Երևան
11 °C
searchclose
today
menuclose
Երևան
11 °C
Հանրապետության 52 խոշորացված համայնքներում նոյեմբերի 5-ին կանցկացվեն ՏԻՄ՝ համայնքի ղեկավարի ընտրություններ, որոնցից 3-ում՝ Գորիսում, Շիրակամուտում եւ Արտաշատում տեղի կունենան արտահերթ ընտրություններ: Այսինքն՝ այդ համայնքներում ընտրությունների նախապատրաստական փուլն այլ ժամանակացույցով է ընթանալու՝ այնտեղ դեռ առաջադրումները չեն ավարտվել: Իսկ մնացած 49 համայնքում հոկտեմբերի 6-ին արդեն ավարտվել է համայնքի ղեկավարների թեկնածուների առաջադրման ժամկետը: Ընդհանուր առմամբ՝ այդ 49 համայնքներում առաջադրվել ու ինքնաառաջադրվել է 143 թեկնածու: Հիմա թեկնածուների գրանցման փուլն ընթացքի մեջ է, որը կավարտվի հոկտեմբերի 11-ին՝ ժամը 18.00-ին: Ստորեւ ներկայացնում ենք, թե որ համայնքում ովքեր են առաջադրվել, ում կողմից, որ ուժի ներկայացուցիչներ են եւ այլն:
Արագածոտնի մարզի Ալագյազ համայնքում առաջադրվել է համայնքի ղեկավարի 7 թեկնածու, որից երեքը՝ Մրազ Համեյանը, Ջասմ Մախմուդովն ու Անզոր Ուռուսյանն անկուսակցական են, իսկ մնացած 4-ը՝ Ազիզ Մհոյանը, Ալիկ Նամոյանը, Թեմուր Տալոյանն ու Ահմադ Բրոյանը ՀՀԿ ներկայացուցիչներ են՝ բոլորն էլ ինքնաառաջադրվել են:
Ապարանում առաջադրվել են երկու թեկնածուներ՝ ՀՀԿ-ի կողմից առաջադրված, «Գնթունիք» ՍՊԸ-ի հիմնադիր տնօրեն Կարեն Եղիազարյանը եւ «Գնթունիք» ՍՊԸ-ի ավագ հաշվապահ Հովհաննես Ալեքսանյանը, որը ինքնաառաջադրվել է: Այստեղ պարզ է, որ երկրորդ թեկնածուի՝ Հովհաննես Ալեքսանյանի առաջադրումը «ֆիկտիվ» բնույթ է կրում՝ հօգուտ Կարեն Եղիազարյանի:
Արագածոտնի մարզի Արագածավան համայնքում նույնպես համայնքապետի երկու թեկնածու է առաջադրվել՝ ՀՀԿ-ի կողմից առաջադրվել է Արագածավանի գործող համայնքապետ Անդրանիկ Պապիկյանը եւ ինքնաառաջադրվել է Արտենիի համայնքապետ Գեղամ Խլղաթյանը:
Արագածոտնի մարզի Ծաղկահովիտ համայնքում ՀՀԿ-ն առաջադրել է Հնաբերդ համայնքի ղեկավար Գոռ Հունանյանի թեկնածությունը՝ ՀՀԿ-ական, եւ ինքնաառաջադրվել է Ծաղկահովիտի գյուղապետ Նորաին Հակոբյանը: Այստեղ ինքնաառաջադրվել է նաեւ անկուսակցական Համլետ Սահակյանը:
Արագածոտնի մարզի Սուսեր համայնքում ՀՀԿ-ն առաջադրել է Սուսերի ՀՀԿ-ական համայնքապետ Գուրգեն Զաքարյանի թեկնածությունը, ինքնաառաջադրվել է անկուսակցական Պարգեւ Խաչատրյանը:
