Թուրքիան պետք է պաշտպանի իր քաղաքացիներին Ադրբեջանից. Հետախուզվող թուրք մտավորական

Արցախ այցելելուց հետո Ադրբեջանի պահանջով միջազգային հետախուզման մեջ հայտնված թուրք մտավորականներն Ակոսի հետ զրույցում իրավիճակի վերաբերյալ մանրամասներ և գնահատականներ են ներկայացրել, գրում է ermenihaber.am-ը:

«Բաքվից զանգեցին ու հարցրեցին՝ թույլտվություն ստացե՞լ ենք, թե՞ ոչ։ Ես էլ պատասխանեցի, որ մենք այնտեղ փշալարերի վրայով անցնելով չենք գնացել, իսկ ճանապարհին ոչ ոք ոչինչ չի հարցրել։ Չեմ հասկանում, թե ինչու են հատկապես մեր նկատմամբ նման վերաբերմունք ցուցաբերում, այն դեպքում, երբ տարբեր երկրներից զբոսաշրջիկների խմբեր և ԱՄՆ-ի կոնգրեսի պատվիրակություններ են գալիս-գնում Ղարաբաղ», - ասել է պատգամավոր Ուֆուք Ուրասը: 

«Ղարաբաղ գնալիս ենթադրում էինք իհարկե, որ կծագեն խնդիրներ, բայց ավելի շատ դա սպասում էին Թուրքիայի ազգայնական շրջանակների կողմից։ Մինչդեռ նման արձագանք ստացվեց Ադրբեջանի կողմից։ Իրականում անհրաժեշտ է, որ Անկարան Բաքվին ուղղված հստակ հայտարարություններ անի՝ ի պաշտպանություն իր քաղաքացիների։ Մինչդեռ արտգործնախարարությունը նախընտրեց աչք փակել այս իրավիճակի վրա։ Կցանկանայինք, որ Բաքվում Թուրքիայի դեսպանն ավելի հստակ մոտեցում ցուցաբերեր», - ասել է Լրագրող և գրող Ալի Բայրամօղլուն։

Բայրամօղլուի խոսքով՝ կալանավորման որոշման մասին հայտարարած ադրբեջանցի դատախազը հայտարարել էր, թե Ղարաբաղ այցելած վերոնշյալ քաղաքացիները հայամետ են, աջակցում են «Քուրդիստանի բանվորական» կուսակցությանը (ՔԲԿ-PKK) և Հյուսիսային Իրաքի քրդական ինքնավարության անկախացմանը։ Թուրք գրողի խոսքով՝ ինտերպոլի միջոցով իրենց վերաբերյալ միջազգային հետախուզում հայտարարված լինելու պատճառով որոշ երկրներ այցելելը վտանգավոր է դարձել, քանի որ այդ երկրները կարող են նրանց արտահանձնել Ադրբեջանին։ Այդ պատճառով Բայրամօղլուն հարկադրված է եղել չեղարկել նախօրոք պլանավորված իր այցելությունը Բեյրութ։

Ավելի վաղ Թուրքիայի արտաքին գործերի նախարարության խոսնակն արձագանքել էր թուրք մտավորականների ու հասարակական գործիչների Արցախ կատարած այցին և Ադրբեջանի արձագանքին: Թուրքական արտաքին գերատեսչության պաշտոնական կայքում հաղորդագրություն է տարածված՝ «ԱԳՆ խոսնակ Հյուսեյին Մյուֆթուօղլուի պատասխանը Ադրբեջանի օկուպացված հողեր կատարած այցի մասին հարցին» վերնագրով:

«Ադրբեջանի օկուպացված տարածքներ մեր 4 քաղաքացիների վերջերս կատարած այցելությունը, կատարվել է առանց պետական մարմինների հետ խորհրդակցելու, իրենց անհատական նախաձեռնությամբ և որևէ կերպ չի արտացոլում Թուրքիայի պաշտոնական քաղաքականությունը»,- նշված է հայտարարության մեջ, որում նաև զգուշացվում է Թուրքիայի քաղաքացիներին զերծ մնալ «Հայաստանի կողմից օկուպացված» Ղարաբաղի տարածք առանց Ադրբեջանի թույլտվության այցելելուց։

Սրանից առաջ հայտնի էր դարձել, որ Ադրբեջանում հետաքննություն է սկսվել Արցախ այցելած 4 թուրք մտավորականների դեմ: Ադրբեջանի գլխավոր դատախազությունը Թուրքիայի քաղաքացիներ գրող Սայիթ Չեթինօղլուին, քաղաքական գործիչ Ուֆուք Ուրասին, լրագրողներ Ալի Բայրամօղլուին եւ Էրոլ Քաթըրջըօղլուին կալանավորելու որոշում է կայացրել եւ նրանց ձերբակալելու հարցով դիմել Թուրքիայի իրավապահ մարմիններին:

Սեպտեմբերի 22-ին Հայաստանի տարածքով Արցախ այցելած թուրք մտավորականները մեղադրվում են «Ադրբեջանի պետական սահմանն ապօրինի կերպով հատելու» հոդվածով: Նրանց նկատմամբ հայտարարվել է միջազգային հետախուզում: 

Հայաստանի տարածքով Արցախ այցելած գրող Սայիթ Չեթինօղլուի, քաղաքական գործիչ Ուֆուք Ուրասի, լրագրողներ Ալի Բայրամօղլուի եւ Էրոլ Քաթըրջըօղլուի քայլը «դավաճանություն է ոչ միայն եղբայրական Ադրբեջանի, այլեւ Թուրքիայի հանդեպ», հայտարարել է Ադրբեջանի խորհրդարանի պատգամավոր Այդըն Հուսեյնովը: 

Հուսեյնովը հույս է հայտնել, որ Թուրքիան կարճ ժամանակահատվածում թուրք մտավորականներին կարտահանձնի Բաքվին. «Նրանց այս քայլն անհասկանալի է: Թուրքիան եւ Ադրբեջանը եղբայրական պետություններ են: Վստահ եմ՝ շուտով նրանց կարտահանձնեն Ադրբեջանին»: 

Տպել
2335 դիտում

Ֆրանսիայի հայ բժիշկների միության անդամ Ժան-Միշել Էքերյանը Արցախում է. հանդիպել է Բակո Սահակյանին

2017-18 ուստարում ԵՊՀ արհեստակցական միության կողմից համալսարանի 316 աշխատողի հատկացվել է 13 մլն 342 հազար դրամ

Սյունիքի մարզում ապօրինի անտառահատման դեպքեր են գրանցվել. վնասը գերազանցել է 8.5 մլն դրամը

Նախագահ Արմեն Սարգսյանին հավատարմագրերն է հանձնել Հայաստանում Բենինի նորանշանակ դեսպանը

ԱԺ պատգամավորի մեքենան վնասել են քաղաքական նպատակներո՞վ. որեւէ թանկարժեք իր չեն տարել

1.5 տարի է՝ Ազարյանի դպրոցի ազատ վարժության գործիքը չեն տեղադրում. հատակը մնում է փտած

Աջակցության կարիք ունեցող գյումրեցի ընտանիքը բաց նամակով դիմել է ՀՀ վարչապետին

Գերմանացիների 73 տոկոսը պաշտպանում է «Հյուսիսային հոսք-2» գազամուղի կառուցումը. հարցում

ԵՊՀ միջազգային հարաբերությունների ֆակուլտետի փոխդեկան Արթուր Իսրայելյանն ընտրվեց ԵՊՀ հոգաբարձուների խորհրդի քարտուղար

Հ. Գրիգորյանն օգտվում է քաղաքապետարանի որոշ աշխատակիցների հանցավոր հովանավորչությունից. բաց նամակ Հայկ Մարությանին

ԵՊՀ հոգաբարձուների խորհրդի առաջին նիստը, երբ գլխավոր մասնաշենքը շրջափակված չէ. Արայիկ Հարությունյան

Վանաձոր-Ալավերդի. կձեռնարկվեն միջոցներ բնակչությանը պատճառվող անհարմարությունները բացառելու ուղղությամբ

ԵՊՀ հոգաբարձուների խորհուրդը նոր նախագահ եւ նոր քարտուղար ունի

Երեւանի պետական համալսարանի հոգաբարձուների խորհուրդը նոր նախագահ ունի․ միաձայն ընտրվեց Գեւորգ Մուրադյանը

Այս տարի ՀՀ-ում կստեղծվի էլեկտրական մեքենաների լիցքավորման կայանների ցանց. կառավարություն (տեսանյութ)

Չլուծվող Կուրիլյան կղզիների խնդիրը. այսօր կհանդիպեն Վլադիմիր Պուտինը եւ Սինձո Աբեն

Գլոբալացման չորրորդ ալիքը պետք է լինի մարդակենտրոն. այսօր բացվում է Դավոսի համաժողովը

Ոստիկանները հայտնաբերել են Երևանի Ազատության պողոտայում կրակողին (տեսանյութ)

Ոստիկանները բացահայտել են «varks.am»-ի մասնաճյուղերում կատարված կողոպուտները. կասկածյալը ձերբակալվել է

«Սուրբ Գրիգոր Լուսավորիչ» ԲԿ-ն զգուշացրել է շտապօգնությանը՝ իրենց մոտ հիվանդ չտանել. տեղ չունեն