Հայաստանը կարող է դառնալ կամուրջ՝ Իրանի եւ ԵԱՏՄ-ի, Իրանի եւ Եվրոպայի միջեւ. Արա Բաբլոյան

ՀՀ ԱԺ նախագահ Արա Բաբլոյանը նոյեմբերի 3-ին ընդունել է Իրանի Իսլամական Հանրապետության արտակարգ եւ լիազոր դեսպան Սեյեդ Քազեմ Սաջադիին: Ողջունելով դեսպանին՝ ՀՀ ԱԺ նախագահը կարեւորել է Հայաստանի եւ Իրանի միջեւ առկա դարավոր բարեկամությունը: Արա Բաբլոյանը կարեւորել է խորհրդարանական բարեկամական խմբերի գործունեությունը եւ նշել, որ բարեկամական խմբերը պետք է ակտիվ աշխատեն, ինչով կնպաստեն խորհրդարանների հարաբերությունների սերտացմանը: ՀՀ ԱԺ նախագահի խոսքով՝ անհրաժեշտ է մշակել աշխատաոճ եւ առաջնորդվել դրանով՝ թիրախում պահելով առաջնահերթությունները: Անդրադառնալով Հայաստանում տեղի ունեցած սահմանադրական բարեփոխումներին եւ դրանց հաջորդող գործընթացներին՝ Արա Բաբլոյանը նշել է. «Ինչպես գիտեք Հայաստանն անցում է կատարում խորհրդարանական կառավարման համակարգի, որով ավելանում են խորհրդարանի լիազորությունները եւ վերահսկողական գործառույթները: Կարծում եմ, որ խորհրդարանը կարող է նպաստել Հայաստան-Իրան առեւտրատնտեսական կապերի զարգացմանը՝ ձեռնարկելով որոշակի գործնական քայլեր: Ինչպես նաեւ խորհրդարանական վերահսկողության շրջանակներում կառավարությունից պահանջել համագործակցության վերաբերյալ հատուկ տեղեկություններ»:

ՀՀ ԱԺ նախագահի խոսքով՝ Հայաստանը կարող է դառնալ կամուրջ՝ Իրանի եւ ԵԱՏՄ, Իրանի եւ Եվրոպայի միջեւ, հետեւաբար երկուստեք պետք է ուղղորդել շահագրգիռ կողմերին Հայաստանով Իրան հասնելու համար:

Արա Բաբլոյանը պատրաստակամություն է հայտնել՝ աջակցելու Իրանի Իսլամական Հանրապետության հետ համագործակցությանն ուղղված նախաձեռնություններին բոլոր հնարավոր ոլորտներում:

 Իրանի Իսլամական Հանրապետության արտակարգ եւ լիազոր դեսպան Սեյեդ Քազեմ Սաջադին, շնորհակալություն հայտնելով ընդունելության համար, Արա Բաբլոյանին է փոխանցել Ալի Լարիջանիի ողջույնները եւ Իրան այցելելու հրավերը, որը սիրով ընդունվել է:

Դեսպանը ՀՀ ԱԺ նախագահին է ներկայացրել իր պաշտոնավարման տարիների ընթացքում կատարված աշխատանքը, ՀՀ օրենսդիր եւ գործադիր մարմինների հետ համագործակցության հիմնական ուղղությունները:

Սեյեդ Քազեմ Սաջադին կարեւորել է երկու երկրների միջեւ առկա բարձր մակարդակի փոխայցերը՝ նշելով, որ  դրանք երկու երկրների ղեկավարների քաղաքական կայացած երկխոսության եւ ժողովուրդների միջեւ հարաբերություններն առավել սերտացնելու վառ ապացույցն են: Դեսպանը նշել է, որ Իրանի խորհրդարանը մեծ տեղ է տալիս բոլոր երկրների, այդ թվում՝ Հայաստանի հետ առեւտրատնտեսական կապերի զարգացմանը: 

Տպել
2536 դիտում

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը

Փարիզում «դեղին բաճկոնների» ակցիայի 12 մարդ է ձերբակալվե

ԵԽԽՎ ձմեռային նստաշրջանին անդրադարձ կլինի ՀՀ-ում կայացած արտահերթ խորհրդարանական ընտրություններին

Հայտնաբերվել է Հաղարծինում ծառերն ապօրինի կտրած անձը

Վարդենյաց լեռնանցքը կցորդիչով բեռնատարների համար փակ է, իսկ մնացածի համար՝ դժվարանցանելի

Սամվել Մայրապետյանի փաստաբանական խումբը պատասխանել է ՀՀ գլխավոր դատախազությանը

Վալերիյ Օսիպյանն ընդունել է տաքսի ծառայությունների ղեկավարների, պատասխանել նրանց հուզող հարցերին

Դավիթ Տոնոյանն ու «Մայքրոսոֆթ» ընկերության ներկայացուցիչները պայմանավորվել են հետագա համագործակցության վերաբերյալ

ՀՀ ՄԻՊ Արման Թաթոյանը հայտարարություն է տարածել Ազգային ժողովի մարմինների ձեւավորման կապակցությամբ

Քաղաքապետ Հայկ Մարությանը հանդիպել է «Դայմլեր բասիս» ընկերության վաճառքների դեպարտամենտի տնօրեն Բերնդ Մեքի հետ

Ադրբեջանական կողմը հրադադարի պահպանման ռեժիմը մեկ շաբաթում խախտել է շուրջ 180 անգամ

ՀՀ Աշխատանքի եւ սոցիալական հարցերի նախարար է նշանակվել Զարուհի Բաթոյանը

Արմեն Սարգսյանը ստորագրել է հրամանագրեր՝ նախարարներ նշանակելու եւ վերանշանակելու մասին

ՄԱԿ գլխավոր քարտուղարը շնորհավորական ուղերձ է հղել Նիկոլ Փաշինյանին՝ վարչապետի պաշտոնում նշանակվելու առթիվ