Արարատի մարզի Այգավան համայնքում ՀՀԿ-ն առաջադրել է Այգավանի ՀՀԿ-ական համայնքապետ Վիգեն Հարությունյանի թեկնածությունը, այս համայնքում ինքնաառաջադրվել է անկուսակցական Լեւոն Սարգսյանը:
Երեք թեկնածու էլ առաջադրվել է Այնթապում. ՀՀԿ-ն այստեղ առաջադրել է գործող համայնքապետ ՀՀԿ-ական Կարեն Սարգսյանի թեկնածությունը, մեկ այլ ՀՀԿ-ական՝ Հայկ Մուրադի Մուրադյանն ինքնաառաջադրվել է: Այնթապում ինքնաառաջադրվել է նաեւ «Համերաշխություն» կուսակցության ներկայացուցիչ Սարգիս Ավետիսյանը:
Երկու անկուսակցական ինքնաառաջադրված թեկնածուներ ունի Արարատի մարզպետ Արամայիս ու ԱԺ ՀՀԿ-ական պատգամավոր Արայիկ Գրիգորյան եղբայրների հայրենի Ավշար գյուղը: Այստեղ ինքնաառաջադրվել են գործող համայնքապետ անկուսակցական Սուրիկ Գրիգորյանը, որը Արամայիս եւ Արայիկ Գրիգորյանների եղբայրն է ու անկուսակցական Սամվել Հովսեփյանը:
Երկու թեկնածուներ էլ առաջադրվել են Արարատ քաղաքում՝ ՀՀԿ-ն այստեղ առաջադրել է ՀՀԿ-ական քաղաքապետ Հայկ Հայկյանի թեկնածությունը, ինքնաառաջադրվել է նաեւ Արտյոմ Պողոսյանը:
Արարատի մարզի Դարակերտ համայնքնում ինքնաառաջադրվել է ՀՀԿ-ական Արմեն Հովհաննիսյանն ու ՀՀԿ-ն առաջադրել է մեկ այլ ՀՀԿ-ական, գործող համայնքապետ Ղուկաս Սիմոնյանի թեկնածությունը:
Արարատի մարզի Լանջառ համայնքում նույնպես երկու թեկնածու է առաջադրվել՝ համայնքի գործող ղեկավար ՀՀԿ-ական Երվանդ Այվազյանն ու անկուսակցական Պետիկ Մարգարյանը: Երկու թեկնածուներն էլ ինքնաառաջադրվել են:
Արարատի մարզի Նշավան համայնքում ՀՀԿ-նա առաջադրել է գործող համայնքապետ ՀՀԿ-ական Պապ Հակոբյանի թեկնածությունը, մեկ այլ ՀՀԿ-ական Վարանցով Սահակյանն ու անկուսակցական Մյասնիկ Հովհաննիսյանն էլ ինքնաառաջադրվել են:
Արարատի մարզի Ջրահովիտ համայնքում էլ ՀՀԿ-ն առաջադրել է գործող համայնքապետ Համլետ Ղազարյանի թեկնածությունը, ինքնաառաջադրվել է անկուսակցական Արամ Գասպարյանը:
Երեք թեկնածու ինքնաառաջադրվել են Արմավիրի մարզի Ծաղկալանջ համայնքում՝ ՀՀԿ-ական գործող համայնքապետ Սամվել Մկրտչյանը, «Քաղաքացիական պայմանագիր» կուսակցության անդամ Օնիկ Զաքարյանը եւ անկուսակցական Հայկարամ Պետրոսյանը:
