Այդպես էլ չենք իմանա՝ կալանավորի եղո՞ւնգն են քաշել, թե՞ մատն են կտրել

ԱԺ «Ելք» խմբակցության պատգամավորները հանդես էին եկել «ձերբակալված եւ կալանավորված անձանց պահելու մասին» օրենքում փոփոխություններ մտցնելու եւ օրենքի 48 հոդվածը ճիշտ մեկնաբանելու առաջարկությամբ։ Օրենքի այդ դրույթով սահմանվում են այն սուբյեկտները, որոնք իրավունք ունեն քրեակատարողական հիմնարկներ առանց խոչընդոտի ու որեւէ արգելիքի մուտք ու ելք գործել:

Հեկտեմբերի 24-ին, ԱԺ նիստում օրինագծի համահեղինակ, «Ելք» խմբակցության ղեկավար Նիկոլ Փաշինյանն իր ելույթում նշեց, որ օրենքի 48 հոդվածը նախատեսում է, որ մի շարք պաշտոնյաներ, այդ թվում՝ ԱԺ պատգամավորները առանց հատուկ թույլտվության ձերբակալվածներին պահելու վայր եւ կալանավորվածներին պահելու վայր անարգել մուտքի եւ ելքի իրավունք ունեն։

«Այսինքն՝ պատգամավորը քրեակատարողական հիմնարկ կարող է անարգել մտնել եւ անարգել դուրս գալ, եւ այս իրավունքը ինքնաբերաբար նշանակում է, որ պատգամավորը ՔԿՀ տարածքում որեւէ սահմանափակման չի կարող հանդիպել։ Այսինքն՝ քրեակատարողական հիմնարկում չպետք է լինի տեղ, վայր, որտեղ նրա մուտքն արգելված լինի։ Հիմա, ինչպես սիրում են ասել իրավաբանները, կիրառական պրակտիկայում ինչ է տեղի ունենում՝ շատ հաճախ այս իրավունքը սահմանափակվում է, երբ որ քննիչի կողմից կալանավորված անձի տեսակցությունների սահմանափակման որոշում է կայացված։ Արդյունքում ստանում ենք մի իրավիճակ, երբ որ օրենքի այս դրույթի կիրառական նշանակությունը, վերահսկման նշանակությունը, որը դրված է այս օրենքի հիմքում, չի իրականացվում»,- հայտարարեց Նիկոլ Փաշինյանը։

Նրա ներկայացմամբ, արդյունքում ստեղծվում է մի իրավիճակ, երբ օրինակ, ընտրողը զանգում է պատգամավորին եւ տեղեկացնում, որ օրինակ, իր ամուսնուն ՔԿՀ-ում խոշտանգել են, Նիկոլ Փաշինյանի օրինակով՝ եղունգներն են քաշել կամ մատներն են կտրել, ու պատգամավորը պետք է գնա-տեսնի, թե իրականում ինչ է կատարվում։

«Պատգամավորը  գնում, մտնում է ՔԿՀ եւ ասում է՝ ես եկել եմ այսպիսի ահազանգի հիման վրա եւ ուզում եմ տեսնել՝ այդ կալանավորի եղունգները, մատները տեղո՞ւմ են, թե՞՝ ոչ։ Քրեակատարողական հիմնարկն արգելում է, որովհետեւը քննիչը արգելել է տեսակցությունն այդ կալանավորի հետ։ Բայց մենք ասում ենք՝ մենք տեսակցություն չենք ուզում, մենք ուզում են տեսնել, այդ մարդուն, ի վերջո, խոշտանգե՞լ են, թե՞ չէ, մատները տեղո՞ւմ են, թե՞ չէ, այդ մարդը սովի՞ է մատնված, թե՞ չէ, սննդից զրկվա՞ծ է, թե՞ չէ, էդ մարդը կենդանի՞ է, թե՞ չէ։ Եվ, ըստ էության, ստացվում է մի իրավիճակ, որ արհեստական խոչընդոտ է ստեղծվում այս իրավունքի իրացման ճանապարհին»,- նշեց Նիկոլ Փաշինյանը՝ նաեւ բերելով իր օրինակը, երբ նրան արգելել էին մտնել ոչ թե բանտախուց, այլ ընդհանրապես՝ ՔԿՀ-ի մասնաշենք, հիմնավորելով, թե իբր այնտեղ պահվում են նաեւ մարդիկ, ում հետ տեսակցությունները քննիչը սահմանափակել է։ Իսկ սա, ըստ նախագծի հեղինակների, սահմանադրության եւ պատգամավորի կիրառական իրավունքների կոպիտ խախտում է։

