Շիրակի պետհամալսարանի գիտխորհրդի որոշումն անօրինական է և զավեշտալի. դասախոս Համբարյան

Շիրակի պետական համալսարանի (ՇՊՀ) դասախոս Գագիկ Համբարյանը ֆեյսբուքի իր էջում հրապարակել է բուհի գիտխորհրդի որոշումը, որը նա որակել է անօրինական ու զավեշտալի:

Ներկայացված որոշումից տպավորություն է ստեղծվում, որ բուհի դասախոսների աշխատավարձերը կարող են կրճատվել, իսկ առկա եւ հեռակա ուսուցման համակարգերում դասապրոցեսը կազմակերպվել միացյալ ձեւով:

Որոշման մեջ մասնավորապես նշվում է.

  1. Հաստատել ՇՊՀ «Դասախոսի ծանրաբեռնվածության ձեւավորման հիմնական նորմեր»-ի փոփոխությունները՝ ընդ որում 10 եւ 10-ից պակաս ուսանողների թվաքանակի դեպքում կուրսը համարել թերբեռնված՝ դասախոսի ծանրաբեռնվածությունը համարելով լսարանային ժամերի 50 տոկոսը:
  2. 2017-2018 ուստարվանից առկա եւ հեռակա ուսուցմամբ բակալավրի կրթական ծրագրով դասընթացներն իրականացնել ինտեգրված ձեւով:

Մեկնաբանելով վերոնշյալ որոշումը՝ Շիրակի պետական համալսարանի ռեկտոր Սահակ Մինասյանն armtimes.com-ին ասաց, որ այդ միջնորդությունն իր կողմից չի ընդունվել:

Նա նշեց, որ ուսումնական պլանները փոխվել են, փորձարկում են անցել՝ արդյունքում կրելով մասնակի փոփոխություններ:

Անդրադառնալով մեջբերված որոշման առաջին կետին, համալսարանի ռեկտորը նկատեց, որ հարցն առաջադրվել եւ քննարկվել է ամբիոններում, եւ այնտեղ գտել են, որ դրա անհրաժեշտությունը չկա:

«Իսկ առկա-հեռակայի զուգակցումը չի վերաբերում ամեն մի խմբի: Խոսքը վերաբերել է երկու կամ երեք հոգանոց խմբերին: Այսինքն՝ մենք հիմա վերջին ճշգրտումներ ենք անում՝ մեկ ամիս ապրոբացիայից հետո: Ամսի 3-4-ին հստակ, սպառիչ կպատասխանենք, թե ուսումնական պլաններից բխող հարց կա՞ որեւէ մասնագիտական ծրագրի վերաբերյալ»,- ասաց Սահակ Մինասյանը:

Նա նաեւ հավելեց, որ 90 տոկոս հավանականությամբ առկա-հեռակայի զուգակցումը եւս չի լինի:

Նշենք, որ Գագիկ Համբարյանի հրապարակած որոշումը ՇՊՀ գիտական խորհրդի նախագահի՝ Սահակ Մինասյանի ստորագրությամբ է:

Հիշեցնենք նաեւ, որ բարձրագույն այս ուսումնական հաստատությունում արշալույսները վերջին շրջանում խաղաղ չեն: Դասախոսներ Հովհաննես Խորիկյանն ու Գագիկ Համբարյանը բաց նամակով դիմել էին երկրի նախագահին եւ վարչապետին՝ հայտարարելով, թե Հանրապետական ռեկտորն ավերում է բուհը: Դրան հետեւել էր Համբարյանին ամբիոնի վարիչի ԺՊ-ի պաշտոնից ազատումը, ապա նաեւ ուսանողների դասադուլը:

Տպել
4895 դիտում

Ջավախքցիները խաղաղվել են, Արցախին ուղարկված օգնությունը Հայաստան հասավ

Պատերազմն ավարտվելու է Ադրբեջանի պարտությամբ,կամ՝ ոչ հաղթանակով. Արայիկ Հարությունյան

Արցախն իր պատմության մեջ երբեք չի գրավվել և երբեք չի գրավվելու. Արայիկ Հարությունյան

Մեր դրոշներն Ազգային Ժողովի շենքի վրա. Արարատ Միրզոյանը լուսանկար է հրապարակել

Ունենք 18 տարեկան երիտասարդ, որն արդեն հասցրել է ոչնչացնել հակառակորդի 9 զրահատեխնիկա. Արցախի նախագահ

Մոսկվան պատրաստ է հարթակ տրամադրել Հայաստանի, Ադրբեջանի և Ռուսաստանի արտգործնախարարների հանդիպման համար

Կան բազմաթիվ փաստեր, որ հակառակորդը սա պլանավորել էր վաղուց. Արայիկ Հարությունյան

Հարյուրավոր դիակներ են թողել առաջնագծում եւ շատ անտարբեր են իրենց կորուստների հանդեպ. Արցախի նախագահ

Նիկոլ Փաշինյանը հեռախոսազրույց է ունեցել Եվրոպական խորհրդի նախագահ Շարլ Միշելի հետ

Վալերի Դանելին. վերջին թռիչքը՝ դեպի անմահություն (տեսանյութ)

Ադրբեջանական ագրեսիան հետ մղելու ընթացքում զոհվել է եւս 23 զինծառայող. ԱՀ ՊՆ

Գորիսում քաղաքացին նետվել է «Մինա» հյուրանոցի տանիքից

Հավաքված սննդի ու պարագաների ծավալն այնքան մեծ է, որ մի մասը պահեստավորվում է (տեսանյութ)

Ադրբեջանի ռազմաքաղաքական ղեկավարության՝ շփման գծում ռազմական հանցագործություններ սանձազերծելու դեպքով հարուցվել է քրգործ

Ուղերձներ կհղվեն Ադրբեջանի ազգային փոքրամասնությունները ներկայացնող հանրային կառույցներին. ՀՀ հանրային խորհուրդ

Ընկերներս այսօր խոցել են թշնամու 1 զրահատեխնիկա, իսկ 3-ն առգրավել. Արցախի նախագահը տեսանյութ է հրապարակել

ՌԴ-ն կոչ է անում անհապաղ դուրս բերել Սիրիայից ու Լիբիայից բերված վարձկաններին ու ահաբեկիչներին հակամարտ գոտուց. ՌԴ ԱԳՆ

«Արարատ-Արմենիա» - «Ցրվենա Զվեզդա». սպորտային հաղթանակի սպասումով

Հայկ Գրիգորյանը աշխատանքային հանդիպումներ է ունեցել Արցախի նախագահ Արայիկ Հարությունյանի, ՔԿ նախագահի, ԱԱԾ տնօրենի հետ

Արցախին հարվածող «Բայրաքթարները» Էրդողանի ընտանեկան բիզնեսն են. mediamax