5 թեկնածու է առաջադրվել Գեղարքունիքի մարզի Գեղամասար համայնքում: Այստեղ, բացի ՀՀԿ-ի կողմից առաջադրված Շատջրեք համայնքի ՀՀԿ-ական գործող համայնքապետ Զոյա Գեւորգյանից, ինքնաառաջադրվել են Փամբակի գործող ՀՀԿ-ական համայնքապետ Հարություն Ազարյանը, ՀՀԿ-ականներ Հակոբ Ավետյանն ու Արայիկ Մաթյանը եւ ինքնաառաջադրվել է նաեւ Կութ համայնքի գործող համայնքապետ, անկուսակցական Անդրանիկ Հախումյանը: Գեղամասար համայնքում իսկական համայնքապետերի կռիվ է՝ ընդ որում՝ ոչ միայն անկուսակցական ու ՀՀԿ-ական համայնքապետերի միջեւ, այլեւ հենց ՀՀԿ-ականների:
Գեղարքունիքի մարզի Գեղաքար համայնքում առաջադրվել են երկու ՀՀԿ-ականներ՝ համայնքի գործող ղեկավար Կարինե Մարտիրոսյանը, որի թեկնածությունն առաջադրել է ՀՀԿ-ն եւ Ռաֆիկ Սաֆարյանը, որն ինքնաառաջադրվել է:
Երկու անկուսակցական ինքնաառաջադրված թեկնածու էլ ունի Գեղարքունիքի մարզի Ծովինար համայնքը: Այստեղ ինքնաառաջադրվել են գործող համայնքապետ Մհեր Մարտոյանն ու նրա տեղակալ Գեղամ Գյուրզոյանը:
Գեղարքունիքի մարզի Ձորագյուղ համայնքում ՀՀԿ-ն առաջադրել է համայնքի գործող ղեկավար ՀՀԿ-ական Լեւիկ Գրիգորյանի թեկնածությունը, իսկ անկուսակցական Դավիթ Մանուկյանն ինքնաառաջադրվել է:
Գեղարքունիքի մարզի Ճամբարակ համայնքում ՀՀԿ-ն առաջադրել է Ճանբարակի ՀՀԿ-ական քաղաքապետ Յուրիկ Ավալյանի թեկնածությունը, ինքնաառաջադրվել են Թթուջուրի գործող համայնքապետ, ՀՀԿ-ական Վիգեն Սահակյանն ու անկուսակցական Վազգեն Սահակյանը:
Գեղարքունիքի մարզի Շողակաթ համայնքում էլ ՀՀԿ-ն առաջադրել է Շողակաթի գործող համայնքապետ ՀՀԿ-ական Սուլիկո Շուշանյանի թեկնածությունը, ինքնաառաջադրվել են Դրախտիկ համայնքի անկուսակցական ղեկավար Վալենտին Պետրոսյանն ու ՀՀԿ-ական Աշոտ Կիրակոսյանը:
Առաջադրված 5 թեկնածու ունի Գեղարքունիքի մարզի Վարդենիս համայնքը: Այստեղ իշխող ՀՀԿ-ի թեկնածունն կլինի Վարդենիսի գործող քաղաքապետ, ՀՀԿ-ական Վոլոդյա Խլոյանը: Ինքնաառաջադրվել են եւս երկու ՀՀԿ-ականներ՝ մարզպետարանի աշխատակից Արամ Հարությունյանն ու Կարեն Մկրտչյանը: Բացի ՀՀԿ-ականներից, Վարդենիսի համայնքի ղեկավարի թեկնածու են ինքնաառաջադրվել նաեւ անկուսակցականներ Պարգեւ Խչեյանն ու Սմբատ Սիմոնյանը:
Լոռու մարզի Ալավերդի համայնքում առաջադրված թեկնածուները երկուսն են՝ ՀՀԿ-ի կողմից առաջադրված ՀՀԿ-ական Սասուն Խեչումյանն ու անկուսակցական ինքնաառաջադրված Նիկոլայ Դավթյանը:
Երեք թեկնածուներ են առաջադրված Լոռու մարզի Ախթալա համայնքում: ՀՀԿ-ն այստեղ առաջադրել է Ախթալայի գործող համայնքապետ, ՀՀԿ-ական Հայկազ Խաչիկյանի թեկնածությունը, ինքնաառաջադրվել են Ճոճկանի գործող գյուղապետ, ՀՀԿ-ական Արկադի Թամազյանն ու անկուսակցական Սուրեն Թամազյանը:
Լոռու մարզի Գյուլագարակ համայնքն ունի առաջադրված 4 թեկնածու՝ ՀՀԿ-ի կողմից առաջադրված Կուրթան համայնքի ղեկավար ՀՀԿ-ական Մհեր Գեւորգյանը, Գյուլագարակի ինքնաառաջադրված ՀՀԿ-ական ղեկավար Խաչիկ Վարդանյանն ու անկուսակցականներ Ալեքսանդր Գրիգորյանն ու Սայադ Այվազյանը:
Լոռու մարզի Լոռի Բերդ համայնքում ՀՀԿ-ական առաջադրել է Կողես համայնքի գործող համայնքապետ ՀՀԿ-ական Արայիկ Ներսիսյանի թեկնածությունը, եւ ինքնաառաջադրվել է Բովաձորի գործող համայնքապետ ՀՅԴ-ական Էդուարդ Մելիքսեթյանը:
Լոռու մարզի Մարգահովիտ համայնքում ՀՀԿ-ն առաջադրել է համայնքի Մարգահովիտի գործող ՀՀԿ-ական գյուղապետ Սամվել Անանյանի թեկնածությունը, եւ ինքնաառաջադրվել է Մարգահովիտի գյուղապետարանի ավագ մասնագետ ՀՀԿ-ական Կարեն Սարդարյանը:
Երեք ինքնաառաջադրված թեկնածու էլ ունի Լոռու մարզի Մեծավան համայնքը: Այստեղ ինքնաառաջադրվել են Մեծավանի գործող գյուղապետ ՀՀԿ-ական Սերյոժա Վարդանյանը, Միխայլովկայի անկուսակցական գյուղապետ Լեւոն Դիլբարյանն ու անկուսակցական Արման Վարդանյանը:
Լոռու մարզի Շնող համայնքում իշխող ՀՀԿ-ն առաջադրել է Շնողի ՀՀԿ-ական գյուղապետ Դավիթ Ղումաշյանի թեկնածությունը, ինքնաառաջադրվել են անկուսակցականներ Լեւոն Հոբոսյանն ու Արտակ Գեւորգյանը:
Լոռու մարզի Սարչապետ համայնքում ՀՀԿ-ի թեկնածուն կլինի Սարչապետի գործող ՀՀԿ-ական գյուղապետ Բորիս Բարոյանը, ինքնաառաջադրվել է նաեւ անկուսակցական Սենո Իգնատյանը:
Ստեփանավանում ՀՀԿ-ի կողմից առաջադրված Ստեփանավանի գործող ՀՀԿ-ական քաղաքապետ Միքայել Ղարաքեշիշյանի հետ ինքնաառաջադրվել է Ուրասարի անկուսակցական գյուղապետ Արտակ Կիրակոսյանը:
Ուշագրավ առաջադրումներ են եղել Տաշիրում, որտեղ ՀՀԿ-ն անկուսակցական թեկնածուին սատարելով՝ պայքարելու է իր կուսակցական ինքնաառաջադրված թեկնածուի դեմ՝ գոնե տեսականորեն: Այստեղ ՀՀԿ-ի թեկնածուն Տաշիրի անկուսակցական քաղաքապետ Էդգար Արշակյանն է, իսկ ինքնաառաջադրված թեկնածուն ՀՀԿ-ական Գարիկ Սոլոյանը:
Օձունում ՀՀԿ-ն առաջադրել է Օձունի գործող ՀՀԿ-ական գյուղապետ Արսեն Տիտանյանի թեկնածությունը եւ ինքնաառաջադրվել են անկուսակցականներ Բարսեղ Այվազյանն ու Դոնարա Հախինյանը:
Կոտայքի մարզի Ակունք համայնքում ինքնաառաջադրվել են Ակունքի ԲՀԿ-ական գյուղապետ Հունան Ռուբենյանն ու անկուսակցական Սամվել Սամսոնյանը:
Բյուրեղավանում ԲՀԿ-ն առաջադրել է Բյուրեղավանի գործող քաղաքապետ, անկուսակցական Հակոբ Բալասյանի թեկնածությունը եւ ինքնաառաջադրվել է անկուսակցական Հայկ Եղյանը:
Եղվարդում ՀՀԿ-ի թեկնածուն կլինի Եղվարդի գործող ՀՀԿ-ական քաղաքապետ Նորայր Սարգսյանը, մեկ այլ ՀՀԿ-ական՝ Բուժականի գյուղապետ Կարեն Գալստյանն էլ ինքնաառաջադրվել է: Եղվարդում ինքնաառաջադրվել է նաեւ անկուսակցական Հայկ Մկրտչյանը:
Համայնքի ղեկավարի չորս թեկնածու ունի Կոտայքի մարզի Մեղրաձոր համայնքը: Այստեղ ՀՀԿ-ն առաջադրել է Մեղրաձորի ՀՀԿ-ական գյուղապետ Կառլեն Հովհաննիսյանի թեկնածությունը: Ինքնաառաջադրվել են ՀՀԿ-ական Մերուժան Հակոբյանը եւ անկուսակցականներ Արման Թորոսյանն ու Սամվել Մկրտչյանը:
Չարենցավանում ՀՀԿ-ական թեկնածուն կլինի Չարենցավանի գործող ՀՀԿ-ական քաղաքապետ Հակոբ Կովալենկոյի Շահգալդյանը, այստեղ ինքնաառաջադրվել է նաեւ անկուսակցական Արտավազդ Ալեքսանյանը:
Ջրվեժն էլ ունի երկու ինքնաառաջադրված թեկնածուներ՝ գործող գյուղապետ, ԲՀԿ-ական Ռոբերտ Պետրոսյանն ու անկուսակցական Սեյրան Թադեւոսյանը:
Շիրակի մարզի Ախուրյան համայնքում ԲՀԿ-ն առաջադրել է ԲՀԿ-ական Կարեն Սերգոյանի թեկնածությունը: Ախուրյանի գործող գյուղապետ ՀՅԴ-ական Արծրունի Իգիթյանն ինքնաառաջադրվել է: Ինքնաառաջադրվել են նաեւ Բասենի գործող գյուղապետ ՀՀԿ-ական Համլետ Պետրոսյանն ու անկուսակցականներ Լեւոն Գեղամյանը, Գերասիմ Համբարյանն ու Վանիկ Մկրտչյանը:
Առաջադրված ամենաշատ թեկնածուներ ունեցող համայնքներից է նաեւ Շիրակի մարզի Անի համայնքը: Այստեղ առաջադրված 7 թեկնածուից Մարալիկի քաղաքապետ ՀՀԿ-ական Արտակ Գեւորգյանի թեկնածությունն առաջադրել է ՀՀԿ-ն, ԲՀԿ-ական Հակոբ Աղաբեկյանի թեկնածությունը՝ ԲՀԿ-ն, ինքնաառաջադրվել են Մարալիկի թիվ 2 միջնակարգ դպրոցի ՀՀԿ-ական տնօրեն Խաչատուր Բուլոյանը եւ անկուսակցականներ Հրաչյա Աճեմյանը, Աղասի Առաքելյանը, Ձիթհանքով գյուղի դպրոցի ուսուցիչ Ռոստամ Բալաբեկյանն ու Ձիթհանքով գյուղի գյուղապետ Հովիկ Պողոսյանը:
4 թեկնածու էլ ունի Շիրակի մարզի Մարմաշեն համայնքը: ՀՀԿ-ի թեկնածուն այնտեղ կլինի Քեթի համայնքի ՀՀԿ-ական ղեկավար Թորգոմ Սահակյանը: Ինքնաառաջադրվել են Մարմաշենի ՀՀԿ-ական գյուղապետ Աշոտ Եղոյանն ու ՀՅԴ-ական Կարեն Աշակյանը: Մարմաշենում ինքնաառաջադրվել է նաեւ Մայիսյանի անկուսակցական գյուղապետ Հակոբ Բաղդասարյանը:
