Փոխոստիկանապետի աննախադեպ բացահայտումը՝ ոստիկանությունը հաշվետու չի՞ լինի

«ՀՀ 2018թ. պետական բյուջեի մասին» ՀՀ օրենքի նախագծի նախնական քննարկմանը փոխոստիկանապետ Վարդան Եղիազարյանի զեկույցից հետո ԱԺ «Ելք» խմբակցության պատգամավոր Էդմոն Մարուքյանը հայտարարեց, որ զեկույցն աննախադեպ էր: Էդմոն Մարուքյանը նշեց, որ նախ՝ աննախադեպ էր, քանի որ Վարդան Եղիազարյանը մանրամասն ներկայացրեց ոստիկանության զարգացման ծրագիրը, ինչպես նաեւ աննախադեպ բացահայտում էր պարունակում, քանի որ նոր Սահմանադրությամբ կառավարությանն առընթեր մարմիներ չեն լինելու եւ բոլորը հաշվետու են լինելու խորհրդարանին: Ըստ էության, շեշտեց Մարուքյանը, բոլոր առընթեր մարմինները պետք է դառնան նախարարություններ՝ մտնեն կառավարության կազմի մեջ ու դառնան խորհրդարանին հաշվետու, բայց ոստիկանության զարգացման տեսլականով այդպես չէ:

«Դուք ձեր զեկույցում նշեցիք, որ զարգացման ծրագրով նախատեսում եք ոստիկանւթյուն, որը ենթակա է վարչապետին: «Վարչապետին ենթակա մարմին»՝ Ձեր խոսքից եմ մեջբերում: Դուք տեղյա՞կ եք, որ չեք դառնալու նախարարություն ու ձեր ծրագրում էլ գրել եք»,- հհետաքրքրվեց պատգամավորը:

Տեղից արձագանքեց ԱԺ պաշտպանության եւ անվտանգության հանձնաժողովի նախագահ Կորյուն Նահապետյանն ու նշեց, թե դեռ վերջնական չի:

«Դե հիմա վերջնական է, վերջնական չի՝ պարոն Նահապետյան ջան, ասացին արդեն՝ արդեն վերջնական է՝ գոնե ինձ համար: ինչպիսի՞ մարմին է այդ վարչապետին ենթակա մարմինը, որը խորհրդարանում հաշվետու չի լինում՝ կառավարության մաս չէ»,- արձագանքեց Մարուքյանն ու պնդեց իր հարցը:

Պատասխանելով Էդմոն Մարուքյանի հարցին՝ փոխոստիկանապետ Վարդան Եղիազարյանը նշեց, թե դա ծրագրային դրույթ չէ, այլ ուղղակի այն տեսլականն է, որն իրենք տեսնում են՝ ոստիկանության տեսանկյունից:

«Սահամանադրությունում հստակ գրված է, որ կան նախարարություններ, կան կառավաությանն առընթեր մարմիններ, եւ կան վարչապետին առընթեր մարմիններ: Այսինքն՝ կարծում եմ, որ ամեն ինչ սահմանադրական շրջանակներում է: Եվ ես իմ զեկույցում շատ հպանցիկ ասացի, թե ինչու ենք մենք այդպես պատկերացնում, բայց իհարկե որոշողը մենք չենք՝ դուք եք, ղեկավարությունն է. մենք պատրաստ ենք ցանկացած ձեւաչափով աշխատել, բայց այնուամենայնիվ, այն կառույցը, որ մենք կարծում ենք, որ կմնա, կլինի հենց այս ոստիկանության համակարգի կարգավիճակով, բայց իհարկե, ոստիկանության մասին օրենքի մշակման տեսլականով»,- պատասխանեց փոխոստիկանապետը:

Սահմանադրության 159՝  «Պետական կառավարման համակարգի մարմինները» հոդվածի համաձայն՝ պետական կառավարման համակարգի մարմիններն են նախարարությունները, ինչպես նաեւ Կառավարությանը, վարչապետին եւ նախարարություններին ենթակա այլ մարմիններ, որոնց կազմավորման կարգը եւ լիազորությունները սահմանվում են օրենքով: 

Տպել
2911 դիտում

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին

Ջրի գին. ավելի էժան, քան գիտես

Նիկոլ Փաշինյանը ծանոթացել է Վանաձորի թիվ 7 հիմնական դպրոցի կառուցման շինաշխատանքների ընթացքին

Ընդունում եւ հանձնում. նավից պարահանդես

Երկու աթոռ. պայքարը ավելի է թեժանում

«Իմ քայլը հանուն Լոռու մարզի» բիզնես ֆորումի մասնակիցները նոր ներդրողների են սպասում

Լավ չի, երբ սեփական պարտությունը համարում եք պետությանն ու ժողովրդինը, երբ դուք եք զրկվել ամեն ամիս ծրարով փող ստանալուց

Գեներալ-մայոր Արմեն Աբրահամյանը նշանակվել է Արցախի Հանրապետության ազգային անվտանգության ծառայության տնօրենի տեղակալ

Պետական համակարգն ու տարբեր կառույցներն այլեւս չեն միջամտում գործարար ոլորտին․ Տիգրան Խաչատրյան

Եւս մեկ անգամ հռչակում եմ տնտեսական հեղափոխության կարգախոսը․ հերիք է ինչքան նստեցինք տեղներս, վե՛ր կենանք ու քայլենք

Վարդենյաց լեռնանցքը կցորդիչով բեռնատարների համար փակ է, մարդատար ավտոմեքենաների համար՝ դժվարանցանելի

Տնտեսական հեղափոխության մեր մեթոդը չի տարբերվում քաղաքական հեղափոխության մեր մեթոդաբանությունից․ Նիկոլ Փաշինյան

Չարենցավան-Հրազդան ավտոճանապարհին տեղի է ունեցել ճանապարհատրանսպորտային պատահար․ կան տուժածներ

Վանաձորում մեկնարկել է «Իմ քայլը հանուն Լոռու մարզի» ներդրումային-բիզնես ֆորումը․ ներկա է լինելու վարչապետը