Գեւորգ Գորգիսյանի ելույթը ՍԾՏՀ տնտեսական եւ բնապահպանական հարցերի հանձնաժողովի նիստում

ՀՀ Ազգային ժողովի պատգամավոր Գեւորգ Գորգիսյանը «Ազգային նորարարական համակարգերի զարգացումը Սեւծովյան տնտեսական համագործակցության անդամ երկրներում» թեմայով հոկտեմբերի 19-ին ելույթ է ունեցել ՍԾՏՀ տնտեսական, առեւտրի, տեխնոլոգիական եւ բնապահպանական հարցերի հանձնաժողովի 49-րդ նիստում, որը տեղի է ունենում Տիրանայում:

«Նիստի հարգելի՛ մասնակիցներ,

հարգելի՛ գործընկերներ,

տիկնա՛յք եւ պարոնա՛յք,

ՍԾՏՀ խորհրդարանական վեհաժողովի հայկական պատվիրակության անունից կցանկանայի ողջունել հանձնաժողովի նիստի մասնակիցներին եւ երախտագիտություն հայտնել մեր ալբանացի գործընկերներին ջերմ ընդունելության եւ հանձնաժողովի աշխատանքների պատշաճ կազմակերպման համար:

Քննարկող թեմայի տեսանկյունից Հայաստանում իրավիճակը բավականին խոստումնալից է: Հայաստանը ճանաչվել է նորարարական ձեռքբերումներ ունեցող երկիր եւ Համաշխարհային նորարարական ինդեքսի 2017 թվականի տվյալների համաձայն` այժմ զբաղեցնում է 59-րդ հորիզոնականը: Վերոնշյալ զեկույցի համաձայն` Հայաստանն զբաղեցնում է 47-րդ հորիզոնականը մեկ շնչին բաժին ընկնող միջազգային արտոնագրերի քանակով եւ 17-րդ տեղը` աշխարհում նորարարության արդյունավետության ցուցիչով:

Ոգեշնչված անցած տարիների ընթացքում իրականացված տարբեր նպատակներով` այսօր Հայաստանը նպատակ ունի էլ ավելի զարգացնելու նորարարական տեխնոլոգիաները: Մենք համոզված ենք, որ Հայաստանն այսօր ունի անհրաժեշտ նախապայմանները միջազգային նորարարական հասարակության մրցունակ անդամ դառնալու համար, որոնցից կցանկանայի ընդգծել հետեւյալները`

*ինժեներիայի, տեղեկատվական տեխնոլոգիաների եւ բնական գիտությունների ոլորտներում գիտական ներուժի առկայություն,

*նշված ոլորտներում բարձր որակավորում ունեցող մասնագետների առկայություն,

*հատուկ նորագույն տեխնոլոգիաներին եւ գիտությանն ուղղված նորարարական կրթական ծրագրեր,

*միջազգային տարբեր նորարարական կազմակերպությունների հետ համագործակցելու հարուստ փորձ,

*միջազգային չափորոշիչներին համապատասխանող մտավոր սեփականության պաշտպանությանն ուղղված իրավական ակտերի շրջանակ,

*ոլորտի պետական աջակցություն եւ գործարար միջավայրի բարելավում? նոր ներդրումներ ներգրավելու համար:

Հայաստանում բարձր որակավորում ունեցող մասնագետներ պատրաստելու համար բազմաթիվ կրթական ծրագրեր են սկսվել իրականացվել տարբեր միջազգային նորարարական կազմակերպությունների եւ նախագծերի շրջանակում: Նշեմ հաջողության հասած նման ծրագրերից մի քանիսը՝

*հայկական ազգային ինժեներական լաբորատորիա, որն ստեղծվել է ազգային գործիքների հետ համատեղ,

*Մայքրոսոֆթի նորարարական կենտրոն,

*ԱյԲիԷմ-ի նորարարական լուծումների եւ տեխնոլոգիաների կենտրոն,

*«Սինոփսիս Արմենիայի» կրթական բաժին

*ստեղծարար տեխնոլոգիաների Թումո կենտրոն,

*Գյումրիում եւ Վանաձորում տեխնոլոգիական կենտրոնների ստեղծում,

*առաջիկայում Լոռու մարզում առաջին ՍՄԱՐԹ կենտրոնի բացումը, որը տեխնոլոգիաների եւ նորարարության միջոցով գյուղական համայնքների զարգացման առանձնահատուկ մոդել է,

*ծրագիր, որը տրամադրում է անվճար հասանելիություն համաշխարհային գիտական կենտրոնների եւ համալսարանների գիտական շտեմարաններին, ինչպիսիք են, օրինակ, «Springer»-ը եւ «Web of Science»-ը:

Նշված ոլորտներում առկա են հետեւյալ գլխավոր մարտահրավերները`

*գործարար հատվածի, կրթական ծրագրերի եւ հետազոտական ու զարգացման նախագծերի միջեւ ամուր կապերի ստեղծում,

