ՊՆ-ն պարզաբանում է, թե ինչպես է «Էլբատ»-ը հայտնվել սեւ ցուցակում   

06/10/2017 schedule18:26

ՀՀ պաշտպանության նախարարի մամուլի քարտուղար Արծրուն Հովհաննիսյանը armtimes.com-ում հրապարակված «ՊՆ-ի եւ ԱԱԾ-ի գրությամբ՝ Ճշմարիտյանի ընկերությունը հայտնվել է «սեւ ցուցակում»» նյութի առնչությամբ պարզաբանում է ուղարկել խմբագրություն:

Նյութում մենք գրել էինք, թե ինչպես է «Էլբատ» մարտկոցներ արտադրող ընկերությունը ՊՆ-ի, ԱԱԾ-ի եւ «Երեւանի ավտոբուս» ընկերության դիմումով հայտնվել պետական գնումներին մասնակցելու իրավունք չունեցող մասնակիցների ցանկում:

Արծրուն Հովհաննիսյանի ուղարկած պարզաբանման մեջ նշվում է, որ «Էլբատ» ընկերությունը 2016 թվականին մասնակցել է ՊՆ-ի հայտարարած մրցույթին եւ հայտնի ֆինանսական միջոցների մասին հայտարարության «բ» կետով, հայտնել եւ հավաստել է, որ հայտը ներկայացնելուն նախորդող հաշվետու տարվա (01.01.2015թ.-31.12.2015թ.) ընթացքում պարտավորությունների հաշվեկշռային արժեքը չի գերազանցել ակտիվների հաշվեկշռային արժեքը: ՊՆ-ն տվյալների ճշգրտման նպատակով դիմել է ֆինասների նախարարություն: ՀՀ Ֆինանսների նախարարության կողմից ՀՀ ՊՆ-ին է տրամադրվել եզրակացություն, համաձայն որի «Էլբատ» ՓԲԸ-ի հայտը ներկայացնելուն նախորդող հաշվետու տարվա (01.01.2015թ.-31.12.2015թ.)  ընթացքում ընկերության պարտավորությունների հաշվեկշռային արժեքը  գերազանցել է ակտիվների հաշվեկշռային արժեքը: Այս ամենից հետո ՊՆ-ն դիմել է ֆինանսների նախարարությանը՝ հայտնելով արձանագրված անհամապատասխանության մասին:

Ամփոփելով իր պարզաբանումը՝ Արծրուն Հովհաննիսյանը գրել է. «Հավելենք նաև, որ ՀՀ ՊՆ կարիքների համար 2017թ-ին անվադողերի և կուտակիչ մարտկոցների ձեռքբերման նպատակով հայտարարված «ԳԱԿ-ՇՀԱՊՁԲ-15/6 ՀՀ ՊՆ ՆՏԱԴ – ՇՀԱՊՁԲ -4/7» ծածկագրով մրցույթային գործընթացին կուտակիչ մարտկոցներ արտադրող «Էլբատ» ՓԲ ընկերության կողմից մասնակցության հայտ չի ներկայացվել, չնայած այն հանգամանքին, որ մրցույթը հայտարարվել է 20.03.2017թ-ին, մինչդեռ «Էլբատ» ՓԲԸ-ին գնումների գործընթացին մասնակցելու իրավունք չունեցող մասնակիցների ցուցակում ներառելու՝ ՀՀ գնումների բողոքարկման խորհրդի որոշումը  կայացվել է 05.06.2017թ.»:

Պաշտպանության նախարարության այս պարզաբանման վերաբերյալ զրուցեցինք «Էլբատ» ընկերության տնօրեն Դավիթ Ղալթաղչյանի հետ: Դիտարկմանը, որ ՊՆ-ն իր պարզաբանման մեջ նշել է, որ «Էլբատ» ընկերությունը չլինելով սեւ ցուցակում՝ չի մասնակցել այս տարվա մարտկոցների գնման մրցույթին, Ղալթաղչյանն արձագանքեց. «Այդ ժամանակ արդեն իմացել ենք բացասական բալանսի, ակտիվների, պասիվների տարբերության մասին: Այդ իսկ պատճառով էլ չենք մասնակցել: Այդ ժամանակ մեզ համար արդեն հայտնի էր, իսկ նախորդ ժամանակ (որից հետո հայտնվեցին սեւ ցուցակում. հեղ) դեռ բալանսը հաստատված չէր, դրա համար մասնակցում էինք տենդերներին: Բալանսի բացասականը հայտնվելու պարագայում, բնականաբար, չենք մասնակցել, որովհետեւ չէինք կարող ներկայացնել, որ մեր ակտիվների եւ պասիվների հարաբերակցությունը դրական է»,- ասաց Դավիթ Ղալթաղչյանը:

Ընկերության տնօրենը նշեց նաեւ, որ ընկերությունը նման խնդրի է բախվել «Գնումների մասին» օրենքի բացերի հետեւանքով: «Օրենքի այդ կետը, որով ակտիվների եւ պասիվների հարաբերակցությունը պետք է դրական լինի, ոչ թե պետք է հաշվեն զուտ բալանսային, այլ հաշվի առնեն, եթե ընկերությունը փոխառություններ ունի բաժնետիրոջից, գործառնական հաշվեն կամ պահանջեն ուրիշ ընկերություններից երաշխավորագիր այդ տենդերի գումարի չափով գումարի սառեցում, բանկային երաշխիք: Նմանատիպ լուծումներ են պետք, որոնք օրենքի մասնագետներն ավելի լավ կարող են առաջարկել»,- ասաց Դավիթ Ղալթաղչյանը եւ նշեց, որ ընկերությունն ի վիճակի է գնումների գործընթացներին մասնակցել, կարող է արտադրանք տալ, հումքի մատակարարման երկարատեւ պայմանագրեր ունի:

«Դա մի տեսակ արհեստական է ստացվում, օրենքի բաց է ստացվում: Ըստ որի՝ ընկերությունները, որոնք ներդրումով են, ներդրումն էլ փոխառության տեսքով է, ավտոմատ դուրս են մնալու տենդերին մասնակցելու հնարավորությունից: Զուտ դա է խնդիրը»,- եզրափակեց «Էլբատ»-ի տնօրենը:

Տպել
4022 դիտում

Մահացել է նորաձեւության խորհրդանիշ Կարլ Լագերֆելդը

Ժառանգություն ենք ստացել քրոնիկ խնդիրների մի ամբողջ բույլ․ Հայկ Մարությանի հարցազրույցն ավստրիական Society ամսագրին

Տիմատին արագ սննդի կետ կբացի Երեւանում՝ Black Star բուրգերներ

Հովիկ Աբրահամյանի կառավարման տարիներին Մեղրու ազատ տնտեսական գոտին մասնատել ու վաճառել են

Մենք պատրաստ ենք սատարել ցանկացած բիզնես գործունեություն․ նախարարը՝ գերմանացի գործարարներին

Դատարանում շարունակվում է Ֆլեշի Բարսեղի գործով դատական նիստը. պաշտպանը 16 էջից բաղկացած բացարկի միջնորդություն է բերել

Արարատի մարզպետն ընդունել է նորընտիր համայնքապետերին

ԵԱՀԿ գործող նախագահ Միրոսլավ Լայչակը մարտին կայցելի Բաքու եւ Երեւան

Փետրվարի 20-ին Արցախի Հանրապետությունում անց է կացվելու ՔՊ մարզում

Ալիեւը նորից սպառնում է. ինչպե՞ս պատրաստվել խաղաղության

Վանաձորում ամենաշատ վաճառվող ծխախոտի մի շարք տեսակներ թանկացել են 30-50 դրամով

Ընտրություններից մի քանի ամիս հետո ստորագրահավաքը, իմ կարծիքով, անլուրջ է. Գասպարյանը` իր դեմ բողոքի մասին

Ամենեւին կողմնակից չեմ կիսանախագահական կառավարման մոդելին անցում կատարելուն․ Արարատ Միրզոյան

Ինձ իրավունք եմ վերապահում Թումանյանի անունից ասել հայ ժողովրդին՝ վեր կաց և քայլիր. Նիկոլ Փաշինյան

ԱՄՆ-ն օգնել է ՀՀ իրավապահներին բացահայտել պետական միջոցներից հարյուր հազարավոր դոլարների հափշտակության դեպք․ ՔԿ նախագահ

Մաշադյանը դատախազ է դարձել մրցույթին մասնակցելու երկրորդ փորձից. Գոռ Աբրահամյան

Արարատ Միրզոյանն ու ՀՀ-ում Շվեյցարիայի դեսպանը քննարկել են համագործակցության զարգացման հեռանկարները

Տեր Բաբկեն վարդապետ Սալբիյանը ծառայության է կոչվել Ռումինիայի հայոց թեմում․ նոր նշանակում Մայր աթոռում

Տիգրան Խաչատրյանը և Սերգեյ Կոպիրկինը քննարկել են հայ-ռուսական առևտրատնտեսական կապերը

Վարչապետը Թումանյանի 150-ամյակին նվիրված միջոցառման ժամանակ գետնից վերցնում է աղբը (տեսանյութ)