ դաշնային հարկային ծառայության ղեկավարի հետ

Իրանը պետք է շարունակի դիտարկել Հայաստանը որպես տարանցիկ երկիր, բեռների փոխադրումը կանգ չի առնելու. Սուրեն Պապիկյան

Ակնալիճ գյուղում հայտնաբերվել է 2 ականանետի ական

Գյումրու թիվ 4 արհեստագործական պետական ուսումնարանում բացվել է բարեգործական խոհանոցային սրահ

Աշխատանքային քննարկում է անցկացվել աուդիտորական կազմակերպությունների ներկայացուցիչների մասնակցությամբ

Հայաստանը և Եվրապոլը համաձայնագիր են ստորագրել. Եվրապոլ կգործուղվի կապի սպա (տեսանյութ)

«Աշխարհն առանց թափոնների». Երևանի 50 դպրոց սկսում է տեսակավորել թափոնները (տեսանյութ)

Մեր նպատակը որակյալ կրթություն տրամադրելն է, այլ ոչ թե ապահովել, որ բոլորը դառնան բուհի ուսանող․ Կարեն Թռչունյան

ԱՀԿ-ն կասեցրել է «Սպուտնիկ Վի» պատվաստանյութի գրանցման գործընթացը

Հայտնի են Golden Boy մրցանակի հավակնորդները. նրանք 40-ն են

Վերանորոգված «Շիրակ» օդանավակայանն այսօր կընդունի առաջին չվերթը. դեպի Եվրոպա ևս չվերթներ կիրականացվեն (լուսանկարներ)

ԵՄ աջակցությունը շարունակական կլինի․ Վահագն Խաչատուրյանն ընդունել է Անդրեա Վիկտորինին

Օրերս կշրջեմ համայնքի բնակավայրերում, մանրամասն կծանոթանամ խնդիրներին. Գեղարքունիքի մարզպետը՝ բնակիչների ակցիայի մասին

Սամբոյի և ձյուդոյի օլիմպիական մանկապատանեկան մարզադպրոցն այսուհետ կրում է Լևոն Հայրապետյանի անունը

Ովքեր են 2021 թվականի 100 ամենաազդեցիկ մարդիկ. Time-ը ցանկ է հրապարակել

ԱՄՆ վարչակազմը շարունակելու է սերտ համագործակցությունը Հայաստանի իշխանությունների հետ․ ԱԺ նախագահն ընդունել է դեսպանին

Քաղաքական ուժերը հրավիրվել են վիճակահանության. թիվ 31 ՏԸՀ-ն ավարտել է գրանցման գործընթացը

Շիրակի մարզպետը մեր ամենացանկալի թեկնածուն էր, ՔՊ-ն Գյումրիում ակտիվ քարոզարշավ կիրականացնի. Սուրեն Պապիկյան

Մարդու իրավունքների պաշտպանը ԵԽ բիոէթիկայի բաժնի ղեկավարի հետ քննարկել է համատեղ իրականացվող ծրագրի մանրամասներ

Արմեն Գյոզալյանը նշանակվել է Հատուկ բանակային կորպուսի շտաբի պետ-կորպուսի հրամանատարի տեղակալ

Սուրեն Պապիկյանը ծանոթացել է «Հյուսիս-հարավ» ավտոճանապարհի կատարված և ընթացքի մեջ գտնվող ասֆալտապատմանը

Պատվաստումը համավարակի դեմ պայքարի հիմնական միջոցն է. նախագահ Արմեն Սարգսյանը հանդիպել է ԱՀԿ գլխավոր տնօրենի հետ

Երևանում կայացել է ԵԱՏՄ պետությունների իրավասու մարմինների ղեկավարների և ԵՏՀ կոլեգիայի անդամի «5+1» խորհրդակցությունը

Ագարակի այգիներում մեկ ամիս է՝ ջուր չի հասնում, բերքը չքաղած՝ չորացել է. ՋՕԸ պետի խոսքով՝ փորձում են իրավիճակը փրկել

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում (լուսանկարներ)