ՀՅԴ-ի համար Սերժ Սարգսյանն անփոխարինելի է, ԲՀԿ-ն լուռ է, վարչապետն էլ աշխարհն է շուռ տալիս

2017 թվականի խորհրդարանական ընտրություններից հետո հայաստանյան քաղաքական կյանքն անկում ապրեց: Բացառելով ԱԺ-ում քննարկվող մեկ-երկու օրենքի նախագծերը, որոնք կարճ ժամանակով ակտիվացնում են քաղաքական կյանքը, կարելի է ասել, որ քաղաքականությունը «կաղալով» ընթանում է դեպի 2018 թվականի մեծ ինտրիգ՝ ՀՀ վարչապետի պաշտոն եւ նոր կառավարության ձեւավորում:

Այս շրջանում լուռ են բոլորը: ՀՀԿ-ականները քիչ են խոսում, ոչ բոլորն իրավունք ունեն հարցազրույցներ տալու՝ 2018 թվականի վարչապետի պաշտոնի եւ այլ կարեւոր թեմաներով: Խոսքի իրավունք ունեցողներն էլ ասում են. «Սերժ Սարգսյանն անփոխարինելի է»:

Երեկ էլ այս շերտի շարքերը համալրեց ՀՀԿ փոխնախագահ, վարչապետ Կարեն Կարապետյանը, որը կառավարությունում հրավիրված մամուլի ասուլիսի ժամանակ: 

«Ինչ վերաբերվում է Սերժ Սարգսյանի՝ ՀՀ նախագահի վարկանիշերին եւ հայտանիշերին, որպես անվտանգության երաշխավոր, որպես մեծ փորձ ունեցող ղեկավար, ես այդ պնդումների հետ լիարժեք համաձայն եմ»,- ասաց Կարեն Կարապետյանը՝ պատասխանելով լրագրողի հարցին, թե համաձայն է արդյո՞ք հանրապետականների այն պնդումների հետ, որ Սերժ Սարգսյանը որպես ՀՀԿ նախագահ եւ երկրի անվտանգության երաշխավոր, անփոխարինելի է: 

Առաջիկա քաղաքական զարգացումների մասին չափազանց քչախոս են նաեւ ԲՀԿ-ն եւ ՀՅԴ-ն:  ԲՀԿ-ական, ԱԺ փոխնախագահ Միքայել Մելքումյանը, երբ լսեց մեր հարցադրման նախաբանը՝ «Կարեն Կարապետյանն ասել է, որ Սերժ Սարգսյանն անփոխարինելի է...», միանգամից հրաժարվեց խոսել: 

«Լավ, վերջ, ավարտեցինք, ես գնացի, ինձ սպասում են»,- ասաց Մելքումյանը:

Փաստորեն, ԱԺ-ի 2-րդ ամենամեծ քաղաքական ուժը, որը նաեւ ընդդիմադիր դիրքերից է հանդես գալիս,  խուսափում է խոսել այս թեմայով: Արդյո՞ք դա նշանակում է, որ նրանք 2018 թվականի քաղաքական նոր թատերաշրջանում նոր դերեր ստանալու ակնկալիքներ ունեն: Հատկապես որ, մամուլում շատ է գրվում, որ 2018-ից հետո չի բացառվում, որ ԲՀԿ-ն նույնպես կոալիցյիայի մաս կազմի:

Այսինքն՝ ԲՀԿ-ն, դառնալով իշխանություն, կպահանջի նախարարների, մարզպետների, ինչու չէ՝ նաեւ փոխվարչապետներից մեկի պորտֆելները: Այդ իսկ առիթով լռելը, միաժամանակ Սերժ Սարգսյանին ոչ անփոխարինելի եւ ոչ էլ փոխարինելի համարելը Գագիկ Ծառուկյանի համար այս պահին ամենաշահեկան վիճակն է:

2018-ին եւ դրանից հետո ՀՅԴ-ն ցանկանում է պահպանել իր քաղաքական պաշտոնները: Մասնավորապես, ՀՅԴ-ի Գերագույն մարմնի անդամ, բնապահպանության նախարար Արծվիկ Մինասյանի խոսքերն ամբողջովին այդ մասին են խոսում:

«Սերժ Սարգսյանի մասին չափազանց բարձր եւ դրական կարծիք ունեմ՝ կազմակերպական, երկիրը ղեկավարելու եւ հստակ ուղղությունները մինչեւ վերջ առաջ տանելու առումով: Առհասարակ աշխարհում անփոխարինելի հասկացությունն ընդունված չէ: Յուրաքանչյուր ժամանակահատված պահանջում է իր առաջնորդին: Այս ժամանակահատվածի առաջնորդը Սերժ Սարգսյանն է»,- երեկ մեր զրույցում ասաց Մինասյանը:

Սերժ Սարգսյանին անփոխարինելի համարելուն զուգահեռ ՀՅԴ-ում շռայլ չեն ՀՀԿ-ԲՀԿ հավանական կոալիցիայի մասին կարծիքներ հայտնելուց: Պաշտոնների կորստի մտավախություն ունեն: Փորձեցինք այս թեմայով խոսել ՀՅԴ խմբակցության քարտուղար Աղվան Վարդանյանի հետ, բայց վերջին հրաժարվեց մեկ բառ անգամ ասել ԲՀԿ-ի իշխանություն մտնելու հավանականության վերաբերյալ:

Ստացվում է, որ ՀՅԴ-ն առայժմ կգովի Սերժ Սարգսյանին, ԲՀԿ-ն՝ կլռի, իսկ վարչապետն առայժմ աշխարհը շուռ տալու մասին անիմաստ հայտարարություններ կանի, ինչպես երեկվա ասուլիսի ժամանակ:

Տպել
2653 դիտում

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա