Մարզպետն ու ՀՀԿ կառույցի ղեկավարը «խաղաղության» մեջ են, տնօրենն էլ՝ կրթության ջատագով

ՀՀԿ պատգամավոր, նախկին ոստիկանապետ Արտաշատի ՀՀԿ կառույցի ղեկավար Ալիկ Սարգսյանն Armtimes.com-ի հետ զրույցում անդրադառնալով իր եւ Արարատի մարզպետ Արամայիս Գրիգորյանի միջեւ տեղի ունեցած հեռահար վեճին, նշեց, որ նման բան չկա իր եւ Գրիգորյանի հարաբերությունները «խաղաղ են»:

Ի դեպ, այսօր մամուլում տեղ էին գտել հրապարակումներ, որ Սարգսյանը ՀՀԿ կառույցի կանանց խորհրդի նախագահ է նշանակել Մասիս գյուղի միջնակարգ դպրոցի տնօրեն Ռուզաննա Խաչատրյանին, որն էլ մարզպետի սրտով չի եղել եւ ստիպել է տնօրենին հրաժարվել կանանց խորհրդի նախագահի պաշտոնից:

«Իմ եւ մարզպետի միջեւ լարվածություն չկա, հավատացեք: Իսկ այդ միջադեպը, որ ասում եք, պարզապես Ռուզաննան ասել է, որ ես չեմ կարող երկու պաշտոն համատեղել, դրա համար հրաժարվում է: Ինքը ցանկանում է իրեն ավելի շատ տեսնել դպրոցի տնօրենի պաշտոնում: Այս պահին նա դեռ իր պաշտոնում է, դեռ պետք է խորհրդի նիստ լինի, որ խորհուրդն իր դիմումը քննի»,- ԱԺ-ում մեր զրույցում ասաց Ալիկ Սարգսյանը:

Հարցին, թե Գրիգորյա՞նն է նրան դրդել այդ քայլին, պատգամավորն ասաց.

«Ո՛չ տնօրենը, ո՛չ էլ մարզպետն ինձ այդ մասին որեւէ բան չեն ասել: Իմ եւ մարզպետի հարաբերությունները շատ լավ են, հանգիստ ենք ու խաղաղ:  Երեկ եմ մարզպետի հետ հանդիպել, ամեն շաբաթ իրար հետ հանդիպում ենք»,- ասաց Սարգսյանը:

Հարցին, թե Ռուզաննա Խաչատրյանն իր ազգակա՞նն է, որ նշանակել է այդ պաշտոնին, Ալիկ Սարգսյանը պատասխանեց.

«Այդ կինը իմ ոչ մի բանը չէ, ուղղակի դպրոցի տնօրենն է, որին շատ լավ ճանաչում եմ, խելացի, գրագետ կին է, եւ ուզում էի, որ լինի այդ պաշտոնին: Չի համաձայնվում, չեմ պարտադրելու»:

Դիտարկմանը, թե կուսակցության մյուս տարածքներում խորհրդի նախագահները, կառույցների ղեկավարներն իրենց այդ պաշտոնները համատեղում են այլ պաշտոնների հետ, ինչպե՞ս է ստացվում, որ միայն այս դպրոցի տնօրենն է, որ չի ցանկանում միանգամից երկու պաշտոն զբաղեցնել, պատգամավորը պատասխանեց.

«Իհարկե, բոլոր խորհրդի նախագահներն էլ իրենց պաշտոնների հետ են համատեղում այդ աշխատանքը, բայց չգիտեմ, թե ինչու նա չի ցանկանում այդ գործը շարունակել: Ինքը նույնիսկ ինձ չի հանդիպել, դիմում է թողել ու ասել, որ կուսակցության այս աշխատանքն ինձ խանգարում է, խնդրում եմ թող ազատի: Էս քանի օրը լինեմ մարզում, իր հետ կզրուցեմ»,- եզրափակեց  ՀՀԿ-ական պատգամավորը:

Տպել
2610 դիտում

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը

Փարիզում «դեղին բաճկոնների» ակցիայի 12 մարդ է ձերբակալվել

ԵԽԽՎ ձմեռային նստաշրջանում անդրադարձ կլինի ՀՀ-ում կայացած արտահերթ խորհրդարանական ընտրություններին

Հայտնաբերվել է Հաղարծինում ծառերն ապօրինի կտրած անձը

Վարդենյաց լեռնանցքը կցորդիչով բեռնատարների համար փակ է, իսկ մյուս բեռնատարների համար՝ դժվարանցանելի

Սամվել Մայրապետյանի փաստաբանական խումբը պատասխանել է ՀՀ գլխավոր դատախազությանը

Վալերիյ Օսիպյանն ընդունել է տաքսի ծառայությունների ղեկավարների, պատասխանել նրանց հուզող հարցերին

Դավիթ Տոնոյանն ու «Մայքրոսոֆթ» ընկերության ներկայացուցիչները պայմանավորվել են հետագա համագործակցության վերաբերյալ

ՀՀ ՄԻՊ Արման Թաթոյանը հայտարարություն է տարածել Ազգային ժողովի մարմինների ձեւավորման կապակցությամբ

Քաղաքապետ Հայկ Մարությանը հանդիպել է «Դայմլեր բասիս» ընկերության վաճառքների դեպարտամենտի տնօրեն Բերնդ Մեքի հետ

Ադրբեջանական կողմը հրադադարի պահպանման ռեժիմը մեկ շաբաթում խախտել է շուրջ 180 անգամ

ՀՀ Աշխատանքի եւ սոցիալական հարցերի նախարար է նշանակվել Զարուհի Բաթոյանը

Արմեն Սարգսյանը ստորագրել է հրամանագրեր՝ նախարարներ նշանակելու եւ վերանշանակելու մասին

ՄԱԿ գլխավոր քարտուղարը շնորհավորական ուղերձ է հղել Նիկոլ Փաշինյանին՝ վարչապետի պաշտոնում նշանակվելու առթիվ