Միջին և բարձր աշխատավարձ ստացողները կվճարեն նաև ընտանիքի առողջության ապահովագրության համար

Հայաստանն, ինչպես արդեն բազմիցս հայտարարվել է, սկսել է գնալ առողջության պարտադիր ապահովագրության ճանապարհով: Նախատեսվում է, որ երկու-երեք տարի հետո դա արդեն իրողություն կլինի:

Առողջապահության նախարարի տեղակալ Սամվել Մարգարյանից տեղեկացանք, որ 2018 թվականի սկզբում սկսվելու են պարտադիր ապահովագրության հայեցակարգի մշակման աշխատանքները:

Այլ առիթներով անդրադարձել ենք, որ սոցփաթեթի շահառուների առողջության ապահովագրումը նորից իրականացվում է ապահովագրական ընկերությունների միջոցով: Սոցիալական տարբեր խմբերի բուժօգնության համար տրամադրվող պետական պատվերը նույնպես նախատեսվում է բուժհաստատություններին հասցնել այդ օղակի միջով:

Հաջորդիվ արդեն նախատեսվում է, որ առողջության պարտադիր ապահովագրություն է գործելու աշխատող բնակչության համար:  

Առողջապահության նախարար Լեւոն Ալթունյանն իր հարցազրույցներից մեկում ասել էր, որ ստեղծվելու է ապահովագրական ֆոնդ՝ բաղկացած երկու տեսակ ներդրումներից: Մի դեպքում այդ ներդրումը կատարելու է պետությունը՝ սոցիալապես անապահով խավերի համար, մյուս դեպքում վճարումներ են կատարելու աշխատող քաղաքացիները:

«Քաղաքացիների մի մասը, որոնք ստանում են ցածր աշխատավարձ, վճարելու են միայն իրենց համար, իսկ միջին եւ բարձր աշխատավարձ ստացողները կվճարեն իրենց եւ իրենց ընտանիքների համար: Ընդ որում՝ մենք նախատեսում ենք, որ Հայաստանի 1.5 միլիոն բնակչությունը ձեռք կբերի ապահովագրություն, մնացած 1.5 միլիոնը կսպասարկվի պետության ծրագրերի հաշվին»,- նշել էր Լեւոն Ալթունյանը:

Փոխնախարար Սամվել Մարգարյանը, անդրադառնալով թեմային եւ այն հարցին, թե ինչ ասել է բարձր կամ ցածր աշխատավարձ, պարզաբանեց.

«Դա նշանակում է, որ ընդամենը աշխատավարձի տոկոս է ֆիքսվում: Շատ երկրներում այդպես է: Եվ, ինքնաբերաբար, եթե դուք ստանում եք 100 հազար դրամ, ձեր աշխատավարձի 5 տոկոսը 5 հազարն է, եթե ես ստանում եմ 1 միլիոն, իմ աշխատավարձի 5 տոկոսը 50 հազարն է: Ստացվեց, որ մենք տասը անգամ տարբեր գումարներ ենք վճարում: Դա ընդամենը նշանակում է, որ միջին եւ բարձր աշխատավարձ ստացողները մի քիչ ավելի շատ են վճարում: Այդ մոտեցումը ամրագրված է մեր Սահմանադրությունում: Առաջին հոդվածը մասնավորապես սահմանում է, որ Հայաստանի Հանրապետությունը սոցիալական պետություն է, ինչը նշանակում է, որ ավելի շատ փող ունեցողները հարկերի միջոցով մեղմում են քիչ փող ունեցողների կարիքները»:

Փոխնախարարն, այդուհանդերձ, ասաց, որ դեռեւս վերջնական որոշում չկա, քանի որ հայեցակարգը միայն հաջորդ տարի է մշակվելու: Պետք է ստեղծվի նաեւ համապատասխան օրենսդրական հիմք:

Տպել
15345 դիտում

Նպաստների համակարգը պետք է դառնա ժամանակավոր աջակցության գործիք. Ժաննա Անդրեասյան

ՀՀԿ-ն մոբիլիզացրել է ուժերը, մի քանի տասնյակ հոգի Մալյանի հետ ՍԴ-ի մոտ ակցիա է անում՝ ի պաշտպանություն Հրայր Թովմասյանի

Վրաստանում 2020-ի ընտրությունները կանցկացվեն համամասնական ընտրակարգով. Իվանիշվիլի

Մի քանի տասնյակ սպաների կանանց հրավերով Արցախում եմ. Աննա Հակոբյան

Արամ Կարախանյանը նշանակվել է Կադաստրի կոմիտեի ղեկավարի տեղակալ

Երեւան համայնքը կփոխհատուցի վթարային հանրակացարանների բնակիչների բնակարանի վարձավճարը՝ ամսական 70 հազար դրամ

Հրաչիկ Բաբայանը չհաղթահարեց որակավորման փուլը. Մինսկ-2019

Երեւանի Օղակաձև զբոսայգու 3-րդ հատվածում մեկնարկել են բարեկարգման լայնածավալ աշխատանքներ

Մանկավարժական համալսարանից մոտ 60 ուսանող եւ աշխատակից է տարհանվել

Գիրը չի կորում, մնում է

Գյումրու կանաչ գոտիներում եւս տարածքներ կսեփականաշնորհվեն

Վայոց Ձորի մարզում գյուղատնտեսությունը վերջին 1 տարում զարգացում է ապրում. ոլորտի պատասխանատու

Ստեփանյանը Մինսկ 2019-ի 1-ին մեկնարկը բաց է թողել վնասվածքի պատճառով, մյուսներին կմասնակցի

7 անշարժ գույք, 98 հազար դոլար, 25 մլն դրամ. դատական դեպարտամենտի ղեկավարի եւ նրա կնոջ ունեցվածքը

Մաթեմատիկայի քննություն հանձնել է 4 հազար 546 դիմորդ, 20 միավոր է ստացել 30 հոգի

Վթարային հանրակացարանի տասնյակ բնակիչների կհատկացվի 39 բնակարան նորակառույց շենքերում

Իշխանյանը նոր է գնացել «Ալաշկերտ», բայց բարձրակարգ առաջնությունում խաղալու առաջարկ կընդունի

Ucom-ի աջակցությամբ կայացել է  11-րդ «ԲարՔեմփ Երևան 2019» (չ)կոնֆերանսը

Արեւմուտքն աչքերը փակում է Վրաստանում ազգայնականների վայրագությունների վրա. Լավրով

Խեղդամահ արված 7-ամյա երեխայի մայրն ասել է, թե նրան ուղարկել է տատիկին «տեսնելու». նրան այսօր մեղադրանք առաջադրվեց