Սյունիքի մարզի Կապան համայնքում իրար դեմ կպայքարեն երկու ՀՀԿ-ականներ՝ ՀՀԿ-ի կողմից առաջադրված Կապանի գործող քաղաքապետ Աշոտ Հայրապետյանն ու Վերին Խոտանանի ինքնաառաջադրված գյուղապետ Կարեն Հակոբյանը:
Սիսիանում ՀՀԿ-ն առաջադրել է գործող ՀՀԿ-ական քաղաքապետ Արթուր Սարգսյանի թեկնածությունը, ԲՀԿ-ն՝ ԲՀԿ-ական Կարեն Համբարձումյանի թեկնածությունը: Սիսիանում ինքնաառաջադրվել է նաեւ անկուսակցական Սիրաս Ռաֆիկի Ստեփանյանը:
Սյունիքի մարզի Քաջարան համայնքում ՀՀԿ-ն առաջադրել է Քաջարանի գործող քաղաքապետ ՀՀԿ-ական Մանվել Փարամազյանի թեկնածությունը: Ինքնաառաջադրվել է նաեւ ՀՀԿ-ական Արտեմ Սարգսյանը:
Վայոց Ձորի մարզի Արենի համայնքում ՀՀԿ-ի թեկնածուն կլինի Ռինդի գործող ՀՀԿ-ական գյուղապետ Հուսիկ Սահակյանը, ԲՀԿ-ի թեկնածուն՝ Արփիի ԲՀԿ-ական գյուղապետ Ռազմիկ Վարդանյանը, ինքնաառաջադրվել է նաեւ Արենիի գործող գյուղապետ, անկուսակցական Րաֆֆի Խաչատրյանը:
Գլաձորում ինքնաառաջադրվել են Գլաձորի գործող անկուսակցական գյուղապետ Արմեն Մովսիսյանն ու անկուսակցական Գագիկ Սմբատյանը:
Վայոց ձորի մարզի Եղեգիս համայնքում ՀՀԿ-ն առաջադրել է Շատինի ՀՀԿ-ական գյուղապետ Տիգրան Խուդոյանի թեկնածությունը, ինքնաառաջադրվել են նաեւ երկու ՀՀԿ-ականներ՝ Քարագլուխի գյուղապետ Արթուր Ստեփանյանն ու Մամիկոն Ռազմիկի Սմբատյանը: Եղեգիսում ինքնաառաջադրվել է նաեւ Արտաբույնքի գործող գյուղապետ, անկուսակցական Արմեն Սեդրակյանը:
Տավուշի մարզի Աչաջուր համայնքն ունի ինքնաառաջադրված 4 թեկնածու, որից երեքը՝ Աչաջուրի գործող գյուղապետ Կամո Ղալթախչյանը, Կարեն Ղալթաղչյանն ու Տաթեւ Գասպարյանը ՀՀԿ-ականներ են, իսկ 4-րդ թեկնածուն ՀՅԴ-ական ինքնաառաջադրված Սեւադա Ղուկասյանն է:
Եվս 4 ինքնաառաջադրված թեկնածու էլ ունի Տավուշի մարզի Բերդ համայնքը, որից երկուսը՝ Ավետիք Ադամյանն ու Բերդի քաղաքապետ Հարություն Մանուչարյանը ՀՀԿ-ականներ են, իսկ երկուսը՝ Արծվաբերդ եւ Այգեձոր գյուղերի գյուղապետեր Կարեն Շահնազարյանն ու Սասուն Սաֆարյանը՝ անկուսակցականներ:
Այսպիսով՝ ամփոփելով կարելի է նշել, որ առաջադրված 143 թեկնածուից 73-ը ՀՀԿ-ական են, 5-ը՝ ԲՀԿ-ական, 4-ը՝ ՀՅԴ-ական, մեկական «Քաղաքացիական պայմանագիր» եւ «Համերաշխություն» կուսակցություններից եւ 59-ը՝ անկուսակցական: Ուշագրավ է, որ 6 թեկնածուի առաջադրել է ԲՀԿ-ն, 37-ին՝ ՀՀԿ-ն, իսկ մնացածն ինքնաառաջադրվել են:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