Եվ իրո՛ք, տեսկանորեն բացառված չէ, որ կալանավորին կամ ձերբակալվածին ՔԿՀ-ում խոշտանգեն, ծեծեն, նրան պահեն սարսափելի սանիտարահիգիենիկ վիճակում, ու  այս ամբողջ պատկերը թաքցնելու համար քննիչը սահմանափակի նրա հետ տեսակցությունը։ Արդյունքում ոչ ոք չի կարող ո՛չ մտնել նրա խուց, ո՛չ հաղորդակցվել նրա հետ ու պարզել, արդյո՞ք նրան խոշտանգել են, թե՞ ոչ, մինչեւ թարմ հետքերը կանցնեն, օրինակ կապտուկները կամ վերքերը, դե հետո գնա ու պարզի՝ տվյալ մարդուն տանջե՞լ են, թե՞ փայփայել, վա՞տ սանիտարահիգիենիկ վիճակում են պահում, թե՞ «բամբակի մեջ»։ Բայց արդարադատության նախկին նախարար, ԱԺ պետաիրավական եւ մարդու իրավունքների պաշտպանության մշտական հանձնաժողովի նախագահ Հրայր Թովմասյանը, ում նախարարության օրոք, ի դեպ, օրենքի այս դրույթը սկսվեց մեկնաբանվել այսպես, ու պատգամավորների եւ այլ սուբյեկտների այցելությունները տեսակցության սահմանափակում ունեցող անձանց մոտ արգելվեցին, այլ կարծիք ուներ։

«Եթե այդքան միանշանակ լիներ, կարծում եմ, որ մեր գործընկերները այդ նախագիծը չէին ներկայացնի, եւ շատ հստակ ներկայացվեց դրա մերժման հիմքերը․ կիմաստազրկվի քննիչի կողմից սահմանափակում դնելու ինստիտուտն ընդհանրապես, եւ նախաքննության գաղտնիությունը։ Ով ուզում է՝ լինի պատգամավոր, լինի այդ ոլորտը համակարգող նախարար, թե այն բոլոր սուբյեկտները, որոնք 48-րդ հոդվածում սահմանված են։ Եթե մեր գործընկերները գտնում են, որ այդ իրավակարգավորումը հակասահմանադրական է, ապա հստակ ճանապարհները գոյություն ունեն, եւ կարող են այդ ճանապարհով շարժվել։ Առ այսօր այն գործողությունները, այն միջոցները, որոնք կիրառվում են այդ անձանց հետ տեսակցությունները սահմանափակելու մասով, առ այսօր դրանց դեմ ոչ ոք չի բողոքարկել, անգամ վարչական կարգով չի բողոքարկվել»,- իր տեսակետը ներկայացրեց Հրայր Թովմասյանը։

ԱԺ «Ելք» խմբակցության պատգամավոր Էդմոն Մարուքյանն էլ հիշեց, որ այս իրավակարգավորումը գոյություն ուներ վաղուց ու կիրառվել է, բայց դա սկսեց այլ կերպ մեկնաբանվել, երբ «իքս» նախարարը ստանձնեց նախարարի պաշտոնը, որի մեկնաբանության ուժով սահմանափակվել են պատգամավորների իրավունքները։

«Հիմա այդ նախարարը զբաղեցնում է հանձնաժողովի նախագահի պաշտոնը, ու բնական է, որ այս ձեւով պետք է շարունակվեր այս մեկնաբանումը, ինչը հակասահմանադրական է»,- հայտարարեց Էդմոն Մարուքյանը։

«Ելք»-ի պատգամավորներն առաջարկում էին, որ ամեն դեպքում արժե այս նախաձեռնությունը մտցնել ԱԺ նիստի օրակարգ, որից հետո կարելի է բոլոր տեսակետները հնչեցննլ, ու այդ դեպքում էլ քաղաքական մեծամասնությունը կարող է դեմ քվեարկելով ընդունումը կասեցնել։ Բայց անգամ այդ տարբերակն էր քաղաքական մեծամասնության համար անընդունելի, եւ պատգամավորների 35 կողմ, 6 ձեռնպահ եւ 51 դեմ ձայների հարաբերակցությամբ մերժվեց այս նախագիծը ԱԺ նիստի օրակարգ մտցնելու հարցը։

Քաղաքական փոքրամասնությունը բողոքեց, որ այսպիսով իշխող մեծամասնությունը ցույց է տալիս, որ պատգամավորների լսված լինելու իրավունքը ձեւական բնույթ է կրում, քանի որ իրենք ուզում էին այս հարցը քննարկել ԱԺ նիստում, լսելի դարձնել իրենց տեսակետներն ու հիմնավորումները, եւ միգուցե դրանք լսելով, այլ պատգամավորներ կայացնեին այս օրինագծին կողմ քվեարկելու քաղաքական կամք ու որոշում, բայց իրենց՝ լսված լինելու իրավունքը սահմանափակվեց։

Տպել
4256 դիտում

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը