Ամբողջ ուշադրությունը բանակի վրա է, կրթությունն ու գիտությունն անտեսված են.Սերոբ Խաչատրյան

03/10/2017 schedule14:34

Ուսուցչի օրվան ընդառաջ կրթության փորձագետ Սերոբ Խաչատրյանը մեր զրույցում խոսեց դպրոցների օպտիմալացման, ռուսաց լեզվի նոր հայեցակարգի և կրթության ոլորտի մի շարք այլ խնդիրների մասին:

Դպրոցների օպտիմալացումը հանրապետությունում շատ լուրջ դեր ունի. ըստ փորձագետի՝ սա պետք է դիտել տարբեր կողմերից: Մի կողմից լավ է, որ երկու ոչ այնքան բարվոք վիճակում գտնվող դպրոցների ֆինանսները կուղղվեն մեկ ընդհանուր դպրոցի վրա, սակայն եթե կառավարությունը ծրագիր ունի բնակչության թիվը հասցնել մինչև 4 միլիոնի, այստեղ կունենանք շենքերի պակասի խնդիր, ինչպես եղավ մանկապարտեզների դեպքում:

Սերոբ Խաչատրյանի կարծիքով՝ շատ լուրջ խնդիր կա գյուղական դպրոցների հետ կապված: Հայաստանում կան գյուղական դպրոցներ, որտեղ սովորում են երկու, երեք կամ տասը աշակերտ: «Այս երեխաների մասին մտածել է պետք, որովհետև նման պայմաններում հնարավոր չէ նորմալ կրթություն ստանալ»,- ասաց փորձագետը: Իր կարծիքով, եթե մի գյուղի դպրոցի վրա ուղղվեն մնացած դպրոցների ֆինանսները, այն վերանորոգվի, բարեկարգվի, աշակերտներն ունենան երկկողմանի անվճար երթևեկության հնարավորություն, ոչ մի ծնող չի բողոքի օպտիմալացումից, ոչ մի գյուղ չի դատարկվի: «Եթե դու տանում ես նրան կողքի գյուղ և որակյալ կրթություն ես տալիս, դու փրկում ես նրան»,- ասաց Խաչատրյանը:

Դպրոցների ֆինանսավորմանը այս տարի 1 մլրդ դրամով ավելի գումար է հատկացվելու, սակայն փորձագետի համոզմամբ սա էական գումար չէ: «Բավական մեծ ուշադրություն է դարձվում բանակին, բայց կրթությունն ու գիտությունը անտեսված են, և գիտության բյուջեն էլ բացարձակ թվերով նվազում է: Չեմ պատկերացնում, որ Հայաստանում հնարավոր է բանակը զարգացնել առանց կրթությունը և գիտությունը զարգացնելու: Սա համակարգ է, և եթե մենք մի մասին ուշադրություն ենք դարձնում, մյուս մասերը անտեսում ենք, ունենալու ենք լուրջ  հետևանքներ: Հայաստանի խնդիրը միայն զենք գնելը չէ, շատ կարևոր է ունենալ լավ կրթություն: Կուզեի, որ խտրականություն չդրվեր»,- ասաց փորձագետը եւ շարունակեց. «Ապրիլյան պատերազմը մի քիչ սթափեցրեց և սկսեցին մտածել բանակի ուժեղացման մասին, հիմա կրթության ոլորտում էլ պիտի ինչ-որ ցնցում լինի, որ սկսենք փող տալ: Կրթության ոլորտում  նման բան չի լինի, կրթությունը միանգամից չի փլվում, այլ՝ կամաց-կամաց, բայց այն հետ բերելը տասնամյակներ է պահանջում: Եթե մարդկային կապիտալը վատը եղավ, ոչ մի ոլորտում էլ հաջողության չենք հասնի»:

Փորձագետի կարծիքով նույնիսկ, եթե բանակի վիճակը լավանա, կրթության վիճակը վատն է մնալու: Սրա համար կան շատ պատճառներ, որոնցից մեկը ուսուցիչների ցածր աշխատավարձն է: Խաչատրյանը նշեց, որ ուսուցիչները չեն ընդվզում, ինչը ավելի լավ կլիներ, քան տեղերում սուս-փուս, վատ աշխատելը:

Հայաստանում կրթության և գիտության բյուջեին է հատկացվում համախառն ներքին արդյունքի մոտ 2%-ը. նույնն է նաև Վրաստանում, Ռուսաստանում, սակայն եվրոպական երկրներում հատկացվում է առնվազն 3%-ը:

Փորձագետի կարծիքով՝ ռուսաց լեզվի կամ այլ օտար լեզուների որակյալ ուսուցման համար Հայաստանում պետք է կիրառել երկու կարևոր մեխանիզմ: Առաջինը փոքր խմբերով դասընթացներ են, քանի որ ըստ նրա՝ հնարավոր չէ 30 հոգանոց դասարանում որևէ լեզու սովորեցնել: Ռուսաց լեզվի նոր հայեցակարգը լղոզված է ասում սրա մասին: Չի ասում, որ դրանք պարտադիր են: Մյուս խնդիրը ուսուցիչների որակին է վերաբերվում: «Մանավանդ գյուղական դպրոցներում օտար լեզվի որոշ դասատուներին նույնիսկ լուրջ վերապատրաստումները չեն փրկի: Իրենց պետք է կամ հիմքային կրթություն, կամ պետք է փոխարինել:

Armtimes.com-ի հարցին, թե արդյո՞ք Հայաստանում արդյունավետ կլինի օնլայն կրթությունը, փորձագետը պատասխանեց, որ դա կլինի, երբ սերնդափոխություն լինի, քանի որ հիմա մենք թվային նախնադարում ենք: «Հիմա դպրոցներում սովորում են միայն 21-րդ դարում ծնված երեխաները, բայց դասավանդում են միայն 20-րդ դարում ծնվածները»,- ասաց Խաչատրյանը: Իր կարծիքով՝ ուսուցիչները հիմա տեխնիկան դիտարկում են որպես կրթությանը խանգարող միջոց, դեռ չեն գտել այդ գործիքները կրթության մեջ ինտեգրելու ձևերը և սա կլինի միայն սերնդափոխության արդյունքում:

Ժաննա Ջեյրանյան

Տպել
2878 դիտում

Վրաերթ է տեղի ունեցել Բաղյան փողոցում. դեպքի վայրում են փրկարարները

Հունան Պողոսյանն ազատման դիմում է գրել․ օգնականը հաստատում է

Աննա Հակոբյանը հանդիպել է Արցախյան պատերազմում գերեվարված, անհետ կորած ժամկետային զինծառայողների մայրերի հետ

Ռոմանոս Պետրոսյանը Բեդրիխ Կոպեցկիի հետ քննարկել է բնապահպանության բնագավառում համագործակցության համատեղ հռչակագիրը

Աշխատանքի և սոցիալական հարցերի նախարարն այցելել է Արցախի պաշտպանության ընթացքում վիրավորում ստացած զինվորներին

Վաղարշակ Հարությունյանը կարևորել է Արցախում խաղաղապահ առաքելության իրականացման արդյունավետությանն ուղղված ՌԴ ջանքերը

Ֆուտզալի Հայաստանի հավաքականը պատրաստվում է փլեյ-օֆֆի հանդիպումներին. հայտնի է հավաքականի կազմը

Ստեփանակերտ անվճար ուղևորվող ավտոբուսները դեկտեմբերի 1-ից կվերսկսեն իրենց աշխատանքը

Մայրաքաղաքում համալրվում է էներգախնայող լուսատուներով լուսավորվող փողոցների ցանկը

«Ալաշկերտը» հաղթեց «Վանին»

Նիկոլ Փաշինյանը հեռախոսազրույց է ունեցել Միխայիլ Միշուստինի հետ․ ԵԱՏՄ նիստը կիրականացվի հեռահար եղանակով

Հայաստանի հավաքականի 4 ֆուտբոլիստ դարձավ Ղազախստանի առաջնության մրցանակակիր, Յուրչենկոն հեռացավ «Շախտյորից»

Շաքարավազի, ձեթի, կարագի թանկացումն առավելապես պայմանավորված է օբյեկտիվ գործոններով. ՏՄՊՊՀ

Մայրաքաղաքում 500 վերելակներից 251-ն արդեն տեղադրված են

ԵԱՏՄ միջկառավարական խորհրդի նիստը կանցկացվի առցանց. Փաշինյանը Մոսկվա չի մեկնի

Թուրքիայի և Ադրբեջանի կողմից ահաբեկչական խմբավորումներին ֆինանսավորելու դեպքի առթիվ քրգործ է հարուցվել․ դատախազություն

Վահե Ղազարյանը շնորհավորական ուղերձ է հղել Արցախի Հանրապետության ոստիկանության օրվա առթիվ

Առաջարկվում է լուծարել «Մարալիկի առողջության կենտրոն» ՓԲԸ մանկաբարձագինեկոլոգիական բաժանմունքը

Նիկոլ Փաշինյանի մոտ իրավապահ համակարգի ղեկավարների մասնակցությամբ խորհրդակցություն է տեղի ունեցել

Ավարտվել է շուրջ 100 հետիոտնային անցումների լուսավորման ծրագիրը