*գիտական, տեխնոլոգիական նախագծերի եւ նորարարական ստարտափերի ժամանակակից ֆինանսավորման համակարգերի զարգացում,

*տեղային նորարարական գաղափարների եւ ապրանքների՝ միջազգային շուկաներ դուրս գալու աջակցություն:

Ազգային նորարարական համակարգերի զարգացման հիմնական բաղադրիչներից մեկը նորարարությունների եւ տեխնոլոգիաների ոլորտում միջազգային համագործակցությունն է եւ ակտիվ մասնակցությունը նշված ոլորտում առկա տարբեր միջազգային ծրագրերին:

*Գերմանիայի միջազգային համագործակցության ընկերություն (GIZ) հետ համագործակցության շրջանակում սկսվել է «Հայաստանում փոքր եւ միջին ձեռնարկությունների աջակցման» ծրագիրը: Այն ֆինանսավորվում է Եվրոպական միության կողմից եւ նախատեսվում է իրականացնել 2016-2019թթ. ընթացքում:

*Ասիական զարգացման բանկի հետ համագործակցության արդյունքում ստեղծվել է «Տեխնիկական աջակցություն արտահանման եւ նորարարության ոլորտի արդյունաբերական զարգացման համար» անվանմամբ ծրագիրը: Այն նախատեսված է իրականացնել 2016-2018թթ.:

*2016 թվականի մայիսին Հայաստանը դարձավ Եվրոպական միության կողմից ստեղծված հետազոտությունների եւ նորարարության «Հորիզոն 2020» ծրագրի ասոցացված անդամ եւ այլն:

Հարգելի գործընկերներ, ամփոփելով իմ ելույթը՝ ուզում եմ նշել, որ Հայաստանը բաց է համագործակցության համար Սեւծովյան տնտեսական համագործակցության անդամ երկրների հետ: Մենք ողջունում ենք տարածաշրջանում նորարարական տեխնոլոգիաների զարգացմանը միտված ցանկացած համագործակցություն եւ խորհրդատվություն»,-ասել է պարոն Գորգիսյանը:

Տպել
2807 դիտում

Անասնագոմում հիվանդ տղայի հետ ապրող ազատամարտիկի հոսանքն են հիմա էլ անջատել (լուսանկարներ)

Վարչապետ Փաշինյանը ԳԴՀ դեսպանի հետ քննարկել է Գերմանիայի կառավարության հետ համագործակցությունը

ՎՏԲ-Հայաստան Բանկն առաջարկում է քարտից քարտ փոխանցումներ կատարել մոբայլ և ինտերնետ բանկի միջոցով

Դավիթ Տոնոյանն Արգենտինայի դեսպանի հետ քննարկել է պաշտպանության ոլորտում համագործակցության մասին հարցեր

«ԷԼԱՐԴ»-ի փորձագետները ներկայացրել են Ամուլսարում իրականացված փորձաքննության նախնական եզրակացությունը

Սպանություն Գյումրիում. մորը սպանելու կասկածանքով ձերբակալվել է որդին

Գյումրու ավագանին Ֆրանկ Մյուլլերից ետ վերցրեց մեկ տարի առաջ տրված տարածքները

16 մլն դրամ, 45 հազար դոլար. ի՞նչ ունեցվածք ունի դատավոր Նարինե Բարսեղյանը

Դեռ չգիտենք, թե մշակույթի նախարարությունն ինչ դերակատարում կունենա Օպերային թատրոնի գործունեության մեջ. Օրբելյան

Դատարանը անակնկալ հեռացավ խորհրդակցական սենյակ՝ Քոչարյանի եւ մյուսների վերաբերյալ որոշում կայացնելու

Խորհրդարանում Բարձրագույն դատական խորհրդի անդամ են ընտրում

Ժամկետային զինծառայողին մեղադրանք է առաջադրվել` սպանության փորձ կատարելու համար

Սուրիկ Խաչատրյանի առանձնատունը, որը գտնվում է կենդանաբանական այգու ճանապարհին, գրանցված չէ. Պետրոսյան

Ներքին տեղեկությունները Հայաստանից Ադրբեջանում հայտնվել չեն կարող. Արթուր Վանեցյան

«Women’s Club»-ի նոր անդամ Արենա Զեյնալյանի կերպարը կոտրելու է տարածված կարծրատիպը

Հայաստանում ներդրվում է անշարժ գույքի միասնական հարկատեսակը. գործադիրը հաստատեց նախագիծը

Ես այս ընթացքում բազմաթիվ աղաղակող կոպիտ թերություններ եմ տեսել. վարչապետ

Սուրբ Հովհաննես Կարապետի մասունքը տարվել է Շողակաթի վանք

Սահմանադրական դատարանի նախագահի լիազորությունները ստանձնում է Վահե Գրիգորյանը․ նա երդվեց խորհրդարանում

Գործող հողի հարկին եւ գույքահարկին փոխարինելու է գալիս միասնական անշարժ գույքի հարկի գաղափարը. Պետրոսյան